Category: Kapping

Góðkent triðja kvøld á Oyggjaleikum 2023

Væl vitandi, at vit plaga at vera pressaði triðja dag á Oyggjaleikum, so kláraðu okkara svimjarar seg faktiskt framúr, við flottum persónligum metum og 6 heiðursmerkjum afturat til rúgvuna á nú 3 gull, 8 silvur og 7 bronsur tilsamans.

  • Kvinnur 400 frí – Eyðrið Mortensen (2003, HS) 4:20.41 og silvur. Besta tíð hj´a henni áðrenn í dag, var 4:26.24 frá Atlantic Open í 2019
  • Menn 100 bringu – Bartal E. Eidesgaard (2003, HS) 51.09 og bronsu. Besta tíð hjá honum áðrenn í dag, var 51.52 frá HMS 2021
  • Kvinnur 50 frí – Alisa Vestergård (2003, SuSvim) 26.70 og bronsu. Besta tíð hjá henni yvirhøvur, er 26.46 frá Ægir Open í februar
  • Kvinnur 200 rygg – Elisabeth Erlendsdóttir (2005, HS) 2:12.38 og gull. Besta tíð hj´a henni áðrenn í dag, var 2:14.17 frá Swedish Swim Games í 2021
  • Menn 800 frí – Líggjas Joensen (2008, Ægir) 8:17.63 og silvur, Heini M. Askham (2006, Ægir) 8:21.19 og bronsu. Besta tíð hjá Líggjasi áðrenn hetta, var 8:19.16 frá Atlantic Open í apríl, og hjá Heina 8:33.53 frá Ægir Open í februar
  • Kvinnur 4×100 frí – Føroyar 3:54.63 og nr 4. Føroyska landsliðsmetið er 3:51.66, frá Oyggjaleikum á Gotlandi í 2017
  • Menn 4×100 blandað – Føroyar 3:50.11 og nr 4. Føroyska landsliðsmetið er 3:49.22, frá Oyggjaleikum á Gibraltar í 2019

Fínur triði morgun á Oyggjaleikum 2023

So er triði morgun avgreiddur á Oyggjaleikum 2023 á Guernsey, og gekk tað aftur rættiliga væl hjá føroysku svimjarunum. 8 finalupláss varð tað til, íroknað tey bæði hjá Líggjasi og Heina sum eru vegna góðar tilmeldingartíðir.

  • í 400 frí fyri kvinnur er Eyðrið Mortensen víðari til finalu, við triðbestu tíð av øllum
  • í 100 bringu fyri kvinnur er Lea O. Højsted akkurát ikki víðari til finalu, so har krevur tað avboð, um hon skal kunna koma í finaluna
  • í 100 frí fyri menn er Bartal E. Eidesgaard víðari til finalu, við triðbestu tíð av øllum
  • í 50 frí fyri kvinnur er Alisa Vestergård víðari til finalu, við triðbestu tíð av øllum
  • í 50 firvald fyri menn vórðu Isak Brisenfeldt og Róland Toftum nr 8 og 9, og eru teir tí ikki víðari til finalu, uttan so at 2-3 melda avboð
  • í 200 rygg fyri kvinnur er Elisabeth Erlendsdóttir víðari til finalu, við næstbestu tíð av øllum
  • í 800 frí fyri menn eru Líggjas Joensen og Heini M. Askham beinleiðis víðari til skjótasta riðil, vegna sínar tilmeldingartíðir
  • í 4×100 frí fyri kvinnur eru okkara víðari til finalu, við fjórbestu tíð av øllum
  • í 4×100 blandað fyri menn eru okkara víðari til finalu, við triðbestu tíð av øllum

Stroyming frá HM 2023

HeimsMeistarastevnan 2023 byrjar nú fríggjadagin hin 14. juli í Fukuoka í Japan, har sjálv svimjistevnan er frá 23. til 29. juli. Altjóða svimjisambandið skrivar her um hvussu vit kunnu fylgja við úr Føroyum, ið stutt sagt er annaðhvørt umvegis danska TV2, ella á stroymingartænastuni All Aquatics.

Sí yvirlit yvir kappingarnar her, úr Føroyum luttaka Elisabeth Erlendsdóttir og Líggjas Joensen í kappsvimjing

Góður næsti dagur eisini á Oyggjaleikum 2023

So er næsti dagur avgreiddur hjá svimjihópinum á Oyggjaleikum 2023, og gekk tað bara heilt væl hjá okkara svimjarum. Tey svimja upp ímóti og betri enn sínar bestu tíðir, og vunnu í kvøld 1 gull, 4 silvur og 1 bronsu afturat heiðursmerkjunum frá í gjár, so at vit til nú hava vunnið 2 gull, 6 silvur og 4 bronsur í svimjingini. Og hartil setti Elisabeth Erlendsdóttir oyggjaleikamet í 100 rygg.

Føroyskir heiðursmerkjavinnarar 2. dag á Oyggjaleikum. Sabina Poulsen eigur myndina
Continue reading Góður næsti dagur eisini á Oyggjaleikum 2023

Fínur næsti morgun á Oyggjaleikum 2023

Okkara svimjarar eru týðiligvís væl fyri, nú á Oyggjaleikum 2023. Rættiliga nógv persónlig met, og rættiliga nógv finalupláss eisini, bæði fyrsta og næsta morgun.

Í morgun varð tað til eini 13 finalupláss, um eg telji rætt

Ein góður fyrsti dagur á Oyggjaleikum 2023

So fór hesin fyrsti kappingardagurin afturum, á svimjistevnuni á Oyggjaleikum 2023 á Guernsey, og gekk tað heilt væl hjá okkara svimjarum. Tilsamans 6 heiðursmerki varð tað til – 1 gull, 2 silvur og 3 bronsur – umframt at Isak Brisenfeldt setti stórt nýtt føroyskt juniormet í 200 metra firvaldasvimjing.

Heiðursmerkjavinnarar, fyrsta dag á Oyggjaleikum 2023. Sabina Poulsen eigur myndirnar
Continue reading Ein góður fyrsti dagur á Oyggjaleikum 2023

Góður fyrsti morgun á Oyggjaleikum 2023

Tey hava nú avgreitt fyrsta stevnupart á Oyggjaleikum 2023, og gekk tað heilt væl hjá okkara svimjarum. Tilsamans eiga vit 12 pláss í finalunum í kvøld:

Finalurnar byrja kl 18:00 í kvøld, Guernsey og føroyska tíð, við fínari ókeypis stroyming her á boxcast.tv