FINA hevur lagt út hendan luttakaralistan til HM á stuttgeil 2018, har vit kunnu lesa at tey eru eini 957 tilsamans úr 177 londum, harav 416 kvinnur og 541 menn, og íroknað 2 føroyingar, sum fara at kappast nú í næstu viku í Hangzhou, Kina.
Continue reading Táttar í 1000 luttakarar á HMS 2018 í Hangzhou
Her eru úrslitini frá stevnuni í Svimjihøllini í Gundadali nú 24. og 25. november 2018, sum Havnar Svimjifelag skipaði fyri. Tilsamans vóru tey eini 84 íðkarar og 22 lið úr øllum 6 feløgum sum fingu eini 440 úrslit í 40 kappingum, hesar báðar dagarnar.
Nú sunnudag avgreiddu tey síðstu kappingar á Køge Open, har føroyingar aftur gjørdu vart við seg, bæði í Køge og Herfølge. Tilsamans hava tey vunnið einar 6 gull, 6 silvur og 8 bronsur íalt, hetta vikuskiftið har suðuri.
Continue reading Heiðursmerki eisini sunnudag á Køge Open 2018
Tey hava nú avgreitt næsta dag á Køge Open 2018, og megnaðu føroyskir svimjarar har at vinna eina rúgvu av heiðursmerkjum, í svimjihallunum í Køge og Herfølge.
Her eru úrslitini frá svimjistevnu í Fuglafirði hin 17. november 2018, sum Fuglafjarðar Svimjifelag skipaði fyri. Tilsamans vóru tey 66 gentur og 53 úr øllum 6 feløgum sum kappaðust hendan dagin, í 28 kappingum.
Úrslit í html-sniði: fs-stevna-nov-2018-urslit.html
Kristina í Skála vann sær í gjár gull í 200 rygg á Køge Open 2018, tá ið tey avgreiddu hesa kapping í svimjihøllini í Køge. Hetta er persónligt met hjá henni, har besta tíð til nú var 2:24.70 frá FM á stuttgeil í oktober mánaða.
Kristina kappaðist í bólkinum 13-14 ár, og hoyrir til Havnar Svimjifelag. Hon er úttikin til NJM í Oulu í Finnlandi í desember, vegna úrslit betri enn ásettu kravtíðir í 100 og 200 rygg.
Hetta vikuskiftið er Køge Open 2018 í svimjihallunum í Køge og Herfølge, har eisini nógvir føroyskir svimjarar luttaka. Startlistarnir finnast her til Køge og her til Herfølge, har vit síggja at tey tátta í eini 40 ungir svimjarar úr Ægir, Havnar Svimjifelag og svimjifelagnum Reysta, sum fara at kappast ímóti serliga dønum og svium, hesar fimm stevnupartarnar til og við sunnukvøldið.
Her er startlistin til stevnuna í Svimjihøllini í Gundadali, nú í vikuskiftinum, sum Havnar Svimjifelag skipar fyri. Hetta er opin stevna fyri allar aldursbólkar, og næsti møguleiki av fýra til at royna eftir kravtíð til Oyggjaleikir á Gibraltar. Startlistin sæst eisini her á livetiming.se
Startlistin í html-sniði: hs-stevna-nov-2018-startlisti.html
Gásarhold 🙂
Svimjisambandið hevur sum kunnugt avgjørt at kravtíðir til Oyggjaleikir 2019 skulu klárast á fýra útvaldum svimjistevnum, um ikki serlig avtala er gjørd við svimjaran. FM á stuttgeil 2018 var fyrsti møguleiki at royna eftir kravtíð, og vóru tey 7 sum skrivaðu seg upp sum møguligir svimjarar til Oyggjaleikir á Gibraltar.
Continue reading Hesi kláraðu kravtíð til Oyggjaleikir á FMS 2018
