Her eru startlistarnir til Atlantic Open 2019, sum Svimjisamband Føroya skipar fyri í Svimjihøllini í Gundadali, nú í vikuskiftinum. Hetta er síðsti kjansur at klára kravtíð til Oyggjaleikir 2019 á Gibraltar.
Startlistar til Atlantic Open 2019
Author: rokur
SSF og LEN á fund við ES um svimjiførleika
Í morgin ári fer undirritaði sum umboð fyri Svimjisamband Føroya til Bruxelles í Belgia, at fundast við evropeiska svimjisambandið LEN og ES og sikkurt onnur við, um hvussu betri svimjiførleiki kann minka um títtleikan av druknivanlukkum í Evropa.
Úrslit frá SuSvim-stevnu á Tvøroyri 16. mars 2019
Her eru úrslitini frá Suðuroyar Sparikassa stevnuni hin 16. mars 2019, sum Suðuroyar Svimjifelag skipaði fyri. Hetta var stevna fyri okkara yngstu aldursbólkar, í svimjihylinum á Tvøroyri.
Heimsins bestu svimjari og venjari til Vágs í apríl
Nú eru praktisku ætlanirnar komnar so mikið nógv ávegis, at vit byrja at kunna tora at lova tað: Hin 8. til 11. apríl 2019 fær føroysk svimjing vitjan av heimsins besta svimjara, og av venjara hennara sum á HM í Kina varð eisini kosin hin besti í heiminum.
Signa Vár silvur og bronsu á Special Olympics 2019
Signa Vár Dávadóttir vann sær í nú vikuskiftinum bæði altjóða silvurheiðursmerki og bronsuheiðursmerki á Special Olympics World Games 2019 í Abu Dhabi / Dubai, fyrst við at vinna silvur í 200 blandað við tíðini 2:53.40, síðani silvur í eisini 100 firvald við tíðini 1:21.60, og síðani bronsu í 200 frí við 2:32.68. Signa Vár venur til dagliga í Havnar Svimjifelag, og kappaðist her fyri Parasport Føroyar.
Vangamyndin hjá Signu Vár sæst her á abudhabi2019.org, tað er imponerandi at síggja heiðursmerki út fyri hvørja einastu grein sum hon luttók í ! 🙂
Óli og Alvi til Edinburgh International 2019
Teir báðir Óli Mortensen og Alvi Hjelm kappast í hesum døgum á Edinburgh International Swim Meet 2019, við rættiliga góðum úrslitum. Óli varð í gjár nr 4 í 1500 frí, og Alvi hevur í morgun svomið seg víðari til finalu í 400 blandað.
Úrslitalistarnir síggjast her
Continue reading Óli og Alvi til Edinburgh International 2019Landsliðslega í Vági
Hetta vikuskiftið er úttikna landsliðið til Bergen Swim Festival 2019 á venjingarlegu í Vági, at fyrireika seg til hesa stevnu sum verður um knappar tríggjar vikur.
Á venjingarleguni eru:
- úr HS: Bartal E. Eidesgaard, Eyðrið Mortensen, Johan N. Dam, Kristina í Skála og Vár E. Eidesgaard, umframt venjari Panagiotis Christou
- úr SuSvim: Rói Bech, Róland Toftum og Sára R. Nysted, umframt venjari Pedro Nunos Prazeres
- úr Ægir: Barbara Debes, Rebekka Trygvadóttir, Rókur Trygvason, Signhild Joensen og Sólvá A. Sigurðsson, umframt venjari Juan Jaime Arroyo Toledo
Róland Toftum hevur meldað avboð til kappingina í Bergen, men luttekur tó á hesi venjingarlegu, meðan Birita Debes er ikki á legu vegna sín lestur í Danmark, men ætlar sær til Bergens at kappast.
Venjingarlegan nú er ‘short and sweet’, til í annaðkvøld, men síðani skulu tey til Bergens longu mikumorgunin hin 3. apríl sum BSF byrjar fríggjadag, og síðani aftaná ein túr til Vágs aftur til eitt tiltak sum tit frætta meira um vónandi heilt skjótt.
Vegna SSF
Rókur
Nú steingja vit fyri tilmeldingum til FINA dómaraskeiðið 2019
Um tú ætlar tær við á FINA dómaraskeiðið hin 22. til 24. mars 2019, og ikki hevur meldað til enn, so er tað nú at tað má gerast – í øllum førum um tú ætlar at fáa bjóðað mat og/ella innivist.
Tilmeldingarskjalið er her
Continue reading Nú steingja vit fyri tilmeldingum til FINA dómaraskeiðið 2019
FM á langgeil 2019 nú góðkend sum úttøkustevna til OL 2020
Svimjisamband Føroya fekk fyri løtu síðani fráboðan frá altjóða svimjisambandinum FINA, at FøroyaMeistarastevnan á langgeil hin 26. til 28. apríl 2019 er góðkend sum eisini úttøkustevna til Olympisku Leikir 2020 í Tokyo. Omaná at hon longu er góðkend sum úttøkustevna til HeimsMeistarastevnuna 2019 í Gwangju.
Innbjóðing til Atlantic Open 2019
Broyting 18/3-19: Starvsnevnd SSF hevur avgjørt at vilja loyva eisini svimjarum uttan talentnál at luttaka á Atlantic Open 2019. Hesi kunnu tó í mesta lagi melda til 3 kappingar, á teinunum frá 50m til 200m.
Her er innbjóðing til Atlantic Open 2019 í Svimjihøllini í Gundadali hin 29. til 31. mars 2019, sum Svimjisamband Føroya skipar fyri, og sum er avgerandi fyri úttøku til Oyggjaleikir 2019.
Gevið gætur at har er kravtíð sum til FM, tó her talentnál heldur enn bronsunál. Ætlanin er upp á sikt at gera hesa stevnu til eina veruliga, altjóða stevnu, har hon í ár tó fyrst og fremst er oyggjaleikaúttøkustevna.
Góða eydnu til tykkum øll
Rókur