Fyriskipararnir av Tokyo 2020 kunngjørdu í dag skránna fyri svimjistevnuna á hesum Olympisku Leikum, har vit kunnu lesa at svimjistevnan verður frá 25. juli til hin 2. august, við innleiðandi riðlum frá kl 19:00 um kvøldið og síðani finalum frá kl 10:30 dagin eftir.
Author: rokur
Minst til at melda til Svimjifagnaðardagin 2018
Vit hava nú fingið nóg nógvar tilmeldingar til at vilja hava Svimjifagnaðin sum ætlað, í Klaksvíkar Svimjihøll nú sunnudagin hin 16. september 2018. Enn ber til at melda til, men tit mugu skunda tykkum um tit ætla tykkum luttøkuprógv eisini, tí tey verða bíløgd í morgin. Spælitiltakið er sum fyrr nevnt fyri øll børn sum ganga í 4. til 7. skúlaflokki, óansæð um tey duga at svimja ella ei, og er ókeypis.
Tilmeldingarskjalið er her: https://form.jotformeu.com/81702240601341
Innbjóðing til FM á stuttgeil 2018
Her er innbjóðing til Føroyameistarastevnuna á stuttgeil 2018, sum verður í Svimjihøllini í Gundadali hin 26. til 28. oktober 2018.
- Innbjóðing í pdf-sniði: fms-2018-innbjoding.pdf
- Innbjóðing í lef-sniði: Invitation_FM_stuttgeil_2018_Torshavn_2018-10-26.lef
- Innbjóðing í GR-sniði: GR181026.txt
Hendan stevna er FINA góðkend úttøkustevna til HeimsMeistarastevnuna á stuttgeil 2018, sum verður í Hangzhou í Kina í desember mánaða.
Aðalfundur í Svimjisambandi Føroya 2018
Aðalfundur í Svimjisambandi Føroya verður í ÍSF-húsinum fríggjakvøldið hin 12. oktober 2018 frá kl 19:00.
Skrá sambært lóg SSF. Svimjisamband Føroya.
Innbjóðing til Ægir-stevnu 6. – 7. oktober 2018
Her er innbjóðing til svimjistevnu í Klaksvíkar Svimjihøll, leygardagin hin 6. og sunnudagin hin 7. oktober 2018, sum Ægir skipar fyri. Fílurnar finnast eisini her á livetiming.se
- Innbjóðing í pdf-sniði: aegir-stevna-okt-2018-innbjoding.pdf
- Innbjóðing í lef-sniði: Invitation_Agir_Open_Klaksvik_2018-10-06.lef
- Innbjóðing í GR-sniði: GR181006.txt
Innbjóðing til Svimjifagnaðardag hin 16. september 2018
So royna vit aftur – Um nóg stór undirtøka er fyri tiltakinum, so skipa Svimjisamband Føroya og Ægir fyri Svimjifagnaðardegi í Klaksvíkar Svimjihøll, sunnudagin hin 16. september 2018 frá klokkan 14:00 til 17:00. Tiltakið er fyri øll børn sum ganga í 4. til 7. skúlaflokki, óansæð um tey duga at svimja ella ei, og er ókeypis.
Tilmeldingarskjalið er her: https://form.jotformeu.com/81702240601341
Continue reading Innbjóðing til Svimjifagnaðardag hin 16. september 2018
Enn fleiri lívbjargarar í FLOT
Lívbjargingardómarin Rúni Gaardbo skipaði í kvøld fyri næsta umfar av lívbjargingarroyndum hjá Svimjifelagnum FLOT, í svimjihøllini á Toftum. Talan var um dagføring av prógvum hjá kvinnuligum venjarum, umframt at nakrir ungir svimjarar tóku ‘lítlu lívbjargingarroyndina‘.
Hundrað dagar til Hangzhou
Nú eru minni enn 100 dagar til HeimsMeistarastevnan á stuttgeil 2018 fer av bakkastokki, í kineiska býnum Hangzhou nær Shanghai. Hetta feiraðu fyriskipararnir og FINA við einum hátíðarhaldi í gjár, við avdúking av maskotti og tí sum hartil hoyrir. Einir 1000 íðkarar úr 170 londum fara at kappast hesar dagarnar í Kina, frá 11. til 16. desember 2018. Lesið her á FINA
Úrslit frá HS-stevnuni 1. og 2. september 2018
Her eru úrslitini frá svimjistevnuni í Svimjihøllini í Gundadali, nú leygardagin og sunnudagin hin 1. og 2. september 2018, sum Havnar Svimjifelag skipaði fyri.
- Úrslitini í HTML-sniði: hs-stevna-sep-2018-urslit.html
- Úrslitini í txt-sniði: hs-stevna-sep-2018-urslit.txt
- Úrslitini í lef-sniði: Results_Torshavn_2018-09-01.lef
- Úrslitini í RE-sniði: RE180901.txt
Úrslitini síggjast eisini her á SwimRankings og her á LiveTiming
Tilsamans vóru tey eini 79 íðkarar og 15 lið úr 4 feløgum sum kappaðust 465 ferðir í 38 greinum, hesar báðar dagarnar í Havn.
Besta avrik var tá ið Signhild Joensen (2000) úr Ægir svam 2:13.41 í 200 rygg, sum røkkur til 713 FINA stig.
Besta avrik hjá monnum var tá ið Johan N. Dam (2002) úr HS svam seg til 16:17.21 og 653 FINA stig í 1500 frí.
Sí annars listan her, yvir topp-10 úrslit hjá monnum og kvinnum á hesi stevnu
Continue reading Úrslit frá HS-stevnuni 1. og 2. september 2018
Startlisti til HS-stevnuna 1. og 2. september 2018
Her er startlistin til svimjistevnuna í Svimjihøllini í Gundadali, nú leygardagin og sunnudagin hin 1. og 2. september, sum Havnar Svimjifelag skipar fyri. Hetta er fyrsta stevna í svimjiárinum 2018-2019.
- Startlisti til HTML-sniði: hs-stevna-sep-2018-startlisti.html
- Startlisti til txt-sniði: hs-stevna-sep-2018-startlisti.txt