Amerikanska Nathalie Coughlin setti í gjár heimsmet í 100 rygg, tá ið hon á Missouri Grand Prix í USA svam teir 100 rygg á langbana í tíðini 59.21. Hon átti sjálv gamla metið á 59.44, sum hon setti á heimsmeistarastevnuni í Melbourne í fjør. Lesið her á SwimInfo.
Author: rokur
Nýtt heimsmet í 50 frí hjá monnum
So fór heimsmetið hjá Alexander Popov (endiliga). Á New South Wales State Open Championships í dag svam avstralski Eamon Sullivan 50 metrar frí á langbana í tíðini 21.56, átta hundraðpartar skjótari enn teir 21.64 sum Popov svam í Moskva ár 2000. Lesið her á SwimInfo.
Nýtt heimsmet í 200 rygg hjá kvinnum
Kirsty Coventry úr Zimbabwe hevur í dag við tíðini 2:06.39 sett nýtt heimsmet í 200 rygg hjá kvinnum í 50 metra hyli, á Missouri Grand Prix stevnuni í USA. Hetta met hevur annars staðið í stað líka síðani 1991, tá ið ungarska Krisztina Egerszegi svam teinin í tíðini 2:06.62. Lesið meira her á SwimInfo.
Startlistin til Ægir stevnuna klárur
Ægir stevna verður sum kunnugt nú í vikuskiftinum, og viðfestur her er so startlistin til kappingina. Tað sær út til at hava verið eitt vælvalt val at hava masters kapping eisini á skránni, tí har eru fleiri áhugaverd nøvn á listanum sum vit annars ikki hava sæð svomið í áravís. Nøvn sum Tóra við Keldu, Jan Gardar og Símun Akursmørk.
Johan Martin minnir annars á, at einans ein riðil verður í 800 frí, og at luttakararnir út yvir teir 6 fremstu tí ikki sleppa at svimja, uttan so at onkur av teimum 6 fremstu melda frá. Har er eisini onkur áhugaverd eyka kapping sett inn, har t.d. Pauli Ø. Mohr “ætlar at royna at gera sítt bragd í 50 m. frí betri frá kappingini í Havn herfyri”.
Tosa um gosbað
‘The Devil’s Pool’ er ein hylur heilt úti á eggini av teimum 103 metra høgu Victoria fossunum í Zimbabwe, har vatnið er so mikið friðarligt at man faktiskt kann kava, svimja og hugna sær, eftir øllum at døma uttan at risikera at fara útav tromini. Síggið myndarøð her ella hyggið at videounum her niðanfyri.
Speedo lanserað nýggjar draktir
Síggið myndir og video av avstralskum svimjarum í draktunum her og lesið annars her á SwimInfo. Speedo hava lanserað sínar nýggju LZR Razer draktir, sum m.a. Michael Phelps sigur følast sum rúmdardraktir. Tær kunnu keypast umleið 30. juli 2008, men vanligi svimjarin skal allíkavæl ikki vænta sær at fáa hendur á eina áðrenn OL í Beijing. USA og Australia fara at fáa draktir til OL í spesial litum, meðan restin av heiminum má klára seg við svørtum draktum Continue reading Speedo lanserað nýggjar draktir
Innbjóðing til Klaksvík National 2008
Svimjifelagið Ægir bjóðar nú til sprintstevnu í Klaksvík 15. mars 2008, fyri bólkar 3, 4 og eldri. Kappast verður bert á teimum fýra 50 metrunum, umframt í 50 metra stafettum, við innleiðandi svimjing um morgunin og so finalur seinnapartin. Skipað verður eftir øllum at døma fyri ymiskum spennandi í pausuni eisini. Sí viðfestu innbjóðing.
Susvim skipar fyri eyka HM úttøkustevnu
Sum tit kunnu lesa her av susvim.com, so ætlar Suðuroyar Svimjifelag at skipa fyri stevnu í Vági 8. til 9. mars 2008. Hetta tí at tað ikki hava verið kappingar í øllum greinum í ár, umframt at ávísar kappingar eisini vænta á stevnunum fram til úttøkufreistina til HM.
Andkjær úr USA til DK at venja móti OL
Hetta ljóðar heilt øvut, men danski VM bronsuvinnarin Jakob Andkjær hevur nú valt at gevast við venjingini og lestrinum á tiltikna Auburn University í USA, fyri heldur at venja í Blovstrød í Danmark. Hann føldi at hann bara gjørdi tvey ting hálvt í USA, heldur enn at kunna fokusera uppá OL, og hartil heldur hann ikki at venjingini í yard-hyljum har yviri var so væl egnað til at fyrireika seg til OL á langbana. Lesið t.d. í Politiken og á swim.dk.
OL startskamlarnir fara at minna um teir í frælsum ítrótti
Sambært m.a. SwimNews og The Australian fer Omega at veita nakrar spildurnýggjar og ‘revolutionerandi’ skamlar til OL í Beijing, sum hava ein vinklaðan kant aftan, nøkulunda sum vit kenna tað frá startblokkunum í frælsum ítrótti. Havi roynt at finna eina mynd, men finni tíverri onga (enn). Avstraliumenn eru ikki so nøgdir, við tað at hvørt land bara fær tveir skamlar í part at venja á.