Her er innbjóðing til svimjistevnuna Atlantic Open 2023, sum verður í Svimjihøllini í Gundadali hin 14. til 16. apríl 2023. Hetta er síðsta stevna her heima, áðrenn kravtíðarskeiðið endar til Oyggjaleikir 2023.
Innbjóðing til Atlantic Open 2023
Category: Kapping
Innbjóðing til Reysta-stevnu 25. mars 2023
Her er innbjóðing til svimjistevnu í svimjihøllini í Leirvík, leygardagin hin 25. mars 2023, sum Svimjifelagið Reysti skipar fyri. Hetta er stevna fyri okkara yngstu aldursbólkar: 1, 2 og 3.
World Aquatics og LEN broytt junioraldurin hjá kvinnum
Altjóða svimjisambandið World Aquatics broytti herfyri junioraldursbólkin hjá kvinnum, at frá nú vera tær sum fylla millum 14 og 18 ár í viðkomandi kalendaraári, heldur enn 13 til 17 ár. Harvið hava juniorgentur og dreingir sama aldur, har tað til nú hevur verið forskotið við einum ári.
Innbjóðing til HS Open 18. og 19. mars 2023
Her er innbjóðing til svimjistevnuna HS Open sum Havnar Svimjifelag skipar fyri í Svimjihøllini í Gundadali, leygardagin hin 18. og sunnudagin hin 19. mars 2023.
Úrslit frá SuSvim-stevnuni 4. mars 2023
Her eru úrslitini frá svimjistevnuni sum Suðuroyar Svimjifelag skipaði fyri í Páls Høll í Vági, nú leygardagin hin 4. mars 2023. Hetta var stevna fyri okkara yngstu aldursbólkar, har tey svumu breiddir í langhylinum.
Elisabeth 1:04.62 og í C-finalu á TYR Pro Swim Series 2023 í Fort Lauderdale
Elisabeth Erlendsdóttir royndi seg fyri løtu síðani í 100 metra ryggsvimjing á TYR Pro Swim Series 2023 stevnuni í Fort Lauderdale, og svam seg tá víðari til C-finalu við tíðini 1:04.62. Hetta er persónligt met hjá Elisabeth, í mun til hennara 1:04.67 frá EJM í Róm í 2021. Stroymingin sæst her á YouTube
Elisabeth 2:17.59 í 200 rygg í C-finalu á TYR Pro Swim Series 2023 í Fort Lauderdale
Elisabeth Erlendsdóttir svam seg í gjár til C-finalu í 200 metra ryggsvimjing á TYR Pro Swim Series 2023 stevnuni í Fort Lauderdale, og varð har nr 2 av teimum 8 sum svumu í C-finaluni, við tíðini 2:17.59. Sí stroyming her
Elisabeth 2:22.73 í 200 rygg á TYR Pro Swim Series 2023 í Fort Lauderdale
Elisabeth Erlendsdóttir royndi seg fyri løtu síðani í 200 metra ryggsvimjing á TYR Pro Swim Series 2023 stevnuni í Fort Lauderdale, Florida, og svam seg tá til úrslitið 2:22.73. Besta tíð hjá henni nakrantíð, er 2:19.88 frá Edinburgh International Swim Meet í mars 2022. USA Swimming stroymdi frá kappingini her
Fimm føroyingar á altjóða dómaralista
Altjóða svimjisambandið hevur júst kunngjørt nýggjasta listan yvir altjóða dómarar í kappsvimjing, har eisini fimm føroyingar eru at finna. Hesi fimm eru tey somu sum stóðu á lista nr 20, har hesin nú er nr 22, galdandi til árslok 2026.
Startlisti til SuSvim-stevnuna 4. mars 2023
Her eru luttakaralistar og skráir til báðar stevnupartarnar á svimjistevnuni sum Suðuroyar Svimjifelag skipar fyri í Páls Høll í Vági, nú leygardagin hin 4. mars 2023. Hetta var stevna sum upprunaliga skuldi verða í svimjihøllini á Tvøroyri, ið av serligum orsøkum er flutt til Vágs.
Fyriskipararnir heilsa:
Upphiting er enn kl 09:30 og kapping kl 10:30.
Vit hava flutt startin av tí seinna partinum til kl 13 í staðin fyri kl 14.
Fyrri parturin endar ca kl 12, so tað verður ca 1 tími til upphiting til tey eldru eisini 🙂
Vit hava valt ikki at broyta kappingarnar, hóast at hylurin er 16m, soleiðis at
1 longd er 12,5m
2 longdir eru 25m
3 longdir eru 50m
6 longdir eru 100m