Her eru leinki til stroyming og úrslit frá AldurbólkaMeistaraStevnuni 2024, sum Svimjisamband Føroya og Ægir skipa fyri í Klaksvíkar Svimjihøll, nú leygardagin 20. og sunnudagin 21. apríl 2024
Her eru luttakaralistarnir til AldursBólkaMeistaraStevnuna 2024, sum Svimjisamband Føroya og Ægir skipa fyri í Klaksvíkar Svimjihøll, nú leygardagin 20. og sunnudagin 21. apríl 2024. Listarnir síggjast eisini her á livetiming.se og her á Swimify
Nú eru føroyingarnir lidnir við sítt á Danish Open 2024, og gekk tað faktiskt avbera væl. Um uppteljingin er røtt her, so varð tað til 2 føroyskt met, 5 føroysk juniormet og 1 gullnál, umframt at svimjararnir betraðu seg í 39 av 66 luttøkum.
Úrslitini hjá føroyska landsliðnum síggjast øll her á Swimfy
Heini M. Askham (2006) úr Ægir svam seg fyri løtu síðani til gullnál í 400 metra frísvimjing á langgeil, tá ið hann í B-finaluni rakk tíðina 4:03.67, har gullnálatíðin hjá okkum er 4:04.41. Hetta í harðari kapping við liðfelagan Líggjas Joensen (2008) sum svam 4:03.57, men sum longu hevur gullnál. Teir báðir endaðu sum nr 1 og 2 í B-finaluni, og eru nú nr 4 og 5 av øllum føroyingum nakrantíð í hesi grein, aftanfyri Pál Joensen, Óla Mortensen og Alva Hjelm. Sí úrslitalistan her á Swimify
Heini M. Askham á Danish Open 2024. Signhild Rannváardóttir eigur myndina
Tað gongur uppá stás í Bellahøj, har føroyingarnir hava betrað seg gott og væl aðruhvørja ferð tey eru lopin í hylin. Nú seinnapartin skulu hesi royna seg í finalum:
Heini M. Askham (2006) úr Ægir í B-finalu í 400 frí
Líggjas Joensen (2008) úr Ægir í B-finalu í 400 frí
Bartal E. Eidesgaard (2003) úr HS í B-finalu í 100 bringu
Elisabeth Erlendsdóttir (2005) úr HS í B-finalu í 200 rygg
Bjarta í Lágabø (2009) úr SuSvim í C-finalu í 200 rygg
Úrslitini hjá føroyska landsliðnum síggjast øll her á Swimfy
Elisabeth Erlendsdóttir (2005) úr Havnar Svimjifelag megnaði nú seinnapartin at seta nýtt føroyskt met í 50 metra ryggsvimjing á langgeil, tá ið hon í A-finaluni á Danish Open 2024 svam seg til úrslitið 29.47. Signhild Joensen átti føroyska metið á 29.54 sekund, frá EM í Glasgow í 2018. Úrslitið hjá Elisabeth rakk til eitt fjórðapláss í kappingini, og gevur tíðin hartil yvir 750 AQUA-stig, sum er kravið til EM 2024. Sí úrslitalistan her á Swimify
Elisabeth Erlendsdóttir á Danish Open 2024. Signhild Rannváardóttir eigur myndina
Isak Brisenfeldt (2006) úr Havnar Svimjfelag megnaði aftur nú seinnapartin at seta føroyskt juniormet í 200 metra firvaldasvimjing, tá ið hann í A-finaluni svam seg til 2:07.41, har metið hjá honum frá innleiðandi í morgun var 2:07.42. Sí úrslitalistan her á Swimify
Isak Brisenfeldt á Danish Open 2024. Signhild Rannváardóttir eigur myndina
Isak Brisenfeldt (2006) úr Havnar Svimjfelag megnaði fyri løtu síðani at seta stórt nýtt føroyskt juniormet í 200 metra firvaldasvimjing, tá ið hann í innleiðandi riðlunum á Danish Open 2024 svam seg til A-finalu við tíðini 2:07.42. Hann átti sjálvur juniormetið á 2:09.50, frá Reykjavík International í januar mánaða. Sí úrslitalistan her á Swimify
Isak á Danish Open 2024. Signhild Rannváardóttir eigur myndina
Tey eru nú komin í helvt við Danish Open 2024, og er tað bara gingið heilt væl hjá føroyska landsliðshópinum. Til nú hava 7 av 15 betrað seg í onkrum, og nøkur fleiri ferðir so at samlaða talið er 17 betringar í 30 royndum. Tey hava svomið seg til 6 finalupláss, og hartil er 1 føroyskt met sett, umframt 3 føroysk juniormet.
Úrslitini hjá landsliðnum síggjast øll her á Swimify
Líggjas Joensen (2008) úr Ægir megnaði aftur í kvøld at seta juniormet í 200 frí, tá ið hann í B-finaluni í 200 metra frísvimjing svam seg til úrslitið 1:53.20. Stór betring í mun til juniormetið hjá honum frá innleiðandi riðlunum í morgun á 1:53.83, og nú heili 2.01 sekund skjótari enn metið sum til í dag var 1:55.21 frá 2012. Sí úrslitalistan á Swimify
Líggjas á Danish Open 2024. Signhild Rannváardóttir eigur myndina