rokur

EJM-landsliðið á veg til Finnlands

Nú um eina løtu fer føroyska EJM-landsliðið til Danmarkar og síðani víðari til Finnlands, at luttaka á Evropeisku JuniorMeistarastevnuni í svimjing. Kappast verður frá 4. til 8. juli, sí ejc2018.fi

Svimjifagnaðardagurin 2018 útsettur

Tíverri vóru tilmeldingarnar í so fáar til ætlaða Svimjifagnaðardagin í Klaksvík nú hin 1. juli 2018, og avgjørdi starvsnevnd SSF tí hóskvøldið at heldur vilja útseta hendan dagin til hin 15. ella 16. september 2018.

Continue reading Svimjifagnaðardagurin 2018 útsettur

Alvi 4:08.73 í 400 frí á Sette Colli 2018

Alvi Hjelm royndi seg í dag á Sette Colli stevnuni í Rom, og varð har nr 35 av 36 luttakandi í 400 metra frísvimjing. Tíðin 4:08.73 er hin næstskjótasta hjá Alva í ár, í mun til 4.07.82 á Stockholm Swim Open í apríl mánaða.

Alvi til Sette Colli 2018

Alvi Hjelm fór í morgun til Rom í Italia, har hann næstu tríggjar dagarnar skal royna seg á stóru altjóða svimjistevnuni Settecolli 2018.

Continue reading Alvi til Sette Colli 2018

Hóparnir til EJM, NMU og EM 2018

Nú nærkast til ársins altjóða summarstevnur, har tilsamans 16 føroyskir svimjarar fara at royna seg á stevnum í Finnlandi, Lettlandi og Skotlandi. Flogferðir eru bílagdar osfr – her niðanfyri er upplisting av hópunum. Continue reading Hóparnir til EJM, NMU og EM 2018

Svimjifagnaðardagurin 2018 nú fyri fleiri børnum og alt í senn

Sum kunnugt, so skipa SSF og Ægir fyri einum sokallaðum ‘svimjifagnaðardegi’ í Klaksvíkar Svimjihøll, nú sunnudagin hin 1. juli 2018, har vit ætla at hava tað stuttligt við og í vatni.

Tíverri eru tað enn í so fá børn sum eru meldað til, og verður tiltakið tí broytt til nú at vera fyri øllum børnum sum í ár hava gingið í 3. til 6. skúlaflokki, umframt soleiðis at øll nú eru í gongd í senn, frá kl 14:00 til umleið kl 17:00.

Tilmeldingarskjalið er her: https://form.jotformeu.com/81702240601341

Continue reading Svimjifagnaðardagurin 2018 nú fyri fleiri børnum og alt í senn

Innbjóðing til Svimjifagnaðardagin 2018

Sunnudagin hin 1. juli 2018 skipa Svimjisamband Føroya og Ægir fyri einum stórum og vónandi sera stuttligum spælidegi í Klaksvíkar Svimjihøll.

Tiltakið er ókeypis og ætlað øllum børnum sum ganga í 3. til 6. skúlaflokki, óansæð hvussu væl tey duga at svimja – Men av praktiskum ávum mugu vit tó avmarka luttøkuna til umleið 110 børn.

Continue reading Innbjóðing til Svimjifagnaðardagin 2018

Óli 8:27.60 í 800 frí á Mare Nostrum 2018 stevnuni í Barcelona

Óli Mortensen royndi seg aftur í dag á Mare Nostrum stevnuni í Barcelona, har hann í 800 metra frísvimjing svam teinin uppá 8:27.60. Tað var fjórbesta tíð hjá honum í ár, í mun til 8:11.77 á Danish Open stevnuni í apríl, 8:14.74 á Swim Open Stockholm í apríl og 8:22.75 á Paulus Wildeboer stevnuni í Sabadell í mars. Tíðin nú rakk til eitt 16. pláss millum teir 17 luttakandi í Barcelona.

So er tíðin komin til TritonWear

Í sambandi við landsliðsleguna í Havn nú í vikuskiftinum, fara lyklapersónar eisini at læra seg at brúka nýggju TritonWear útgerðina, sum er keypt til “FINA Olympic Aquatics Support Programme” verkætlanina hjá Svimjisambandinum og Fróðskaparsetri Føroya.