Evropeiska JuniorMeistarastevnan 2024 verður í Vilnius í Litava nú týsdagin 2. juli til sunnudagin 7. juli, við luttøku av eisini tveimum føroyskum svimjarum. Viðfestur er startlistin sum hann sær út beint nú, áðrenn møguligar broytingar á tekniska fundinum í morgin.
Her eru úrslitini frá svimjistevnuni Tórshavn Open 2024, sum Havnar Svimjifelag skipaði fyri í Svimjihøllini í Gundadali, nú fríggjadagin 28. og leygardagin 29. juni 2024. Úrslitini síggjast eisini her á Swimify og her á SwimRankings
HS menn settu í gjár nýtt føroyskt met í 4×200 metra frísvimjing á stuttgeil, tá ið teir á Tórshavn Open í Svimjihøllini í Gundadali svumu seg til úrslitið 7:40.27, har metið hjá HS frá 2012 var 3:56.04. Sostatt ein munur á tilsamans 0.39 sekund, sí úrslitalistan her á Swimify
HS menn settu í gjár stórt nýtt føroyskt met í 4×200 metra frísvimjing á stuttgeil, tá ið teir á Tórshavn Open í Svimjihøllini í Gundadali svumu seg til úrslitið 7:40.27, har metið hjá SuSvim frá 2011 var 7:54.67. Sostatt ein munur á tilsamans heili 14.40 sekund, sí úrslitalistan her á Swimify
Finnar hava lagt ein fyribils startlista til NMU 2024 út her á Swimify, ið sær heilt spennandi út eisini við føroyskum eygum. Líggjas Joensen (2008, Ægir) og Bárður Ólavsson (2008, FS) síggja út til at kunna vinna heiðursmerki, og onnur hava eisini møguleika at kunna koma upp ímillum tey frægastu.
Evropameistarastevnan 2024 endaði nú sunnudagin, har tey bæði Elisabeth Erlendsdóttir (2005) og Bartal E. Eidesgaard (2003) úr Havnar Svimjifelag luttóku fyri Føroyar. Sí úrslitini her á SwimRankings
Bartal E. Eidesgaard (2003) úr Havnar Svimjifelag svam seg í morgun til nýtt persónligt met í 100 metra frísvimjing á langeil, tá ið hann í innleiðandi riðlunum á EM 2024 í Beograd svam seg til úrslitið 52.32 sekund. Besta tíð hjá honum áðrenn hetta, var 52.48 sekund frá Danish Open í apríl mánaða. Bartal er næstskjótasti føroyski svimjari nakrantíð í hesi grein, har Magnus Jákupsson eigur metið á 51.91.
Evropeiska meistarastevnan 2024 er í hesum døgum í Beograd í Serbia, har sjálv svimjikappingin verður 17. til 23. juni 2023, við luttøku av eisini Elisabeth Erlendsdóttir og Bartal E. Eidesgaard úr Havnar Svimjifelag. Kappingin verður hørð, men eru tó møguleikar at hála seg upp ímillum hesu røsku, sí startlistarnar her
Starvsnevnd SSF hevur samtykt viðfestu úttøkuskipan til Norðurlendsku Meistarastevnuna og JuniorMeistarastevnuna 2024, sum verður í Vejle í Danmark frá 29. november til 1. desember 2024.
Starvsnevnd SSF hevur samtykt viðfestu úttøkuskipan til komandi HeimsMeistarastevnu á stuttgeil, sum verður í Budapest í Ungarn frá 10. til 15. desember 2024.
