Rúni Gaardbo skipaði í kvøld fyri lívbjargingarroynd á Toftum, fyri mannligu venjarunum hjá Svimjifelagnum FLOT, umframt undirritaða. Ein týðandi táttur í føroyskari svimjing, at regluliga venja hetta sum man vónandi ongantíð fær brúk fyri 🙂
Author: rokur
Innbjóðing til skeið í Merkjaskipanini 8. og 9. september 2018
Um nóg nógv tekna seg, so skipar Svimjiskúlin fyri skeiðum í Merkjaskipanini, í Tofta skúla leygardagin hin 8. september og sunnudagin hin 9. september.
Skeiðini eru frá kl 09:00 til 18:30, har luttakararnir so kunnu velja um tey vilja møta leygardagin ella sunnudagin. Skeiðskostnaðurin er kr 500, íroknað døgverði og drekkamunnur, og er ætlað øllum sum hava svimjarar á byrjunarstigi.
Meldið til við oyðublaðnum her, áðrenn leygardagin hin 1. september.
Vegna Svimjiskúla Føroya
Rókur
Óli bronsu í úrvalsbólkinum í Christiansborg Rundt 2018
Hyggja síggj, onkur vísir á at Óli Mortensen vann bronsu í úrvalsbólkinum, nú á Christiansborg Rundt í gjár. Hann var skrásettur sum dani (DEN) – Tykiskt sum um at fólk sum heild ikki leggja so nógv í hvussu tey eru skrásett til hesa stevnu, tí hasin silvurvinnarin Anton Ipsen er mær vitandi dani (OL-svimjarin Anton Ørskov Ipsen), hóast hann er skrásettur sum hoyrandi til USA.
Myndina av teimum á heiðursmerkjaskamlinum tók Jesper Westley fyri Dansk Svømmeunion.
Jon varð nr 10 í sínum bólki í Christiansborg Rundt 2018
Tey avgreiddu sum kunnugt Christiansborg Rundt í gjár, har eini 4200 vóru meldað til, annaðhvørt at svimja sum einstaklingar ella sum partur av liðsvimjing. Jon Hestoy luttók í aldursbólkinum 55-59 ár, og svam seg har til eitt respektabult 10. pláss, við tíðini 30 minuttir og 4 sekund.
Continue reading Jon varð nr 10 í sínum bólki í Christiansborg Rundt 2018
Kravtíðir til HM 2019
Starvsnevnd SSF hevur ásett viðfestu kravtíðir til HeimsMeistarastevnuna 2019, sum verður í Gwangju í Suðurkora frá 21. til 28. juli 2019. Kravtíðirnar síggjast eisini her á heimasíðu SSF.
![](https://i0.wp.com/www.svimjing.com/wp-content/uploads/2018/08/gwangju-bell-600x450.jpg?resize=600%2C450)
SuSvim høvuðsvenjara úr Portugal
So skrivar Suðurrás
Kravtíðir til NM og NJM 2018
Starvsnevnd SSF hevur ásett viðfestu kravtíðir til Norðurlendsku Meistarastevnuna og JuniorMeistarastevnuna 2018, sum verður í Oulu í Finnlandi frá 7. til 9. desember 2018. Kravtíðirnar síggjast eisini her á heimasíðu SSF.
Fleiri túsund svimja um Christiansborg nú leygardagin
Nú leygardagin verður árliga Christiansborg Rundt, har eitt metstórt tal á fleiri enn 4000 fara at svimja í kanalunum runt um bygningarnar hjá danska Fólkatinginum, í hjartanum av Keypmannahavn. Fyribils er bara éin tilmeldaður til at verja Merkið, men kann tað náast enn.
Lesið her á svoem.dk. Til ber at melda seg til her, líka fram til leygardagin. Stevnusíðan er copenhagenswim.dk, og skrásetingar og úrslit finnast her. Har er eisini ein Facebook-síða, og so lova tey at fara at stroyma eisini, her.
Continue reading Fleiri túsund svimja um Christiansborg nú leygardagin
Kravtíðir til Oyggjaleikir 2019
Starvsnevnd SSF hevur ásett viðfestu kravtíðir til Oyggjaleikir 2019, sum verða á Gibraltar frá 6. til 12. juli 2019. Kravtíðirnar síggjast eisini her á ssf.fo.
Danir umhugsa at royna eina DM-viku
Sviar hava síðani 2009 skipað fyri sokallaðu SM-veckan, har nógvir ymiskir ítróttir avgreiða sínar meistarastevnur um somu tíð. Tað byrjaði við at vera ‘bara’ 11 ítróttargreinir, men er nú vaksið til at vera risastórt, við bæði vetrar- og summar-viku. Nú hava danir hug at royna okkurt tilsvarandi eisini, við íblástri frá svium og nýliga avgreiddu Evropeisku Meistarastevnuni í Glasgow og Berlin.