Kapping – Page 2 – svimjing.com

Lea 2:38.74 og nýtt føroyskt met og juniormet í 200 bringu

Lea Osberg Højsted (2008, Ægir) megnaði aftur í dag at seta flott føroyskt met og juniormet á Danish Open 2025, tá ið hon í innleiðandi riðlunum í 200 metra bringusvimjing svam seg til úrslitið 2:38.74. Hon átti sjálv metini á 2:39.27, frá SuSvim Open í februar mánaða. Sí úrslitalistan her á Swimify

Lea hevur nú sett føroyskt met á øllum trimum bringuteinunum, á hesi stevnu, í 100 bringu enntá tvær ferðir. Tíðin rakk til eitt fimtapláss av 42 luttakandi, og er hon tí víðari til A-finalu seinnapartin.

Líggjas 4.00.94 og í A-finalu í 400 frí á Danish Open 2025

Líggjas Joensen (2008, Ægir) svam seg fyri løtu síðani víðari til A-finalu á Danish Open 2025, tá ið hann í innleiðandi riðlunum í 400 frí svam seg til úrslitið 4:00.94. Sí úrslitalistan her á Swimify

3. føroysk met og 1 gull, 3. dag á Danish Open 2025

Aftur í dag gekk væl hjá føroyingum á Danish Open 2025. Isak Brisenfeldt (2006, HS) setti føroyskt met í 200 firvald, Lea O. Højsted (2008, Ægir) føroyskt met og juniormet í 50 bringu, og Bartal E. Eidesgaard (2003, HS) føroyskt met í 100 frí. Hartil vann Líggjas Joensen (2008, Ægir) gull í 1500 frí.

Bartal 51.89 og føroyskt met í 100 frí

Bartal E. Eidesgaard (2003, HS) megnaði fyri løtu síðani at seta flott føroyskt met í 100 metra frísvimjing á langgeil fyri menn, tá ið hann í C-finaluni á Danish Open 2025 svam seg til úrslitið 51.89. Sí úrslitalistan her

Líggjas 15:52.27 og gull í 1500 frí á Danish Open 2025

Líggjas Joensen (2008, Ægir) megnaði fyri løtu síðani at vinna gullheiðursmerki á Danish Open 2025, tá ið hann í skjótasta riðli í 1500 metra frísvimjing fyri menn svam seg til úrslitið 15:52.27. Sí úrslitalistan her á Swimify

Lea 33.29 og føroyskt met í 50 bringu

Lea Osberg Højsted (2008, Ægir) setti fyri løtu síðani stórt nýtt føroyskt met og juniormet í 50 metra bringusvimjing á langgeil, tá ið hon í innleiðandi riðlunum á Danish Open 2025 svam seg til úrslitið 33.29. Hon átti sjálv metini á 33.88, frá SuSvim Open í februar. Sí úrslitalistan her

Isak 2:03.85 og føroyskt met í 200 firvald

Isak Brisenfeldt (2006, HS) setti fyri løtu síðani stórt nýtt føroyskt met í 200 metra firvaldasvimjing á langgeil, tá ið hann í innleiðandi riðlunum á Danish Open 2025 svam seg til úrslitið 2:03.85. Hann átti sjálvur føroyska metið á 2:05.22, frá NMU í Litava í fjør. Sí úrslitalistan her

Føroyskt met eisini 2. dag á Danish Open 2025

Bartal E. Eidesgaard megnaði at svimja seg til nýtt føroyskt met í 50 metra bringusvimjing, og aðrir svimjarar hartil til persónlig met, hendan næsta dagin á Danish Open 2025. Tey kappast víðari í morgin og ovurmorgin.

Jonna sættskjótast í 200 firvald á Bergen Swim Festival 2025

Jonna Joensen (2005, Ægir) megnaði at svimja seg éitt pláss longur fram í úrslitalistanum, tá ið hon í A-finaluni í 200 metra firvaldasvimjing svam seg til úrslitið 2:33.51 og sættapláss, í mun til eitt sjeyndapláss í innleiðandi og eitt 10. pláss í startlistanum. Sí úrslitalistan her á Swimify

Bartal 29.16 og føroyskt met í 50 bringu

Bartal E. Eidesgaard (2003, HS) setti fyri løtu síðani nýtt føroyskt met í 50 metra bringusvimjing á langgeil, tá ið hann vann B-finaluna á Danish Open 2025, við tíðini 29.16. Hann átti sjálvur føroyska metið á 29.27, frá EM í Beograd í fjør. Sí úrslitalistan her