rokur

Ilya Shymanovich 55.34 og heimsmet í 100 bringu

Hvítarussiski Ilya Shymonovich setti í dag nýtt heimsmet í 100 metra bringusvimjing á stuttgeil, tá ið hann á hvítarussisku meistarastevnuni á stuttgeil í Brest svam hendan teinin uppá 55.34 sekund. Bretski Adam Peaty átti heimsmetið á 55.41 sekund, frá ISL-finaluni í Budapest í november.

Signhild nr 12 í 50 rygg á DM á stuttgeil 2020

Signhild Joensen royndi seg í gjár á donsku meistarastevnuni á stuttgeil 2020, har hon í innleiðandi riðlunum svam seg til 29.29 og eitt 12. pláss í 50 rygg, og síðani í finalupartinum til 29.31 og endaligt 12. pláss.

Signhild valdi so eftirfylgjandi at bróta túrin av til DM í Helsingør, fyri heldur at fara fyrr heim til Føroyar, og luttekur tí ikki sum sum annars fyrr kunngjørt í 100 rygg í dag umframt 200 rygg hósdagin.

Svimjisambandið 40 ár

Í dag eru tað 40 ár síðani, at Svimjisamband Føroya varð stovnað. Undir vanligum umstøðum høvdu vit viljað hátíðarhildið hendan dagin – men vegna koronafarsóttina hevur starvsnevnd SSF avgjørt at bíða við hesum, til vit kunnu bjóða veruliga inn.

So er tað Signhild og DM á stuttgeil 2020

Nú mánamorgunin byrjar danska meistarastevnan á stuttgeil 2020, sum vegna koronafarsóttina er býtt sundur í fyrst 4 dagar við kappingunum fyri kvinnur og síðani 4 dagar við teimum fyri menn, og síðani í smærri bólkar so at tey ongantíð eru fleiri enn 30 fólk í høllini í senn.

sea city water building — Photo by CHRISTIAN PFEIFER on Pexels.com

Caeleb Dressel royndi at svimja 50 frí undir 20 sekund í ‘superdrakt’, tað eydnaðist ikki (hesuferð)

Nú amerikanski Caeleb Dressel herfyri setti nýtt heimsmet í 50 metra frísvimjing á stuttgeil, við at svimja hendan stytsta teinin uppá 20.16 sekund á ISL-stevnu í Budapest, so funnu tey uppá at hann skuldi royna at fara undir 20 sekund í ‘superdrakt’, tvs. ein av hesum heildraktum sum svomið var í fram til 2010.

Hetta hendi nú mikudagin hin 9. desember, á 20-ára føðingardegnum hjá sokallaðu ‘Fastskin’-seriuni hjá svimjiklædnaframleiðaranum (og sponsorinum) Speedo. Tað eydnaðist ikki hesuferð, men er stuttligt at hyggja at fyri tað.

Niðurlond 1:32.50 og nýtt heimsmet í 4×50 frí fyri kvinnur

Eitt niðurlendskt kvinnulið setti í dag nýtt heimsmet í 4×50 metra frísvimjing á langgeil, tá ið tær í einum serligum ‘time trial’ á Wouda Cup í Eindhoven svumu hendan samlaða teinin uppá 1:32.50, har heimsmetið hjá Niðurlondum frá EM á stuttgeil í Keypmannahavn í 2017 var 1:33.91. Tær fýra sum svumu í dag, vóru Ranomi Kromowidjojo, Maaike de Waard, Kim Busch og Femke Hemskerk.

SuSvim Open 12. desember 2020 avlýst

Av tí at Strandferðslan í gjár avlýsti túrin suður í morgun kl 07:00, so meldaðu feløgini norðanfjørðs tá frá. Hetta viðførdi so aftur at svimjistevnan mátti avlýsast, í øllum førum sum offisiell stevna við góðkendum úrslitum, av tí at okkara reglugerð fyri svimjistevnur krevur at minst tvey feløg skulu luttaka.