Um nóg nógv tekna seg, so skipar Svimjiskúlin fyri skeiðum í Merkjaskipanini, í Tofta skúla leygardagin hin 3. november og sunnudagin hin 4. november 2018.
Skeiðini eru frá kl 09:00 til 18:30, har luttakararnir so kunnu velja um tey vilja møta leygardagin ella sunnudagin. Skeiðið kostar kr 500, íroknað døgverði og drekkamunnur, og er ætlað øllum sum hava svimjarar á byrjunarstigi.
Meldið til við oyðublaðnum her, áðrenn leygardagin hin 27. oktober.
Vegna Svimjiskúla Føroya
Rókur
So var hon her, innbjóðingin frá FINA til venjaraskeið í Tórshavn hin 30. november til 2. desember 2018:
Continue reading Innbjóðing til FINA venjaraskeið í Føroyum hin 30. november til 2. desember 2018
Góðu tit øll,
Starvsnevnd SSF samtykti í august at vilja dagføra nálatíðir SSF, til nú at hava støði í nýggjastu FINA talvum.
Nálatíðirnar á stuttgeil hava til nú verið tær somu síðani 2012, sum tá høvdu støði í FINA talvunum frá 2010.
Nálatíðirnar á langgeil komu í 2016, sum fyrireiking til fyrsta FM á langgeil, og vórðu tá sum tær á stuttgeil, við støði í talvunum frá 2010.
Talvurnar hjá FINA skifta á hvørjum ári, og tað er tí upp á tíðina at vit dagføra nálatíðaskipanina til nýggjastu FINA talvur, so at sammett verður við nýggjastu heimsmet.
Hetta vikuskiftið er stór svimjiráðstevna í Finnlandi, kallað “Learn to Swim & Coach Conference 2018“, við luttøku av eisini umboðum fyri Svimjiskúla Føroya.
Hóast tað enn ikki er klárt at melda til, so hevur SSF longu móttikið í minsta lagi 18 tilmeldingar til tey 30 plássini á hesum fyrsta “FINA Coaches Certification Programme” skeiðnum í Føroyum, sum verður í Havn hin 30. november til 2. desember 2018.
FINA venjaraskeið í Føroyum hin 30. november til 2. desember 2018
Her er innbjóðing til svimjistevnu í Leirvíkar skúla, leygardagin hin 13. oktober 2018, sum svimjifelagið Reysti skipar fyri. Hetta er stevna fyri svimjarar í bólki 2 og 3.
Sørin S. Djurhuus og Djóni Dalsgarð luttaka í hesum døgum á ársfundinum hjá Nordic Life Saving Group, sum umboð fyri Svimjisamband Føroya. Fundurin er í býnum Lohja í Finnlandi, einar 60 km vestan fyri Helsinki.
Fyrsti fundur er í løtuni í gongd, har limalondini leggja fram um teirra virksemi innnan lívbjarging, seinasta árið.
Nú í vetur skipa SSF og FINA fyri venjaraskeiði álinju og í Tórshavn, sum liður í nýggja “FINA Coaches Certification Programme”.
Continue reading FINA venjaraskeið í Føroyum hin 30. november til 2. desember 2018
Tann 10. oktober fer borgarstjórin Annika Olsen saman við umsitingini at hava fund við Joaquin Pujol, formann í FINA Facilities Committee (nevnd í Altjóða svimjisambandinum FINA), á Ráðhúsinum í Havn. Eisini luttaka umboð fyri Svimjisamband Føroya.
Sunnudagin hin 16. september luttóku eini 47 børn í Svimjifagnaðinum 2018, sum Svimjisamband Føroya og Ægir skipaðu fyri í Klaksvíkar Svimjhøll. Hetta gjørdist ein fínur fyrsti dagur av hesum slag, og tyktist tað sum at børnini stuttleikaðu sær, samstundis sum tey lærdu eitt sindur um trygd í vatni.
