rokur

Signhild 30.27 í 50 rygg á World Cup í Tokyo

Signhild Joensen royndi seg í nátt á World Cup stevnu í Tokyo, og svam har 50 rygg í tíðini 30.27 sekund. Besta tíð hjá henni nakrantíð er føroyska metið á 29.54 sekund frá EM í Glasgow í 2018, meðan besta tíð í ár er 29.74 frá Bergen Swim Festival 2019. Sí úrslitalistan her.

HM 2025 verður í Kazan, 2027 í Budapest

FINA kunngjørdi við byrjanina av HM 2019 í Gwangju, at HM 2025 verður í Kazan í Russlandi, og HM 2027 í Budapest í Ungarn.

Um hetta ljóðar kent, so er tað tí at HM 2015 var í Kazan, og HM 2017 í Budapest.

Signhild til World Cup 2019 í Tokyo

Hetta vikuskiftið skipa japanar fyri World Cup stevnu í Tokyo, har eisini føroyska Signhild Joensen skal royna seg. Tey bæði Jjaime eru komin fram í øllum góðum, og venja longu í hylinum.

Føroysk svimjiúrslit á EYOF 2019 í Baku

European Youth Olympic Festival endaði sum kunnugt nú í vikuskiftinum, har eisini føroyskir svimjarar royndu seg. Her niðanfyri lista vit upp svimjiúrslitini hjá føroyingunum.

Føroyskir svimjarar á EYOF 2019. Finnbjørg Nattestad eigur myndina

Føroysk úrslit á HM 2019 í Gwangju

Heimsmeistarastevnan 2019 endaði sum kunnugt nú sunnudagin hin 28. juli, har eisini okkara trý Signhild Joensen, Alvi Hjelm og Óli Mortensen hava roynt seg í góða viku. Her niðanfyri lista vit upp úrslitini hjá føroysku svimjarunum.

Íslendingar ávara um dopingevni í “töfrakaffi”

Morginblaðið skrivar her at íslendsku matvøru- og heiligvágs-myndugleikarnir kanna sokallaða “töfrakaffi” fyri at innihalda phenylethylamine sum er heilsuskaðiligt og sum hartil kann viðføra dopingdóm.

Lesið eisini her á NewsNow – Eftir øllum at døma er talan um klænkingarkaffi av slagnum Valentus SlimRoast sum inniheldur hetta amfetamin-líknandi evni ið skal hava viðført at ein kvinna varð tikin fyri doping.

Syndarlig vanlukka í Gwangju

Eittt fólk doyði og eini trettan vórðu skødd tá ið takið í náttklubbanum Coyote Ugly smokkaði saman, nærhendis ‘Athletes Village’ í Gwangju í nátt. Sum skilst vóru vatnpolospælarar til staðar har, og er onkur møguliga skaddur. Lesið t.d. SwimSwam og 7News

Føroysk svimjiúrslit á EYOF 2019 í Baku

Tey eru nú komin í helvt við svimjistevnuni á European Youth Olympic Festival 2019 í Baku, Aserbadjan, og hava øll okkara nú verið í hylinum. Og tað gongur heilt væl – her niðanfyri er ein upplisting av luttøku og tilhoyrandi úrslitum hjá føroyingunum.

Elisabeth og Bartal saman við maskottunum báðum Jirtdan og Babir ´í Baku.
Elisabeth Erlendsdóttir eigur myndina.

OK fyrstu avrik á HM 2019

Okkara trý Signhild, Óli og Alvi hava nú roynt seg í sínum fyrstu kappingum her á HM 2019 í Gwangju, og vóru avrikini har OK. Svimjararnir eru kanska ikki beinleiðis ovurfegnir um síni úrslit, men heldur ikki púra ónøgd.

Ólavsøkusvimjing 28. juli 2019 aftaná kappróðurin

FYRI TÍGGJUNDU FERÐ

//Tilmelding
Tilmelding til svimjingina á ólavsøku fer fram í seinasta lagi 25. juli við at flyta kr. 200,- á kontu hjá Havnar Svimjifelag 9181-185.110.3. Viðmerk NAVN á svimjara og FØÐIÁR. Vit skulu brúka føðiárið til at bólkabýta úrslitið.