Altjóða lívbjargingarsambandið ILS hevur í morgun kunngjørt, at HM í lívbjarging sum skuldi verða í Riccione í Italia í september 2020, nú heldur verður í Riccione í september/oktober 2022. Lesið her á ilsf.org umframt offisiella brævið.
Eftir ætlan skuldi val-aðalfundur verða í sambandi við hetta HM í 2020, men er hann nú fluttur til heldur at verða í sambandi við altjóða lívbjargingarráðstevnuna sum verður í Sri Lanka í 2021. Og HM sum skuldi verða í Marokko í 2022, verður nú heldur í 2026.
Kinesiska svimjisambandið sendi í gjár eina fráboðan út um at Sun Yang er koyrdur av kinesiska landsliðnum vegna sín dopingdóm, aftaná at tað mikudagin frættist at tey høvdu bjóðað honum á 3-mánaða landsliðslegu. Lesið t.d. China Daily og South China Morning Post.
Her eru tilmæli SSF til, hvussu svimjingvenjing eigur at ganga fyri seg, nú meðan strang tilmæli enn eru til at umganga corona-smittu.
Tilmælini eru gjørd út í frá uppskotum frá svimjifeløgum okkara, og í samráð við nýggju corona-ráðgevingina.
Í mesta lagi 10 eiga at vera til eina venjing í senn
Tað eru altíð somu bólkar sum venja í senn
Frástøða á minst 2 metrar eigur at haldast av øllum allastaðni, so sum í móttøkuni, í umklæðingini, undir brúsuni, á kantinum og í hylinum
Um svimjarar svimja aftaná hvørjum øðrum, so eigur frástøðan at vera minst 4 metrar millum hvønn svimjara, tann vegin sum tey svimja
Øll halda seg til at nýta einans persónliga útgerð, og lána ongum sítt, so sum t.d. svimjibrillur, fitjur, snorkil, plátur, vatnfløskur, hettur, stopp-ur og klæðir
Alt persónligt verður goymt við somu frástøðu á minst 2 metrum, og gjarna í persónligari tasku ella í persónligum skápi
Hitarúm og líknandi verður ikki brúkt
Følir svimjarin seg sjúkan, skal hann/hon verða heima
Hevur svimjarin fepur ella turran hosta (sjúkuteknin uppá COVID-19), skal svimjarin testast áðrenn hann/hon kann venja aftur
Svimjararnir eiga at fáa greið boð um hesar venjingarreglur, áðrenn fyrstu venjing
Øll uppmøting eigur at skrásetast neyvt, so at til ber at síggja hvør ið møtti nær
Reingerð, reinføri og avspritting fellur uttanfyri sjálvi venjingartilmælini, men eigur sjálvsagt at verða sambært galdandi forskriftum frá myndugleikum.
Tilmæli til kappingar koma seinni – her nú fyrst hava vit miðsavnað okkum um, at fáa hetta til venjingina avgreitt, so at svimjararnir kunnu koma í gongd aftur.
Vegna Svimjisamband Føroya
Rókur
PS. Um tað nú í praksis vísir seg at vera okkurt sum er óheppið ella ógreitt í hesum tilmæli, vinarliga fráboðið tað so til mín, við at senda ein teldupost til rokur (kurla) ssf.fo
Starvsnevnd SSF hevur avgjørt at útseta árliga aðalfundin hjá Svimjisambandi Føroya, sum skuldi verða nú fríggjakvøldið hin 17. apríl 2020 frá kl 18:00, til í staðin at verða leygardagin hin 16. mai 2020 frá kl 12:00.
Hetta vegna tilmælini frá myndugleikum um ikki at samlast fleiri enn 10 fólk í senn, og vegna tilmæli frá ÍSF um so vítt gjørligt at hava ein fysiskan aðalfund.
Fundurin verður hildin í fundarhølunum hjá Ítróttasambandi Føroya, í ÍSF-húsinum í Gundadali, við somu skrá sum longu fráboðað. Har verður okkurt til matnað.
Skuldi tað ikki eydnast okkum at hava fundin tá heldur sum ætlað, so verður tað fráboðað feløgunum umframt á heimasíðu SSF.
Vegna starvsnevnd SSF Rókur í Jákupsstovu Formaður
Starvsnevnd SSF fundaðist í dag við formenn og -kvinnur í føroysku svimjifeløgunum, í forleingilsi av góðu tíðindunum frá Løgmanni mikudagin, at Føroyar lata varisliga upp aftur, íroknað at vit frá 9. mai fara at vónandi kunna hava ítróttarkappingar aftur.
Tilsamans 9 ungarskir landsliðssvimjarar hava til nú fingið staðfest koronasmittu, har í millum Boglarka Kapas, heimsmeistari í 200 firvald, umframt Dominik Kozma, David Horvath og Richard Bohus.
Hetta er staðfest tí at tey har brúka at testa landsliðið til at vita hvør ið kann tilláta sær at halda áfram at venja, har hesi fingu staðfest smittu aftaná at vera komin heim av venjingarlegum.
Fyriskipararnir mongu eru í dag komnir ásamt um, at Olympiskur Leikir 2020 nú verða fra hin 23. juli til 8. august í 2021, og Paralympisku Leikir frá hin 24. august til 5. september í 2021. Lesið her á olympic.org
The International Olympic Committee (IOC, the International Paralympic Committee (IPC), the Tokyo 2020 Organising Committee, the Tokyo Metropolitan Government and the Government of Japan today agreed on new dates for the Games of the XXXII Olympiad, in 2021. The Olympic Games Tokyo 2020 will be celebrated from 23 July to 8 August 2021. They also agreed on new dates for the Paralympic Games, which will be celebrated From 24 August until 5 September 2021.
Starvsnevnd SSF hevur viðgjørt spurningin um Atlantic Open 2020, nú ein mánaður er til at hendan stevna skal verða sambært kalendara okkara.
Niðurstøðan er at vit avlýsa hesa stevnu, eisini hóast vit hin 14. apríl vónandi eru komin úr hesi neyðstøðu sum nú er.
Vónandi ber til at avgreiða ABMS 2020 og FM á langgeil 2020, tá einaferð í mai og juni, umframt aðalfundin hin 17. apríl.
IOC hevur júst útsett OL til í 2021, og tískil eru bara tvær stevnur eftir í altjóða kalendara okkara til í summar – NMU í juli, og EM nú útsett til í august.
Vónandi hava vit tað øll gott í hesum sóttarhaldum.
FINA skrivar her at tey fara at endurskoða dagfestingara fyri Heimsmeistarastevnuna sum eftir røttum skal vera í Fukuoka í Japan í 2021, nú OL verður eisini í Japan saman ár. Hetta í samráð við altjóða olympisku nevndina IOC og við lokalu fyriskipararnar í Japan.
Japanese prime minister Shinzo Abe and Tokyo governor Yuriko Koike have proposed a one-year postponement of the Summer Olympics in Tokyo in a conference call with International Olympic Committee president Thomas Bach.
Abe said Bach agreed “100%” with this proposal, which would have to be approved by the IOC’s Executive Board.
The Olympics have never been postponed in history. The modern Olympics has been canceled only during wartime. A final decision would have to be announced and made by the IOC and Bach.
