Her eru úrslitini frá svimjistevnuni “Ægir Open Februar 2022”, sum Ægir skipaði fyri í Klaksvíkar Svimjihøll, nú leygardagin 19. og sunnudagin 20. februar 2022. Úrslitini finnast eisini her á livetiming.se
Úrslit frá Ægir Open 19. – 20. februar 2022
Category: Kapping
Úttøkuskipan til NMU 2022
Starvsnevnd SSF hevur samtykt viðfestu úttøkuskipan til Norðurlendsku Meistarastevnuna fyri Ung 2022, sum verður í Tallinn í Estlandi hin 9. og 10. juli 2022.
Úttøkuskipan til EJM 2022
Starvsnevnd SSF hevur samtykt viðfestu úttøkuskipan til Evropeisku JuniorMeistarastevnuna 2022, sum verður í Otopeni í Rumenia frá 5. til 10. juli 2022.
Úttøkuskipan til Bergen Swim Festival 2022
Starvsnevnd SSF hevur samtykt viðfestu úttøkuskipan til Bergen Swim Festival 2022, sum verður í Bergen í Noregi frá 1. til 3. apríl 2022.
Kappingarskráir til Ægir Open 19. og 20. februar 2022
Her eru kappingarskráirnar til svimjistevnuna sum Ægir skipar fyri í Klaksvíkar Svimjihøll, nú leygardagin hin 19. og sunnudagin hin 20. februar 2022. Skráirnar finnast eisini her á livetiming.se
Elisabeth er ársins stjørnuskot 2021
Hetta hava tit sikkurt øll fingið við – men Elisabeth Erlendsdóttir úr Havnar Svimjifelag vann nú leygarkvøldið heiðurin sum ársins stjørnuskot 2021, tá ið Ítróttasamband Føroya skipaði fyri Ítróttafagnaðinum 2021. Til lukku Elisabeth!
Innbjóðing til Ægir Open 19. – 20. februar 2022
Her er innbjóðing til svimjistevnuna “Ægir Open” sum Ægir skipar fyri í Klaksvíkar Svimjihøll, leygardagin hin 19. og sunnudagin hin 20. februar 2022.
FINA kunnger serstakt HM í Budapest í juni 2022
Altjóða svimjisambandið FINA kunngjørdi fyri løtu síðani, at ‘ekstraordinert’ HM verður í Budapest í Ungarn í juni 2022, í staðin fyri avlýst HM í Tokyo í mai 2022. Hetta til at umganga at heimsins bestu svimjarar missa møguleikan í 2022, at kappast á hægsta støði.
SuSvim Open 5. – 6. februar 2022 avlýst vegna korona
Suðuroyar Svimjifelag hevur tíverri verið noytt at avlýsa svimjistevnuna sum skuldi verða í Páls Høll í Vági, nú hin 5. og 6. februar 2022, vegna korona. Feløgini vórðu kunnaði í gjár – trupulleikin er at skaffa nóg nógv hjálparfólk, nú smittan herjar.
Bestu bitar frá RIG 2022
Her er ein flott video sum íslendski Kristinn Gauti Gunnarsson hevur gjørt, frá RIG 2022 nú farna vikuskiftið. Onkrir føroyingar eru eisini at síggja 🙂