FINA hevur á stjórnarfundi í dag váttað, at russar og hvítarussar sleppa ikki at luttaka á HeimsMeistarastevnuni í Budapest nú í juni 2022, hvørki sum íðkarar ella dómarar. Hartil varð samtykt at vilja flyta Heimsmeistarstevnuna á Stuttgeil 2022, til eitt annað stað enn Kazan og Russland, tó enn við somu dagfesting í desember.
Broyting 8/4-22: Svimjinevnd SSF hevur avgjørt at vilja loyva eisini svimjarum uttan talentnál at luttaka á Atlantic Open 2022. Hesi kunnu tó í mesta lagi melda til 3 kappingar, á teinunum frá 50m til 200m.
Her er innbjóðing til Atlantic Open 2022, sum Svimjisamband Føroya skipar fyri saman við Suðuroyar Svimjifelag í Páls Høll í Vági, leygardagin til mánadagin hin 23. til 25. apríl 2022.
Hetta fyllir nógv í svimjiheiminum í løtuni – Lia Thomas kappaðist sum mannligur svimjari fram til 2019, men hevur síðani skift kyn og vann nú hóskvøldið amerikanska NCAA meistaraheitið í 500 yards frí, við teirri øsing sum harav fylgir.
Her er innbjóðing til svimjistevnuna “SuSvim Open Apríl 2022”, sum Suðuroyar Svimjifelag skipar fyri í Páls Høll í Vági, leygardagin hin 2. og sunnudagin hin 3. apríl 2022. Hetta er opin stevna, har allir aldursbólkar kappast sum éin.
Sum kunnugt luttóku fýra svimjarar úr Havnar Svimjifelag á Edinburgh International Swim Meet 2022, nú í vikuskiftinum, og gekk tað bara heilt væl hjá teimum. Eyðrið setti 3 persónlig met, Isak og Elisabeth hvørji síni 2, Elisabeth svam seg í 2 finalur og varð næstskjótast í aðru.
Her eru úrslitini frá svimjistevnuni “HS Open Mars 2022” sum Havnar Svimjifelag skipaði fyri í Svimjihøllini í Gundadali, nú leygardagin 12. og sunnudagin 13. mars. Úrslitini finnast eisini her á livetiming.se og her á swimrankings.net
Continue reading Úrslit frá HS Open 12. og 13. mars 2022Suðuroyingar settu fyri løtu síðani nýtt føroyskt met í 4 ferðir 50 metra blandaðari svimjing, tá ið teir á “HS Open” í Svimjihøllini í Gundadali svumu hendan samlaða tein uppá tilsamans 1 minutt, 48 sekund og 36 hundraðpartar. Sí úrslitalistan her
Hetta er eitt sindur fløkjasligt – men innleiðandi riðlarnir eru býttir upp í tveir stevnupartar, har tann fyrri vist nokk var tann við teimum skjótaru svimjarunum, og har ein í seinna partinum tó kláraði at svimja skjótari enn 30.98 sum Elisabeth og hin svumu í innleiðandi … áðrenn tær báðar so svumu aftur skj´ótari í umsvimjingini.
Tí eigur hendan finaluplássið, sum í seinna stevnupartinum svam skjótast, meðan longu avgreidda umsvimjingin harvið nú varð ‘bara’ um heiðurin at vera fyrsti eykasvimjari. Sum skilst hava venjarin og Elisabeth valt at strika hana frá hesum eykaplássi, so at tað nú eingin kjansur er fyri, at hon luttekur í finaluni í kvøld.
Elisabeth Erlendsdóttir svam seg í morgun til nýtt persónligt met og pláss í juniorfinaluni á Edinburgh International Swim Meet 2022, tá ið hon í umsvimjing í innleiðandi 50 metra ryggsvimjing svam teinin uppá 30.09 sekund. Hetta er á langgeil, har besta tíð hjá henni áðrenn í dag, var 30.12 frá Evropeisku JuniorMeistarastevnuni í fjør summar.
Skotar skipa í hesum døgum fyri Edinburgh International Swim Meet 2022, har eisini fýra evnaríkir svimjarar úr Havnar Svimjifelag luttaka. Startlistar og úrslit síggjast her, og hartil verður stroymað frá stevnuni.
