Úrval avdúkaði í gjár tey sum fáa úrvalsjáttan nú í 2020, harav fýra einstaklingar og ein hópur eru frá svimjingini. Til lukku tit øll.
Úrvalsstuðul 2020 til íðkarar hoyrandi til SSF
Her er innbjóðing til Suðuroyar Sparikassa stevnu í Páls Høll í Vági hin 11. og 12. januar 2020, sum Suðuroyar Svimjifelag skipar fyri. Hetta er opin stevna fyri allar aldursbólkar, tó so at riðlarnir í 400, 800 og 1500m kappingum eru avmarkaðir til éin riðil í hvørjari kapping.
DR bar í gjárkvøldið hesi tíðindini, at danski juniorlandsliðsvenjarin Michael Hinge í 2013 gav ungum svimjarum á landsliðslegu giktarheilivág uttan at ráðføra seg við lækna ella foreldur, so at hesir svimjarar kundu halda áfram við venjingini sama dag.
Sí eisini TV Avisen í gjárkvøldið (frá 16:40 ella har á leið)
Í hesi søgu verður víst til eina eldri sum DR bar í mai, um hvussu landsliðsvenjarin Paulus Wildeboer væl áðrenn hetta plagdi at geva landsliðssvimjarum tablettir sum hann hevði bílagt úr Spania, uttan at hesi sóu pakningin ella á annan hátt fingu prógv um innihaldið.
Continue reading Enn meira rok í donsku svimjinginiFyrireikingarnar eru longu væl í gongd til Nordic Open Masters 2020, sum verður í Svimjihøllini í Gundadali hin 2. til 4. oktober 2020.
Formliga innbjóðingin verður klár í januar, við møguleika at bíleggja sær innivist og máltíðir og so framvegis.
Vit vænta í minsta lagi 300 svimjarar sum tá ið hendan sama stevna var í Havn í 2015, og vita at tey í Vantaa í Finnlandi í ár vóru yvir 600.
Sí stevnusíðuna ssf.fo/nordic-open-masters-2020/
Her niðanfyri eru nakrar útvaldar myndir frá stevnuni í Havn í 2015
Her eru úrslitini frá svimjistevnuni “SMS Jólasprint 2019”, sum Havnar Svimjifelag skipaði fyri í Svimjihøllini í Gundadali leygardagin hin 21. desember 2019. Úrslitini síggjast eisini her á livetiming.se og her á SwimRankings
Continue reading Úrslit frá SMS Jólasprint 2019
Her er innbjóðing til árligu svimjistevnuna “SMS Jólasprint”, sum Havnar Svimjifelag skipar fyri í Svimjihøllini í Gundadali, leygardagin hin 21. desember 2019.
Innbjóðing í pdf-sniði: hs-jolasprint-2019-innbjoding.pdf
WADA kunngjørdi í morgun at Russland nú fær fýra ára bann frá altjóða ítrottarstevnum íroknað Olympisku Leikir – tó so at russiskir íðkarar kunnu biðja um undantaksloyvi til at kappast sum einstaklingar undir neutralum flaggi, ífall at tey ikki hava verið partur av stóru dopingsakini í Russlandi.
Hetta kann sjálvsagt væl merkja, at bæði LEN má broyta ætlanina um at hava EM á stuttgeil í Kazan í 2021, sum Kazan annars fekk fyri bara tveimum døgum síðani. Og har eru aðrar stevnur eisini sum kunnu ávirkast, so sum World Cup stevnan í Kazan í oktober 2020, og kappingar í synkro og kaving eisini í 2020.
Les t.d. SwimmingWorld Magazine
Evropeiska svimjisambandið LEN samtykti á stjórnafundi her á EM á stuttgeil 2019 í Glasgow, at russiski býurin Kazan skal fáa EvropaMeistarastevnuna á stuttgeil í 2021, umframt Evropeisku Meistarastevnuna (á langgeil) í 2024. Sí tíðindaskrivið frá LEN
