Tilsamans fýra juniormet vórðu sett á hesi Føroyameistarastevnu og Juniormeistarastevnu á langgeil, hesar tríggjar dagarnar í Vági.
Nú eru úrslitini frá FM/JM 2020 at finna eisini her á SwimRankings, har ein av snildu funkunum er at kunna fáa eitt skjótt yvirlit yvir hvørji sum betraðu seg og ikki.
Og tað sær gott út – Av teimum tilsamans 60 sum luttóku á hesum FM, vóru tey 52, ella umleið 87%, sum settu í øllum førum éitt persónligt met.
Continue reading Nógv persónlig met á FM/JM 2020Altjóða svimjisambandið FINA hevur dagført sína kravtíðarskipan til Olympisku Leikir 2020 í Tokyo í 2021, sum skilst serliga so at kravtíðarskeiðið hjá einstaklingum nú er frá hin 1. mars í 2019 til hin 27. juni í 2021, og kravtíðarskeiðið hjá liðsvimjingum (stafettum) nú er frá hin 1. mars í 2019 til hin 31. mars í 2021.
Kravtíðirnar skulu klárast á serliga útvaldum stevnum; men er øll hendan kravtíðarskipanin eitt sindur óviðkomandi fyri okkum føroyingar, av tí at tað enn eru danir sum seta treytirnar fyri eisini føroyskari luttøku á Olympisku Leikum, íroknað hvørjar stevnur sum kravtíðirnar kunnu klárast á. Til nú í 2020 vóru donsku úttøkustevnurnar Danish Open og Swim Open Stockholm, ið sum kunnugt báðar vórðu avlýstar vegna koronafarsóttina.
Her er goymd stroyming frá øllum stevnupørtum á Føroyameistarastevnuni og Juniormeistarastevnuni 2020, sum var í Páls Høll í Vági nú hin 3. til 5. juli 2020.
Talan er um ein ‘playlista’ – tvs. at tit kunnu velja stevnupartin við at trýsta á hatta “1/6” uppi í høgra horni á videoini.
Ægir átti bestu avrikini á Føroyameistarastevnuni á langgeil 2020, bæði hjá kvinnum og monnum, við Signhild Joensen sum svam 30.14 og 717 FINA stig í 50 rygg, og Róki Trygvasyni sum svam 23.61 og 694 FINA stig í 50 frí.
Ársins svimjarar og stjørnuskot vórðu í dag kunngjørd við endan av FM/JM 2020, og vóru tey stjørnuskotini Ronja Ró í Dímun úr Havnar Svimjifelag og Bartal Debess úr Suðuroyar Svimjifelag, og ársins svimjarar Signhild Joensen úr Ægir og Róland Toftum úr Suðuroyar Svimjifelag.
HS dreingir settu í dag stórt nýtt føroyskt juniormet í 4×100 metra frísvimjing á langgeil, tá ið teir í finaluni á FM 2020 í Páls Høll í Vági svumu teinin uppá tilsamans 3:48æ83, har juniormetið hjá HS var 3:55.37. Teir fýra sum svumu í kvøld, vóru Johan Nónskarð Dam, Jóhannis Erlendsson, Niklas Jógvan Arge og Bartal E. Eidesgaard. Sí úrslitalistan her
Her eru úrslitini frá Føroyameistarastevnuni og Juniormeistarastevnuni 2020, sum Svimjisamband Føroya skipaði fyri í Páls Høll í Vági nú 3. til 5. juli 2020, í góðum samstarvi við Suðuroyar Svimjifelag og hini svimjifeløgini. Hartil heiðursmerkjalistar og FINA stigatalvur.
Úrslitini síggjast eisini her á livetiming.se, umframt at stroyming frá allari stevnuni sæst her á YouTube.
HS dreingir settu í gjárkvøldið stórt nýtt føroyskt juniormet í 4×200 metra frísvimjing á langgeil, tá ið teir í finaluni á FM 2020 í Páls Høll í Vági svumu teinin uppá tilsamans 8:38.50, har juniormetið hjá Ægir var 8:52.91. Teir fýra sum svumu í gjárkvøldið, vóru Bartal E. Eidesgaard, Høgni Hoydal Thomassen, Jóhannis Erlendsson og Johan Nónskarð Dam. Sí úrslitalistan her
Nú haldi eg at vit tora at lova tað: Svimjisamband Føroya stroymar beinleiðis frá øllum stevnupørtum á Føroyameistarastevnuni og Juniormeistarastevnuni á langgeil 2020, úr Páls Høll í Vági hin 3. til 5. juli 2020.
Sí YouTube-rásina hjá SSF
https://www.youtube.com/channel/UCG7i_Qi7iK2k_GwsCeuucWw
Stevnupartur 6 byrjar kl 15:00 nú seinnapartin
Continue reading Beinleiðis stroyming frá FM/JM 2020
