Vár Erlingsdóttir Eidesgaard megnaði í gjár at vinna altjóða gullheiðursmerki í eisini 400 frí fyri juniorar, tá ið hon í finaluni á Bergen Swim Festival 2018 svam teinin uppá 4:29.01.
![](https://i0.wp.com/www.svimjing.com/wp-content/uploads/2018/04/30232376_10215660276249792_272355112_o-480x600.jpg?resize=480%2C600)
Vár Erlingsdóttir Eidesgaard megnaði í gjár at vinna altjóða gullheiðursmerki í eisini 400 frí fyri juniorar, tá ið hon í finaluni á Bergen Swim Festival 2018 svam teinin uppá 4:29.01.
Vár Erlingsdóttir Eidesgaard vann sær í gjár altjóða gullheiðursmerki í 200 metra frísvimjing fyri juniorar, tá ið hon í finaluni í 200 metra frísvimjing á Bergen Swim Festival 2018 svam teinin uppá 2:07.26.
Hetta var eisini stórt persónligt met hjá Vár, í mun til hennara 2:08.38 frá SuSvim-stevnu í februar mánaða. Sára Ryggshamar Nysted eigur føroyska metið og juniormetið á 2:05.66, frá evropeisku juniormeistarastevnuni í Hodmezovasarhely í Ungarn í 2016.
Signhild Joensen setti í gjár stórt nýtt føroyskt met í 100 metra ryggsvimjing, og vann sær altjóða silvurheiðursmerki, tá ið hon á Bergen Swim Festival 2018 svam 1:03.01 og næstskjótast av teimum átta í finaluni. Hon átti sjálv føroyska metið á 1:03.34, frá SuSvim-stevnu í Vági fyri viku síðani.
Rókur Trygvason vann sær í gjár altjóða silvurheiðursmerki á Bergen Swim Festival 2018, tá ið hann í finaluni í 200 metra bringusvimjing fyri juniorar svam teinin uppá 2:24.49. Hetta var eisini stórt persónligt met, í mun til hansara 2:26.47 frá Reykjavík International í januar mánaða.
Róland Toftum eigur føroyska juniormetið á 2:23.72, frá Reykjavík International í 2016, meðan Pál Joensen eigur føroyska metið á 2:21.71, frá Bergen Swim Festival í 2015.
Vár Erlingsdóttir Eidesgaard vann í dag gull í 50 metra firvaldasvimjing fyri juniorar, á Bergen Swim Festival 2018. Hetta í triðja umfari í ‘útskiljingskapping’, har hon við tíðini 28.44 eisini setti nýtt føroyskt juniormet.
Vár átti sjálv føroyska juniormetið á 28.54, frá SuSvim-stevnu í Vági í februar mánaða, meðan Astrið Foldarskarð eigur føroyska metið á 28.29, frá Danish Open í 2014.
Sí úrslit
Rókur Trygvason setti fyri løtu síðani stórt nýtt føroyskt juniormet í 100 metra bringusvimjing, tá ið hann í finaluni fyri juniorar á Bergen Swim Festival 2018 svam seg til tíðina 1:06.14 og eitt flott fimtapláss. Sí úrslitalistan her.
Alvi Hjelm luttók fyri løtu síðani í finaluni í 400 metra blandaðari svimjing, á Danish Open 2018, og varð har nummar 4 við tíðini 4:31.50. Hetta er besta tíð hjá Alva síðani Danish Open 2016, sí yvirlitið her.
Signhild Joensen vann sær fyri løtu síðani altjóða gullheiðursmerki í 50 metra ryggsvimjing, á Bergen Swim Festival 2018. Hetta var í ‘útskiljingskapping’, har tær vóru fyrst 8 sum svumu hesar 50, fyri síðani at taka fyrst tríggjar frá og síðani tvær afturat, til Signhild var skjótast/seigast av teimum trimum eftirverandi.
Birita Debes luttók eisini í hesi finalu, og ‘yvirlivdi’ har fyrsta umfar í útskiljingini, áðrenn hon var millum tær sum vórðu sáldaðar frá.
Sí úrslit …
Vár Erlingsdóttir Eidesgaard vann sær í dag altjóða gullheiðursmerki á Bergen Swim Festival 2018, tá ið hon í 100 metra frísvimjing vann kappingina fyri juniorar, við tíðini 58.18 sekund. Sí úrslitalistan her.
Í morgin byrjar altjóða svimjistevnan Bergen Swim Festival 2018, við luttøku av eisini 18 føroyskum svimjarum. Startlistarnir síggjast her, sum benda á at vit fara at síggja í øllum førum nakrar føroyskar svimjarar í finalum, og kanska vinna okkurt heiðursmerki, hóast kappingin er sera hørð.