Suðuroyar Svimjifelag bjóðar til kappsvimjing á Vágsfjørði á Jóansøku.
Leygardagin 23. juni kl 17, ella beint eftir at kappróðurin er liðugur, verður svomið á Vágsfjørði.
Author: rokur
Heiðursmerkini til EM 2018 avdúkað
Um 50 dagar byrjar Evropameistarastevnan 2018 í Glasgow, og fyriskipararnir feira tí hetta við at avdúka heiðursmerkini.
Tey skriva um sniðið:
The unique, beautifully crafted medals have been specially designed by Touch of Ginger, for this inaugural multi-sport event, as the unifying element for the seven individual European Sports Federations and will be a lasting legacy of the event’s first edition.
The medal design is bold and dynamic with a contemporary triangular prism form inspired by the European Championships emblem. The front features a stylish 3D interpretation of the Championships brand whilst the rear displays the participating sports federation logo along with event specific data in a clever facetted design. Each medal is hung from a ribbon featuring a striking crystal design that builds to a full spectrum of rainbow colours that capture the spirit of this multi-sport event.
Óli 4:00.17 í 400 frí á Mare Nostrum 2018 í Barcelona
Óli Mortensen royndi seg í morgun á Mare Nostrum stevnuni í Barcelona, og svam seg har við tíðini 4:00.17 til eitt 22. pláss av teimum tilsamans 38 luttakandi.
Hetta er triðbesta tíð hjá Óla í ár, har hann á Danish Open í apríl svam 3:57.67, og á Paulus Wildeboer stevnuni í Sabadell í mars 3:58.88.
Óli hevur nú frí til í morgin, tá ið hann skal royna seg á dupulta teininum, 800 frí.
Óli til Mare Nostrum 2018 í Barcelona
Óli Mortensen fór í morgun til Barcelona í Katalonia, har hann nú í morgin og ovurmorgin skal luttaka á Mare Nostrum stevnuni har, í 400 og 800 metra frísvimjing. Úrslitini fara at kunna síggjast her á natacio.cat
Úrslit frá FM á langgeil 2018
Her eru úrslitini frá Føroyameistarastevnuni á langgeil 2018, sum var í Páls Høll í Vági nú í vikuskiftinum hin 8. til 10. juni. Úrslitini síggjast eisini her á livetiming.se umframt her á SwimRankings.
- Úrslit sum html-fíla: FM2018L-urslit.html
- Úrslit sum txt-fíla: FM2018L-urslit.txt
- Úrslit sum re-fíla: RE180608.txt
- Úrslit sum lef-fíla: Results_Vagur_2018-06-08.lef
HS Menn 8:05.01 og nýtt føroyskt met í 4×200 frí
Besta manslið hjá HS setti í gjár nýtt føroyskt met í 4×200 metra frísvimjing, tá ið teir á Føroyameistarastevnuni á langgeil 2018 í Páls Høll í Vági svumu teinin uppá tilsamans 8:05.01. Havnar Svimjifelag átti metið á 8:08.47, frá FM á langgeil í 2017.
Teir fýra sum svumu, vóru:
- Óli Mortensen (1996) 1:57.72
- Niels Nattestad (1998) 2:08.04
- Alvi Hjelm (1996) 1:57.44
- Bartal E. Eidesgaard (2003) 2:01.81
HS Menn 4:11.85 og nýtt føroyskt met í 4×100 blandað
Besta manslið hjá HS setti í gjár nýtt føroyskt met í 4×100 metra blandaðari svimjing, tá ið teir á Føroyameistarastevnuni á langgeil 2018 í Páls Høll í Vági svumu teinin uppá tilsamans 4:11.85. Suðuroyar Svimjifelag átti metið á 4:12.18, frá FM á langgeil í 2016.
Teir fýra sum svumu, vóru:
- Óli Mortensen (1996) 1:03.92 (rygg)
- Alvi Hjelm (1996) 1:09.55 (bringa)
- Niels Nattestad (1998) 1:02.37 (firvald)
- Bartal E. Eidesgaard (2003) 56.01 (frí)
Viðmæli: USA Swimming filmar um døming á svimjistevnum
USA Swimming hevur eina røð av videoum her á YouTube, sum greiða frá hvussu dømt verður í ymiskum svimjigreinunum. Sera áhugavert, og nakað sum íslendsku yvirdómararnir vístu á, nú teir vóru her og hjálptu okkum við ABMS 2018.
Startlisti til FM á langgeil 2018
Her eru startlistarnir til Føroyameistarastevnuna á langgeil 2018, sum verður í Páls Høll í Vági nú 8. til 10. juni 2018. Til kunningar so verður stevnuparturin sunnudag seinnapart allarhelst fluttur, til at byrja kl 13:30 heldur enn kl 15:00. Hetta so at til ber at náa bátin norður sama dag.
- Startlisti í txt-sniði: FM2018L_luttakaralisti.txt
- Startlisti í html-sniði: FM2018L_luttakaralisti.html
- Startlisti í pdf-sniði: FM2018L_luttakaralisti.pdf
Startlistarnir síggjast nú eisini her á livetiming.se
Innbjóðing til FM á langgeil 2018
Her er innbjóðingin til Føroyameistarastevnuna á langgeil 2018, sum verður í Páls Høll í Vági hin 8. til 10. juni 2018. Hetta verður okkara triðja FM á langeil í røðini, síðani vit í 2015 fingu okkara fyrsta føroyska langhyl, og sum vant eisini síðsti møguleiki at klára kravtíð til altjóða meistarastevnur í summar, sum í ár eru EJM í Helsinki, NMU í Riga og EM í Glasgow.
- Innbjóðing í PDF-sniði: FM2018L-innbjoding.pdf
- Innbjóðing í lef-sniði: Invitation_FM2018L__Vagur_2018-06-08.lef
- Innbjóðing í RE-sniði: GR180608.txt
Innbjóðingin varð send feløgunum hin 17. mai, og skulu tilmeldingarnar sambært henni vera inni í seinasta lagi hin 31. mai.
Eitt yvirlit sæst her yvir fráboðaðar kravtíðir, til nevndu altjóða meistarastevnur í summar. Formella úttøkan verður fyrst aftaná FM á langgeil 2018, men longu nú sær tað rættiliga lovandi út, við evnaríkum kandidatum til allar tríggjar stevnur.