Svimjisamband Føroya hevði í dag hin 9. apríl 2022 sín árliga aðalfund, á Panorama á Hotel Hafnia í Havn. Á skránni var útyvir formansfrágreiðing og framløga av roknskapinum, eisini ein rúgva av innkomnum málum frá starvsnevndini, og val av formanni og tveimum nevndarlimum.
Atlantic Airways og Svimjisamband Føroya hava í dag endurnýggjað stuðulsavtaluna sínámillum, so at Atlantic framhaldandi er høvuðsstuðul SSF. Hetta hendi har vesturi á flogvøllinum í Vágum, í sambandi við at føroyska svimjilandsliðið kom heim av væleydnaðari ferð til Noregs, har tey hava luttikið á altjóða stevnuni Bergen Swim Festival 2022.
Elisabeth Erlendsdóttir (2005) úr Havnar Svimjifelag megnaði nú í kvøld at svimja seg til bronsuheiðursmerki á Bergen Swim Festival 2022, tá ið hon í A-finaluni í 200 metra ryggsvimjing svam teinin uppá 2:21.07. Besta tíð hjá henni nakrantíð, er 2:19.88 frá Edinburgh International Swim Meet í mars mánaða.
Her eru úrslitini frá svimjistevnuni “SuSvim Open Apríl 2022” sum Suðuroyar Svimjifelag skipaði fyri í Páls Høll í Vági, nú leygardagin 2. og sunnudagin 3. apríl 2022. Úrslitini síggjast eisini her á livetiming.se, umframt her á swimrankings.net
Elisabeth Erlendsdóttir (2005) úr Havnar Svimjifelag svam seg í morgun víðari til eina A-finalu afturat á Bergen Swim Festival 2022, tá ið hon í 200 metra ryggsvimjing svam næstbestu tíð av øllum teimum 71 luttakandi í hesari grein. Besta tíð hjá henni nakrantíð, er 2:19.88 frá Edinburgh International Swim Meet nú fyrr í mars.
Tey eru liðug við 2. dag á Bergen Swim Festival 2022, har vit høvdu 3 føroyingar í finalu.
Her er eitt yvirlit yvir føroysk úrslit á Bergen Swim Festival 2022, tikin burturúr alinlanga listanum her á livetiming.se. Listin verður dagførdur í kvøld og í morgin.
Hóast kappingin er sera hørð á Bergen Swim Festival 2022, so stinga føroysku svimjararnir eisini seg upp í millum viðhvørt. Í morgun svumu tey aftur um at koma í finalur seinnapartin, har hesar svumu seg víðari:
B-finalurnar byrja kl 16:00, føroyska tíð, og A-finalurnar kl 17:00. Úrslitini fara at kunna síggjast beinleiðis her á livetiming.se, við stroyming her
Fyrstu finalur vóru avgreiddar í gjárkvøldið á Bergen Swim Festival 2022, har eisini føroyingar luttóku. Úr Bergen frætta vit at svimjararnir vóru eitt sindur tungir í gjáramorgunin, men at tað gekk betur í finalunum og so betur aftur í morgun.
Tey eru nú liðug við fyrsta umfar av innleiðandi riðlum á Bergen Swim Festival 2022, við luttøku av eisini føroyskum svimjarum. Jóhanna Ólavsdóttir úr Fuglafjarðar Svimjifelag svam seg í A-finalu í 400 blandað, meðan Jonna Joensen (2005) úr Ægir og Elisabeth Erlendsdóttir (2005) úr Havnar Svimjifelag svumu seg í B-finalur, Jonna í 200 firvald og Elisabeth í 50 rygg. Sí úrslitini her
