Alvi Hjelm (1996, HS) setti júst nú persónligt met á Danish Open 2019, tá ið teir avgreiddu A-finaluna í 200 metra blandaðari svimjing. Úrslitið var 2:07.46 og eitt fimtapláss, har besta tíð hjá honum til nú hevur verið 2:07.88 frá EM í Glasgow í 2018.
Óli Mortensen (1996, HS) royndi seg nakað áðrenn í skjótasta riðli í 1500 metra frísvimjing, og svam seg har til tíðina 15:58.35 og eitt fimtapláss, har persónliga metið hjá honum er 15:31.75 frá Danish Open í fjør.
Signhild Joensen (2000, Ægir) svam í A-finaluni á Bergen Swim Festival 2019 í kvøld júst somu tíð 1:03.01 í 100 metra ryggsvimjing á langgeil, sum tá ið hon í fjør setti føroyskt met og vann silvur á Bergen Swim Festival 2018. Hesuferð rakk tað til eitt 7. pláss, sum sigur nakað um hvussu støðið er hækkað nú í ár.
Vár E. Eidesgaard (2001, HS) hevði áðrenn tað svomið seg til eitt 7. pláss í B-finaluni í 200 frí, við tíðini 2:07.85 sum er eitt vet frá hennara persónliga meti á 2:07.26 frá Bergen Swim Festival 2018.
Og Rókur Trygvason (2000, Ægir) svam seg til eitt 3. pláss í B-finaluni í 200 bringu, við tíðini 2:25.73 har hansara persónliga met er 2:24.49 frá Bergen Swim Festival 2018.
Føroysku svimjararnir hava aftur í dag roynt seg í innleiðandi riðlum á Bergen Swim Festival 2019, og eru fleiri av teimum víðari til finalurnar seinnapartin, umframt at Vár E. Eidesgaard og Eyðrið Mortensen eru beinleiðis víðari til skjótasta riðil í 1500 frí.
Alvi Hjelm svam seg í morgun víðari til A-finalu á Danish Open 2019, tá ið hann í innleiðandi 200 blandað svam teinin uppá 2:08.65. Hetta var 5. besta tíð í morgun, og 4. besta tíð sum Alvi nakrantíð hevur svomið.
Óli Mortensen er longu víðari til skjótasta riðil í 1500 frí, sum 4. skjótasti svimjari sambært tilmeldingartíðunum.
Annars er støðan við luttøku hjá teimum báðum á Danish Open, at Alvi skal royna seg 200 og 400 frí, umframt 200 og 400 blandað, meðan Óli skal royna seg í 200, 400, 800 og 1500 frí. Sí startlistan her
Úrslit frá Danish Open 2019 síggjast her á livetiming.se
Her er startlistin til svimjistevnuna á Argjum í dag hin 6. apríl 2019, sum Havnar Svimjfelag skipar fyri. Hetta er stevna fyri okkara yngstu aldursbólkar, 2 og 3.
Tíðarætlan
Teir báðir Alvi Hjelm og Óli Mortensen luttaka um vikuskiftið á Danish Open 2019, har teir hendan fyrsta dagin royndu seg í 200 frí. Og tað gekk gott hjá serliga Alva, sum svam seg til 1:54.90 og persónlig met, í mun til 1:56.94 frá Danish Open í 2016.
Føroyingarnir hava svomið ókey skjótt í dag á Bergen Swim Festival 2019, bæði í innleiðandi í morgun og síðani í eftirfylgjandi finalum.
Vár Erlingsdóttir Eidesgaard úr Havnar Svimjifelag setti í kvøld nýtt føroyskt met í 800 metra frísvimjing á langgeil, tá ið hon í finaluni á Bergen Swim Festival 2019 svam teinin uppá 9 minuttir, 8 sekund og 50 hundraðpartar. Vár átti sjálv føroyska metið á 9:09.34, frá Danish Open í 2016. Sí úrslitalistan her
Her er leinki til stroyming frá Bergen Swim Festival 2019: https://superlive.staylive.tv/
B-finalurnar byrja kl 17:00 Bergen-tíð, sum er kl 16:00 í Føroyum
– Har skal Rókur Trygvason royna seg í 100 bringu
A-finalurnar byrja kl 18:00 Bergen-tíð, sum er kl 17:00 í Føroyum
– Har skal Signhild Joensen royna seg í 50 rygg, umframt at Vár E. Eidesgaard svimur í skjótasta riðli í 800 frí
Tey eru liðug við fyrstu innleiðandi riðlar á Bergen Swim Festival 2019, og hóast støðið er munandi harðari enn á somu stevnu í fjør, so megnaðu Signhild Joensen og Rókur Trygvason at svimja seg víðari til finalurnar í kvøld, umframt at Vár E. Eidesgaard longu er skrivað upp til skjótasta riðil í 800 frí.
