Starvsnevnd SSF hevur samtykt at vilja broyta nálatíðir SSF frá hin 1. januar 2020, so at tær nú verða sum lýstar í viðfestu skjølum.
Umboð fyri SSF og FLOT hava í kvøld roynt eina nýggja tíðtakingarskipan, sum vónandi fer at gera tað væl lættari at taka tíð á stevnum í skúlahyljum runt landið, og á svimjistevnum annars har krav ikki er um at tíðirnar skulu kunna brúkast til met og sovorðið.
Altjóða svimjisambandið FINA hevur nú her á fina.org almannakunngjørt kravtíðarskipanina til HM í Fukuoka 2021, sum er teirra krav til hvør sum kann sleppa at svimja á hesu heimsmeistarastevnu.
Continue reading FINA kunngjørt kravtíðirnar til HM í Fukuoka 2021Íslendarar skipa hin 24. til 26. januar fyri Reykjavík International Games 2020, við luttøku av eisini einum 38 føroyskum svimjarum úr Ægir, Havnar Svimjifelag og Suðuroyar Svimjifelag. Og hóast kappingin er hørð, sær tað út til at føroyingarnir fara at kunna taka í øllum førum okkurt heiðursmerki.
Svimjifelagið FLOT bjóðar til FLOT-stevnu í svimjihylinum á Toftum, leygardagin hin 1. februar 2020. Hetta er stevna fyri okkara yngstu aldursbólkar: 1, 2 og 3. Sí viðfestu innbjóðing.
Starvsnevnd SSF hevur ásett viðfestu kravtíðir til Norðurlendsku Meistarastevnuna fyri Ung 2020, sum verður í Girstučio baseinas í Kaunas í Litava hin 11. og 12. juli 2020. Kravtíðarskeiðið er til og við FM á langgeil 2020.
Úttøkuskipan:
Kravtíðirnar síggjast eisini her á heimasíðu SSF.
Starvsnevnd SSF hevur ásett viðfestu kravtíðir til Evropeisku JuniorMeistarastevnuna 2020, sum verður í Aberdeen í Skotlandi frá 1. til 5. juli 2020. Kravtíðarskeiðið er til og við FM á langgeil 2020.
Úttøkuskipan:
Kravtíðirnar síggjast eisini her á heimasíðu SSF.
Starvsnevnd SSF hevur ásett viðfestu kravtíðir til Danish Open 2020, sum verður í Taastrup í Danmark hin 28. mars til 1. apríl, og sum er týdningarmesta úttøkustevna hjá dønum til Olympisku Leikir í Tokyo.
Starvsnevnd SSF viðgjørdi á starvsnevndarfundi í gjárkvøldið spurningin um møguliga at góðkenna tíðina hjá Róki Trygvasyni sum føroyskt met, sum hann hin 1. desember 2019 svam á Norðurlendsku Meistarastevnuni og JuniorMeistarastevnuni í Tórshavn, tá ið hann sum fyrsti svimjari í 8×50 frí fyri “mix” lið svam fyrstu 50 metrar frí uppá 23.05 sekund.
Boð úr Suðuroy júst nú – Svimjistevnan má tíverri avlýsast sum skuldi vera í Páls Høll nú leygardagin 11. og sunnudagin 12. januar 2020, vegna veður og avlýsing hjá Smyrli.
