Author: rokur

Infofundur

Køge, 25. oktober 2007 kl 23.45:

Felags infofundur var í kvøld, har Petur Heðin & co skitsaðu upp spælireglurnar fyri komandi dagar. Sovorðið sum nær vit skuldu avstað í morgin, hvat vit skuldu eta, hvør sum skuldi svimja stafett, og annað. Vit trenaðu eisini róp og klapp til at brúka á stevnuni.

Aftaná hevði Johan Martin eitt heldur skemtiligt innslag við undarligum spølum, sum eg tíverri ikki fái víst tykkum beint nú, av tí at eg onga mynd tók við fartelefonini. Men eg tók hinvegin tað mesta upp á video, sum eg skal royna at fáa á heimasíðuna seinni.

umvegis flot.info

Joan Bláfoss nr 6 í heiminum

Nú hevur duathlon ikki nógv við svimjing at gera, men eg haldi allíkavæl at Joan er eitt sindur kvalifiserað at skriva um á heimasíðuni her, við tað at hon luttók fyri Føroyar í triathlon á Rhodos, og tað sum kunnugt er svimjing í triatlon :-). So sum tit kunnu lesa her á sportalinum, hevur hon klárað seg avbera væl í HM í duathlon herfyri.

Elspa danskur juniormeistari

Móð og troytt av shopping frætta vit at føroyingar hava gjørt eitt ordans hál á DKM. Pál svam 800 frí á 8:06 sum var betri enn nakar danskur juniorur og væl og virðiliga føroyskt met. Elspa hevur sett føroyskt met í 50 frí, 400 frí og 200 rygg, og vann her silvurheiðursmerki sum ‘dani’ í 200 rygg og 50 frí, við tað at hon luttekur fyri WestSwim. Men í 400 frí varð hon nr 1, og er hervið offisielt danskur juniormeistari! Continue reading Elspa danskur juniormeistari