Her eru startlistarnir til Argja-stevnuna sum Havnar Svimjifelag skipar fyri í svimjihøllini á Argjum í dag, leygardagin hin 21. september 2024. Hetta er stevna fyri okkara yngstu aldursbólkar.
Tíðarætlanin er:
Hetta vikuskiftið luttaka Líggjas og Jonna Joensen í svimjistevnuni Sparekassen Thy Cup 2024 í Thisted, saman við danska liði sínum Aalborg Svømmeklub. Og tað sær heilt gott út við útlitunum, har Jonna er nær heiðursmerkjum í 200 firvald, og Líggjas í serliga 400 og 800 frí. Sí Swimify
Her er innbjóðingin til svimjistevnuna HS Open sum Havnar Svimjifelag skipar fyri í Svimjihøllini í Gundadali, hin 28. og 29. september 2024. Tilmeldingin er á data.tempus.fo
Starvsnevnd SSF hevur samtykt viðfestu úttøkuskipan til NMU 2025, sum verður í Tórshavn í Føroyum frá 5. til 6. juli 2025. Fyrivarni verður tikið fyri feilum og møguligum broytingum.
Starvsnevnd SSF hevur samtykt viðfestu úttøkuskipan til EJM 2025, sum verður í Slovakia frá 1. til 6. juli 2025. Fyrivarni verður tikið fyri feilum og møguligum broytingum.
Starvsnevnd SSF hevur samtykt viðfestu úttøkuskipan til EM U23 2025, sum verður í Slovakia frá 26. til 28. juni 2025. Fyrivarni verður tikið fyri feilum og møguligum broytingum.
Her er innbjóðing til svimjistevnu á Argjum hin 21. september 2024, sum Havnar Svimjifelag skipar fyri. Hetta er stevna fyri okkara yngstu aldursbólkar
European Aquatics kunngjørdi fyri løtu síðani hvar flestu evropeisku meistarastevnur verða í 2025, eftir at vit fyrst í juli fingu dagfestingarnar. EM U23 og EJM verða í Slovakia í juni/juli, meðan EMS og EMS fyri masters verða í Póllandi í desember. Sí len.eu
Líggjas Joensen (2008, Ægir) megnaði í dag at vinna sær eitt bronsuheiðursmerki afturat á donsku meistarastevnuni fyri juniorar, tá ið hann og hinir á liðnum úr Aalborg svumu seg til samlaða úrslitið 3:29.87 í 4×100 frí á langgeil. Sí úrslitalistan her
Líggjas Joensen (2008, Ægir) megnaði fyri løtu síðani at vinna gull og junior-gull á donsku meistarastevnuni á langgeil 2024, tá ið hann í 1500 metra frísvimjing svam seg til úrslitið 16:14.08. Hetta í hørðum dysti við Malthe Elias Wolgast (2006) úr Vejle, sum Líggjas tók í spurtinum. Sí úrslitalistan her
