Svimjisamband Føroya flutti í gjár úr hølunum í ÍSF-húsinum – so frá okkara síðu er nú klárt at byrja uppá ætlaða langhylin í Havn, sum vit eru sera spent til.
Her eru nakrar útvaldar myndir frá nýggju hølunum á Heiðavegi 13 í Saltangará. Talan eru um fyrrverandi høli hjá tryggingini, við millum annað sera góðum goymslumøguleikum.
Stóra tøkk til tykkum sum hava hjálpt til !
PS. Ein móttøka er avgjørt í tonkunum; men nú er tað líka hetta við korona.
Við svimjikvøðu
Rókur
Svimjisamband Føroya hevur í dag gjørt avtalu við Runavíkar kommunu, um at flyta skrivstovu og goymslu til Runavíkar, nú flytast skal úr ÍSF-húsinum í Havn.
Nýggi heimstaður SSF verður í bygninginum har Visit Runavík longu húsast, á Heiðavegi 13 í Saltangará, mitt í býnum og nær bæði ítróttarøki og tunnilsmunna.
Continue reading Svimjisambandið flytir til RunavíkarLesið her á heimasíðu ÍSF
Vegna Svimjisamband Føroya vil eg siga, at um játtanin minkar til ÍSF, so ávirkar tað uttan iva eisini Svimjisambandið – bæði tá ið tað kemur til tað sum vit kunnu bjóða okkara frægastu svimjarum, umframt tað sum vit kunnu gera fyri breiddina.
Éitt er, at vit tá mugu skerja okkara virksemi uttanlanda; men hartil hava vit ætlanir, sum longu bíða eftir størri játtan, til at betra um nakað so grundleggjandi sum svimjiførleika og svimjitrygd í Føroyum.
Vit eru longu eftirbátar í Føroyum, í mun til okkara grannalond, og vit hava tí brúk fyri at vaksa heldur enn at minka. Til dømis vísa úrslitini frá seinastu svimjiførleikakanning hjá okkum, at munandi færri føroysk fimtafloksbørn dugdu at svimja í 2018, enn í 2011.
Rókur
Continue reading Ótryggleiki í føroyska ítróttaheiminumHavnar Svimjifelag hevði aðalfund 18. mai og hevur nevndin tann 26. mai skipað seg soleiðis:
Svimjisamband Føroya hevði í dag hin 16. mai 2020 sín árliga aðalfund, á Parnassinum á Hotel Hafnia. Á skránni var útyvir formansfrágreiðing og framløga av roknskapinum, eisini val av nevndarlimum, har Sørin S. Djurhuus og Eyðun Húsgarð stóðu fyri vali, umframt formaðurin Rókur í Jákupsstovu. Allir tríggir vórðu afturvaldir.
Altjóða lívbjargingarsambandið ILS hevur í morgun kunngjørt, at HM í lívbjarging sum skuldi verða í Riccione í Italia í september 2020, nú heldur verður í Riccione í september/oktober 2022. Lesið her á ilsf.org umframt offisiella brævið.
Eftir ætlan skuldi val-aðalfundur verða í sambandi við hetta HM í 2020, men er hann nú fluttur til heldur at verða í sambandi við altjóða lívbjargingarráðstevnuna sum verður í Sri Lanka í 2021. Og HM sum skuldi verða í Marokko í 2022, verður nú heldur í 2026.
Continue reading ILS flutt HM í lívbjarging til 2022, aðalfundin til 2021Góðu tit øll,
Starvsnevnd SSF hevur avgjørt at útseta árliga aðalfundin hjá Svimjisambandi Føroya, sum skuldi verða nú fríggjakvøldið hin 17. apríl 2020 frá kl 18:00, til í staðin at verða leygardagin hin 16. mai 2020 frá kl 12:00.
Hetta vegna tilmælini frá myndugleikum um ikki at samlast fleiri enn 10 fólk í senn, og vegna tilmæli frá ÍSF um so vítt gjørligt at hava ein fysiskan aðalfund.
Fundurin verður hildin í fundarhølunum hjá Ítróttasambandi Føroya, í ÍSF-húsinum í Gundadali, við somu skrá sum longu fráboðað. Har verður okkurt til matnað.
Skuldi tað ikki eydnast okkum at hava fundin tá heldur sum ætlað, so verður tað fráboðað feløgunum umframt á heimasíðu SSF.
Vegna starvsnevnd SSF
Rókur í Jákupsstovu
Formaður
Allar ítróttagreinar halda steðg, so leingi myndugleikarnir mæla frá, at fólk savnast – t.v.s. í øllum førum til og við 13. apríl
So leingi almennu myndugleikarnir mæla fólki frá at savnast, so leingi stendur steðgurin í føroyska ítróttaheiminum við. Ítróttasamband Føroya leggur dent á, at øll feløg og sambond innan ÍSF virða seinastu almennu tilráðingarnar.
Tað merkir, at venjingar, dystir, kappingar og annars øll ítróttatiltøk – bæði innandura og uttandura – í øllum deildum og aldursbólkum halda steðg í øllum førum til og við 13. apríl, sum er seinasta tilráðingin frá almennu myndugleikunum.
– Nú eigur eingin at slaka. Vit taka framvegis ábyrgd og vilja vera við til at skerja smittuvandan. Støðan skal framvegis takast í størsta álvara. Samfelagssinni er framvegis lyklaorðið her, sigur Elin Heðinsdóttir Joensen, ÍSF-forseti.
Vinaliga
Ítróttasamband Føroya
Góðu svimjifeløg
Um nakar skuldi ivast, so taka vit í Svimjisambandi Føroya sjálvsagt fult undir við tilmæli ÍSF um at steðga við øllum ítróttarvirksemi í fyribils tvær vikur, sum lýst á heimasíðum ÍSF og SSF:
Tað vil siga eingin venjing, eingin kapping og ongi tiltøk annars har menniskju møtast, óansæð aldursbólk ella støði.
Aðalskrivari okkara fer úr starvi, og leita vit tí eftir einum nýggjum. Nógv er rættiliga skrivstovukent, men til tíðir eru eisini praktiskar uppgávur uttanfyri skrivstovutíð og ørindi bæði í Føroyum og uttanlands.
