Svimjisamband Føroya skipaði í dag fyri kalendarafundi í hølunum hjá Runavíkar kommunu í Saltangará, har feløgini undir leiðslu av nýggju svimjinevndini løgdu kalendaran fyri svimjiárið 2021-2022, umframt at endurskoða nakrar lutir í kalendaranum nú hesa árshálvu eisini.
Starvsnevnd SSF hevur samtykt viðfestu úttøkuskipan til komandi EvropaMeistarastevnu á langgeil, sum verður í Budapest í Ungarn frá 17. til 23. mai 2021.
Stutt sagt sama skipan sum til hesa somu stevnu í fjør, at vit ætla at taka út teir báðar svimjarar av hvørjum kyni, sum í kravtíðarskeiðnum klára bestu avrik yvir 700 FINA stig.
Sjálvsagt við fyrivarni fyri, at tað yvirhøvur ber til í hesi koronutíð.
Vegna starvsnevnd SSF
Rókur
Altjóða svimjisambandið FINA hevur nú góðkent svimjistevnuna “SuSvim Open Apríl 2021” sum offisiella úttøkustevnu til OL í Tokyo 2021, ið er stevna sum Suðuroyar Svimjifelag skipar fyri í Páls Høll í Vági hin 10. og 11. apríl 2021. Harvið kunnu føroyskir svimjarar vónandi og fyri fyrstu ferð nakrantíð royna eftir OL-úttøku her heima í Føroyum, nú danska úttøkuskipanin er broytt frá at kravtíðirnar skulu klárast á ávísum stevnum, til heldur at skula klárast innanfyri eitt kravtíðarskeið.
FINA skrivar her, at HM á stuttgeil 2021 verður eitt vet seinni enn upprunaliga ætlað, til betur at hóska við alt hitt sum er í ítróttarkalendaranum har um somu tíð. Nýggja dagfestingin er 16. til 21. desember 2021, har hin upprunaliga var 13. til 18. desember.
Her er innbjóðing til svimjistevnuna HS Open sum Havnar Svimjifelag skipar fyri í Svimjihøllini í Gundadali hin 13. og 14. mars 2021.
Her eru úrslitini frá svimjistevnuni “Ægir Open” sum Ægir skipaði fyri í Klaksvíkar Svimjihøll hin 20. og 21. februar 2021. Úrslitini síggjast eisini her á livetiming.se og her á swimrankings.net
Danska svimjisambandið skipar hin 5. til 7. mars 2021 fyri OL-úttøkustevnu í Vejle, fyri teimum svimjarum sum eru nærmast donsku kravtíðunum til OL í Tokyo í summar.
Kravtíðirnar eru so mikið ógvusliga harðar til hesa úttøkustevnu, at tey yvirhøvur eru bara millum 1 og 8 sum eru tilmeldaði í hvørjari grein – harav føroyska Signhild Joensen úr Ægir er styrkismett sum nr 6 í 50 og 100 rygg, og nr 3 í 200 rygg.
Sí startlistan her umframt tíðindi her á SwimNews.dk
Her er innbjóðing til svimjistevnu í Páls Høll í Vági, leygardagin hin 6. mars 2021, sum Suðuroyar Svimjifelag skipar fyri. Hetta er stevna fyri okkara yngstu aldursbólkar 1 til 4, sum upprunaliga skuldi verða í svimjihylinum í Tvøroyrar skúla, men sum nú vegna koronatilmælini er flutt til heldur at verða uppá tvørs í langhylinum í Vági.
Her er startlistin til svimjistevnuna “Ægir Open”, sum Ægir skipar fyri í Klaksvíkar Svimjihøll nú leygardagin 20. og sunnudagin 21. februar. Startlistin sæst eisini her á livetiming.se, har eisini úrslit verða at síggja beinleiðis frá hesi stevnu.
Lars R. Aa. Jørgensen leggur nú frá sær sum formaður í Dansk Svømmeunion, vegna rokið sum hevur verið har seinastu árini:
“Kære alle
Jeg har besluttet at træde tilbage som formand for bestyrelsen i Dansk Svømmeunion. Dette sker, da jeg ikke ønsker, at mit virke skal stå i vejen for, at Dansk Svømmeunion kan genvinde sine kræfter og arbejde fremadrettet med at hjælpe og støtte 300 svømmeklubber og cirka 190.000 aktive overalt i Danmark.
Den seneste tid har været hård med interne stridigheder, mistillidsvotum og artikler i aviserne. Ikke kun for mig personligt, men også for medarbejdere, for frivillige og for mange af de mennesker, der lever og ånder for svømmesporten. Det kan ikke blive ved på denne måde. Det er vigtigt, at arbejdet i unionen kommer tilbage på sporet til gavn for unge og voksne, der forhåbentlig snart kan dyrke deres sport igen.
Tilliden til, at jeg kan stå i spidsen for bestyrelsen, er ikke solidt funderet. Derfor er det bedst, jeg trækker mig, hvilket jeg gør, så snart det er muligt at afholde en generalforsamling og vælge en ny formand. Jeg vil bede de af jer, der er meget uenige med mig, om at have forståelse for, at det ikke er muligt at afvikle en generalforsamling nu – selvom det ville være godt for alle at kunne komme videre med det samme.”
Les meira her á heimasíðuni hjá Dansk Svømmeunion
Sitandi nevnd hevði sambært Ekstra Bladet bjóðað mótstøðufólkum sínum, at formaðurin skuldi fara frá afturfyri at tey trektu misálitið frá 26 feløgum aftur, uttan úrslit. Hetta skrivar Dansk Svømmeunion eisini um her.
