Her eru úrslitini frá svimjistevnuni fyri okkara yngstu aldursbólkar 1 til 4, sum Havnar Svimjifelag skipaði fyri í Svimjihøllini í Gundadali, í dag leygardagin hin 17. apríl.
Gevið gætur, at 25m-kappingarnar vórðu skipaðar sum stuttleikakappingar, ið tí ikki geva FINA-góðkend úrslit. Hinar longru vóru skipaðar sambært reglunum, og eru tí eisini at finna her á SwimRankings
Signhild Joensen svam seg í dag víðari til A-finalu á Danish Open 2021, tá ið hon í 100 metra ryggsvimjing við tíðini 1:03.54 svam seg til eitt fyribils 6. pláss millum tær 25 luttakandi. Sí úrslitalistan her
1:03.54 er 11. besta tíð sum Signhild nakrantíð hevur svomið, har tær bestu er hennara føroyska met á 1:03.01, sum hon fyrst setti á Bergen Swim Festival 2018, og síðani svam ájavnt við á Bergen Swim Festival í 2019.
Finalan er nú einaferð seinnapartin – Tað er drúgt at fylgja við, og óivað eisini at luttaka, nú tey mugu tøma høllina fyri svimjarar millum hvørja kappingargrein, og spritta av og so framvegis.
Ein áhugaverd grein her á Politiken, um hvussu korona-avmarkingarnar eru strangari nú í sambandi við Danish Open í Taastrup, í mun til á Swim Open Stockholm fyri bara viku síðani.
Her er innbjóðing til i “HS Open mai 2021”, sum Havnar Svimjifelag skipar fyri í Svimjihøllini í Gundadali, leygardagin hin 22. og sunnudagin hin 23. mai 2021.
Her eru startlistarnir til svimjistevnuna fyri aldursbólkar okkara 1 til 4, sum Havnar Svimjifelag skipar fyri í Svimjihøllini í Gundadali, nú leygardagin hin 17. apríl 2021.
Í morgin byrjar Danish Open 2021, har Signhild Joensen úr Ægir eisini luttekur, nú ísv Danish Open fyri sítt danska felag Kvik Kastrup. Startlistarnir síggjast her, úrslitini verða at síggja her, og stevnan verður øll stroymað beinleiðis á SuperLive.
Danska svimjisambandið hevur fingið gjørt eina trivnaðarkanning, har 30 svimjarar úr einum hópi á 547 spurdum siga, at tey í 2019 og 2020 hava upplivað almenna viging. Hesi 30 eru úr 8 feløgum, og nýggi stjórin hjá danska svimjisambandinum hevur tí verið í samband við hesi, til at fáa tey at halda uppat við hesum. Lesið her á dr.dk, og sí eisini trivnaðarkanningina her
Starvsnevnd SSF hevur samtykt at taka út fylgjandi svimjara til EvropaMeistarastevnuna á langgeil 2021, sum verður í Budapest í Ungarn hin 17. til 23. mai 2021:
Venjari og ferðaleiðari verða kunngjørd seinni
Vegna starvsnevnd SSF
Rókur
Starvsnevnd SSF hevur samtykt viðfestu úttøkuskipan til komandi Evropeisku JuniorMeistarastevnu á langgeil, sum verður í Rom í Italia frá 6. til 11. juli 2021.
Við fyrivarni fyri villum og misskiljingum
Vegna starvsnevnd SSF
Rókur
