Litavar hava júst fráboðað, at Norðurlendska Meistarastevnan fyri Ung 2020 er avlýst, sum annars skuldi verða í Kaunas í Litava hin 11. og 12. juli 2020. Hetta vegna koronasóttina sum herjar um heimin.
![](https://i0.wp.com/www.svimjing.com/wp-content/uploads/2020/01/trakai-castle-2719711_1920-600x383.jpg?resize=600%2C383)
Litavar hava júst fráboðað, at Norðurlendska Meistarastevnan fyri Ung 2020 er avlýst, sum annars skuldi verða í Kaunas í Litava hin 11. og 12. juli 2020. Hetta vegna koronasóttina sum herjar um heimin.
Altjóða svimjisambandið FINA kunngjørdi nú fyri løtu síðani nýggja dagfesting fyri næstkomandi HM á langgeil, at verða nú í Fukuoka hin 13. til 29. mai 2022, heldur enn sama stað á sumri 2021. HM fyri masters verður eisini flutt, at verða nú frá 31. mai til 9. juni 2022. Sí FINA
Svenski Victor Johansson er sambært Sveriges Radio raktur av ‘mystiskari’ sjúku, sum ger at hansara testosteron-virði eru farin í botn. Hann er staddur í Los Angeles, har hann er ‘student athlete’ á University of Southern California – men síðani í oktober/november er tað bara gingið verri og verri við venjingini, og nú er so sjálvsagt alt tað við COVID-19 og stongdum svimjihallum eisini.
Vit føroyingar kenna rættiliga væl Victor, nú hann er bara eini tvey ár yngri enn Óli Mortensen, og hartil svimur ella svam umleið somu sergrein.
Hetta veit Hungary Today at siga á enskum, eftir at forsetin í ungarska svimjisambandinum skal hava sagt so við ungarsku tíðindarásina M1. EM varð sum kunnugt útsett frá nú í mai til í august, og nú siga hesar keldur so at nágreiniliga dagfestingin verður avgjørt á næstkomandi LEN kongress, sum eftir øllum at døma verður í november.
Danska svimjisambandið kunngjørdi nú mikudagin, at Christiansborg Rundt 2020 varð avlýst vegna støðuna við COVID-19. Útlitini vóru annars góð, nú tey fyri 15. ferð skuldu skipa fyri hesi stevnu í kanalunum rundt Christiansborg, við meira enn 4400 luttakarum í fjør og væntandi enn fleiri í ár. Christiansborg Rundt hevur fast ligið á síðsta leygardag í august mánaða, tvs í ár hin 29. august. Lesið her á svoem.org
Tórshavnar býráð samtykti á fundi í gjárkvøldið at játta 4 milliónir krónur til at endaliga fyrireika langhylin í Havn, við burturbeining av ÍSF-húsinum í heyst umframt at rigga byggipláss til og at fara undir jørð- og lendisarbeiði. Sí torshavn.fo umframt býráðsfundin niðanfyri.
Góðu tit øll
Her er nýggj innbjóðing til Aldursbólkameistarastevnuna 2020, sum nú útsett til hin 30. og 31. mai 2020.
Her er ymiskt sum er væl øðrvísi enn í fyrru útgávu, til at fáa hesa stevnu at hóska til almennu coronatilmælini sum fráboðað í dag:
Har er sikkurt okkurt annað sum eg havi gloymt beint nú, og afturat hesum koma okkara kappingartilmæli ísv corona, sum verða klár í seinasta lagi 15. mai.
Sigið endiliga frá, um okkurt er. Vit royna sum frægast at fáa hesa stevnu avgreidda sum vanligt, men mugu jú tillaga onkunstaðni.
Vegna starvsnevnd SSF
Rókur
Evropeiska svimjisambandið LEN fráboðaði í dag sínum limalondum, at EJM 2020 nú er endaliga avlýst, sum tey annars høvdu vónað at kunna flyta frá juli til í september mánaða.
Fyriskipararnir av EYOF 2021 hava avgjørt at flyta hesa stevnu sum skuldi verða í Banská Bystrica í Slovakia í juli 2021, til heldur at verða í 2022. Hetta tí at OL hervið varð útsett í eitt ár, til nú at verða umleið samstundis sum hetta EYOF í 2021. Lesið her á Inside the Games
Her er ein skjót gjøgnumgongd av venjingartilmælinum sum Svimjisamband Føroya hevur gjørt saman við føroysku svimjifeløgunum og í samráð við corona-ráðgevingina, til at umganga coronasmittu í svimjivenjing. Við rundvísing av hvussu tað verður gjørt í praksis hjá Svimjifelagnum FLOT á Toftum.