Eitt áhugavert innlit her, í hvussu dagurin hjá Adam Peaty var, tá ið hann nú í vikuskiftinum setti heimsmet í 100 metra bringusvimjing. Hvat hann át um morgunin, hvussu høllin í Budapest sær út, og so sjálvsagt frá sjálvari kappingini.
Author: rokur
Caeleb Dressel 49.88 og nýtt heimsmet í 100 blandað
Amerikanski Caeleb Dressel setti í gjár nýtt heimsmet í 100 metra blandaðari svimjing, tá ið hann í ISL-dysti í Budapest svam teinin uppá 49.88 sekund. Russiski Vladimir Morozov átti heimsmetið á 50.26 frá World Cup stevnu í Eindhoven í 2018, og Dressel er sostatt eisini fyrsti svimjari nakrantíð undir 50 sekund í 100 blandað.
Úrslit frá FMS & JMS 2020
Her eru úrslitini frá Føroyameistarastevnuni og Juniormeistarastevnuni á stuttgeil 2020, sum Svimjisamband Føroya skipaði fyri saman við Havnar Svimjifelag, í Svimjihøllini í Gundadali hin 13. til 15. november 2020.
![](https://i0.wp.com/www.svimjing.com/wp-content/uploads/2020/11/RA75491_DxO-600x400.jpg?resize=600%2C400)
Úrslitini finnast eisini her á livetiming.se
Continue reading Úrslit frá FMS & JMS 2020Adam Peaty 55.49 og heimsmet í 100 bringu
Bretski Adam Peaty setti í dag nýtt heimsmet í 100 metra bringusvimjing á stuttgeil, tá ið hann í ISL-dysti í Budapest svam teinin uppá 55.49 sekund. Suðurafrikanski Cameron van der Burgh átti heimsmetið á 55.61 frá World Cup stevnu í Berlin í 2009, sum væl at merkja tá varð svomið í heildrakt.
Kira Toussaint 25.60 og heimsmet í 50 rygg
Niðurlendska Kira Toussaint setti í dag nýtt heimsmet í 50 metra ryggsvimjing á stuttgeil, tá ið hon í ISL-dysti í Budapest svam teinin uppá 25.60 sekund. Brasilska Etiene Medeiros átti heimsmetið 25.67 sekund, frá heimsmeistarastevnuni á stuttgeil í Doha í 2014.
Stroyming frá FMS & JMS 2020
Startlisti til FMS & JMS 2020
Her er luttøkulistin til Føroyameistarastevnuna og Juniormeistarastevnuna á stuttgeil 2020, sum Svimjisamband Føroya skipar fyri saman við Havnar Svimjifelag, í Svimjihøllini í Gundadali hin 13. til 15. november 2020.
Startlistarnir síggjast eisini her á livetiming.se
![](https://i0.wp.com/www.svimjing.com/wp-content/uploads/2017/11/FM2017S-2-600x338.jpg?resize=600%2C338)
Barelli afturvaldur LEN forseti
Evropeiska svimjisambandið LEN hevði í dag sín árliga aðalfund, sum fjórða hvørt ár hartil er val-aðalfundur. Italski svimjiforsetin Paolo Barelli varð afturvaldur sum LEN forseti, meðan norðurlond fingu ein nýggjan vara-forseta umframt tveir nýggjar starvsnevndarlimir.
![](https://i0.wp.com/www.svimjing.com/wp-content/uploads/2020/11/snapseed-600x338.jpg?resize=600%2C338)
Hesin aðalfundur skuldi upprunaliga hava verið í sambandi við EM á langgeil í Budapest í mai mánaða, men varð vegna korona fyrst útsettur saman við EM til í august mánaða, fyri síðani at verða útsettur til vera fyri seg í Budapest í november, og so enda við at vera á netinum.
Continue reading Barelli afturvaldur LEN forsetiNorska meistarastevnan á stuttgeil avlýst vegna korona
Norska svimjisambandið kunngjørdi í gjár, at tey í samráð við myndugleikarnar hava avgjørt at avlýsa norsku meistarastevnuna á stuttgeil, sum skuldi verða í Kjølnesbadet í Porsgrunn hin 12. til 15. november 2020. Hetta vegna støðuna við korona í landinum.
![](https://i0.wp.com/www.svimjing.com/wp-content/uploads/2020/11/porsgrunn-600x450.jpg?resize=600%2C450)
Tað vil siga, at av í øllum førum fýra norðurlendskum meistarastevnum sum upprunaliga skuldu verða hetta vikuskiftið, er bara okkara í Føroyum eftir, nú eisini sviar máttu avlýsa, og íslendingar máttu útseta til í desember.
Continue reading Norska meistarastevnan á stuttgeil avlýst vegna koronaFMS og JMS 2020 í skerdari útgávu vegna korona
Sum tit kunnu lesa her á in.fo, so fer Kringvarp Føroya ikki at senda frá Føroyameistarastevnuni og Juniormeistarastevnuni á stuttgeil 2020.
![](https://i0.wp.com/www.svimjing.com/wp-content/uploads/2020/06/ABMS2020_RA73659-600x337.jpg?resize=600%2C337)
Hetta er í fullari semju millum KVF og SSF, stutt sagt tí at vit verða noydd at kunna útseta FMS/JMS 2020 so gott sum upp á standandi fót, ífall at støðan við korona versnar.
Continue reading FMS og JMS 2020 í skerdari útgávu vegna korona