Her eru hagtøl higartil frá átakinum “Klárar tú 200?”. Tølini broytast so hvørt sum fleiri koma afturat – Gott at síggja, at so nógv luttaka!
Category: Breidd
Mannagongd ísv átakið “Klárar tú 200?”
Her er mannagongdin sum vit hava gjørt til hesa nýggju svimjiroynd SSF, sum er kjarnan átakinum “Klárar tú 200?”.
Har er eitt tilhoyrandi oyðublað, til at fáa at vita í øllum førum hvar royndin varð klárað, umframt gjarna eisini føðiár, kyn og heimbýur ella -bygd hjá svimjaranum.
Svimjarin má gjarna vera ónevndur, um hann ella hon ynskir tað. Har er tó enn møguleiki at geva upp navn, um svimjarin velur tað.
Í móti endanum stendur heldur knortlut, at møguligt gjald má fáast inn, áðrenn nálin verður handað. Har er bara einki gjald, í ár 🙂
Annars sera stuttligt at uppliva tann áhuga sum er fyri hesum tiltaki, og ta vælvild sum vit uppliva í svimjihallunum.
Við svimjikvøðu
Rókur
Klárar tú 200? – Nýtt átak til at betra um svimjiførleikan í Føroyum
Svimjisamband Føroya fer nú undir eitt átak til at fáa so nógvar føroyingar sum gjørligt at kanna, um teir klára at svimja 200 metrar uttan íhald ella hjálpitól. Ein serlig nál er gjørd til tey sum prógva hetta, og var sjálvur Løgmaður hin fyrsti at gera tað.
Væleydnaður Svimjifagnaður 2018
Sunnudagin hin 16. september luttóku eini 47 børn í Svimjifagnaðinum 2018, sum Svimjisamband Føroya og Ægir skipaðu fyri í Klaksvíkar Svimjhøll. Hetta gjørdist ein fínur fyrsti dagur av hesum slag, og tyktist tað sum at børnini stuttleikaðu sær, samstundis sum tey lærdu eitt sindur um trygd í vatni.
Minst til at melda til Svimjifagnaðardagin 2018
Vit hava nú fingið nóg nógvar tilmeldingar til at vilja hava Svimjifagnaðin sum ætlað, í Klaksvíkar Svimjihøll nú sunnudagin hin 16. september 2018. Enn ber til at melda til, men tit mugu skunda tykkum um tit ætla tykkum luttøkuprógv eisini, tí tey verða bíløgd í morgin. Spælitiltakið er sum fyrr nevnt fyri øll børn sum ganga í 4. til 7. skúlaflokki, óansæð um tey duga at svimja ella ei, og er ókeypis.
Tilmeldingarskjalið er her: https://form.jotformeu.com/81702240601341
Innbjóðing til Svimjifagnaðardag hin 16. september 2018
So royna vit aftur – Um nóg stór undirtøka er fyri tiltakinum, so skipa Svimjisamband Føroya og Ægir fyri Svimjifagnaðardegi í Klaksvíkar Svimjihøll, sunnudagin hin 16. september 2018 frá klokkan 14:00 til 17:00. Tiltakið er fyri øll børn sum ganga í 4. til 7. skúlaflokki, óansæð um tey duga at svimja ella ei, og er ókeypis.
Tilmeldingarskjalið er her: https://form.jotformeu.com/81702240601341
Continue reading Innbjóðing til Svimjifagnaðardag hin 16. september 2018
Svimjifagnaðardagurin 2018 útsettur
Tíverri vóru tilmeldingarnar í so fáar til ætlaða Svimjifagnaðardagin í Klaksvík nú hin 1. juli 2018, og avgjørdi starvsnevnd SSF tí hóskvøldið at heldur vilja útseta hendan dagin til hin 15. ella 16. september 2018.
Svimjifagnaðardagurin 2018 nú fyri fleiri børnum og alt í senn
Sum kunnugt, so skipa SSF og Ægir fyri einum sokallaðum ‘svimjifagnaðardegi’ í Klaksvíkar Svimjihøll, nú sunnudagin hin 1. juli 2018, har vit ætla at hava tað stuttligt við og í vatni.
Tíverri eru tað enn í so fá børn sum eru meldað til, og verður tiltakið tí broytt til nú at vera fyri øllum børnum sum í ár hava gingið í 3. til 6. skúlaflokki, umframt soleiðis at øll nú eru í gongd í senn, frá kl 14:00 til umleið kl 17:00.
Tilmeldingarskjalið er her: https://form.jotformeu.com/81702240601341
Continue reading Svimjifagnaðardagurin 2018 nú fyri fleiri børnum og alt í senn
Innbjóðing til Svimjifagnaðardagin 2018
Sunnudagin hin 1. juli 2018 skipa Svimjisamband Føroya og Ægir fyri einum stórum og vónandi sera stuttligum spælidegi í Klaksvíkar Svimjihøll.
Tiltakið er ókeypis og ætlað øllum børnum sum ganga í 3. til 6. skúlaflokki, óansæð hvussu væl tey duga at svimja – Men av praktiskum ávum mugu vit tó avmarka luttøkuna til umleið 110 børn.