Category: Kapping

Úttøka til NM og NJM 2022

Starvsnevnd SSF hevur í kvøld avgjørt at taka út allar teir svimjarar til Norðurlendsku Meistarastevnuna og JuniorMeistarastevnuna 2022, sum eru fráboðaðir at hava klárað kravtíð:

Til NM

  • úr HS: Elisabeth Erlendsdóttir (2005), Eyðrið Mortensen (2003), Vár E. Eidesgaard (2001), Bartal E. Eidesgaard (2003)
  • úr SuSvim: Alisa Vestergård (2003), Róland Toftum (1998)

Til NJM

  • úr FS: Jóhanna Ólavsdóttir (2007), Bárður Ólavsson (2008)
  • úr HS: Isak Brisenfeldt (2006)
  • úr SuSvim: Bjarta í Lágabø (2009)
  • úr Ægir: Lea Osberg Højsted (2008), Róa Trygvadóttir (2008), Líggjas Joensen (2008), Heini M. Askham (2006)

NM/NJM 2022 verður í Bergen í Noregi frá 9. til 12. desember 2022

HS 3 mix met 3 dagar á rað

Havnar Svimjifelag hevur hesar síðstu tríggjar dagarnar megnað at betra um føroysku metini í øllum teimum ‘mix’-liðsvimjingum sum kappast vórðu um á FøroyaMeistarastevnuni á stuttgeil 2022, við somu fýra svimjarum.

Nýggju metini eru:

  • 1:42.33 í 4×50 frí mix, metið var HS 1:43.41 frá FMS 2021
  • 4:05.36 í 4×100 blandað mix, metið var HS 4:13.09 frá FMS 2021
  • 3:45.58 í 4×100 frí mix, metið var HS 3:50.92 frá FMS 2021

Tey fýra sum svumu fyri Havnar Svimjifelag, vóru Vár Erlingsdóttir Eidesgaard (2001), Eyðrið Mortensen (2003), Bartal Erlingsson Eidesgaard (2003) og Isak Brisenfeldt (2006). Í ymiskari raðfylgju, alt eftir hvat ið lá best fyri.

Vár 4:14.09 og føroyskt met í 400 frí

Vár Erlingsdóttir Eidesgaard (2001, Havnar Svimjifelag) setti fyri løtu síðani nýtt føroyskt met í 400 metra frísvimjing, tá ið hon á FøroyaMeistarastevnuni á stuttgeil 2022 svam seg til 4:14.09 og 780 FINA stig í hesi grein. Hon átti sjálv tað nú farna metið á 4:14.59, frá tá ið hon vann silvur á Norðurlendsk Meistarastevnuni í Tórshavn í 2019. Sí úrslitalistan her á livetiming.se

Vár Erlingsdóttir Eidesgaard føroyskt met í 400 frí
Erling Eidesgaard eigur myndina

Luttakaralistar til FM og JM á stuttgeil 2022

Luttakaralistarnir til FøroyaMeistarastevnuna og JuniorMeistarastevnuna á stuttgeil 2022 síggjast nú her á livetiming.se. Tilsamans eru tey 31 kvinnuligir og 36 mannligir svimjarar sum fara at kappast á hesum meistarastevnum, í Svimjihøllini í Gundadali nú í vikuskiftinum, hin 11. til 13. november 2022.

Luttakaralistar til ABMS Sprint 5. november 2022

Her eru luttakaralistarnir til ABMS Sprint 2022, sum Svimjisamband Føroya og Ægir skipa fyri í Klaksvíkar Svimjihøll, nú leygardagin hin 5. november 2022. Hetta er nýggj meistarastevna fyri okkara yngstu aldursbólkar. Listarnir síggjast eisini her á livetiming.se

ABMS-Sprint-2022-luttakaralistar.pdfDownload

FM/JM á stuttgeil 2022 góðkend sum úttøkustevna til HM á stuttgeil 2022

Altjóða svimjisambandið FINA hevur í nátt váttað yvirfyri Svimjisambandi Føroya, at FøroyaMeistarastevnan/JuniorMeistarastevnan á stuttgeil 2022 er góðkend sum úttøkustevna til HeimsMeistarastevnuna á stuttgeil 2022. Harvið kunnu tíðir haðani brúkast sum tilmeldingartíðir til HM á stuttgeil 2022.

Continue reading FM/JM á stuttgeil 2022 góðkend sum úttøkustevna til HM á stuttgeil 2022

Startlisti til SuSvim-stevnuna á Tvøroyri 29. oktober 2022

Her er kappingarskráin til svimjistevnuna fyri okkara yngstu aldursbólkar, sum Suðuroyar Svimjifelag skipar fyri í svimjihylinum á Tvøroyri, nú leygardagin hin 29. oktober 2022.

susvim-stevna-okt-2022-kappingarskra_leygarmorgun.pdfDownload
susvim-stevna-okt-2022-kappingarskra__leygardag.pdfDownload