Góðu tit øll,
Svimjifelagið FLOT fráboðaði í gjár svimjisambandinum og føroysku svimjifeløgunum í telduposti, at tey hava valt at avlýsa FLOT-stevnuna sum skuldi verða í svimjihøllini á Toftum nú leygardagin hin 22. januar 2022. Orsøkin er áhaldandi støðan við koronu.
Vegna SSF
Rókur
Turkiski Emre Sakçı setti nú í kvøld mest sannl´íkt heimsmet í 50 metra bringusvimjing á stuttgeil, tá ið hann á turkisku meistarastevnuni á stuttgeil svam hendan tein uppá 24.95 sekund. Lesið t.d. State of Swimming
HeimsMeistarastevnan á stuttgeil 2021 endaði í gjár, og burdu okkara svimjarar nú verið væl á veg heim til Føroyar, omaná nakrar fínar dagar í Abu Dhabi. Bartal og Alisa settu persónlig met, meðan Elisabeth og Johan svumu upp ímóti sínum
Føroysku úrslitini síggjast her á SwimRankings, har bestu tíðir eisini síggjast:
Johan Nónskarð Dam (2002, HS)
Bartal Erlingsson Eidesgaard (2003, HS)
Elisabeth Erlendsdóttir (2005, HS)
Alisa Bech Vestergård (2003, SuSvim)
Svimjararnir hava verið sera raskir at seta seg upp til kapping, hóast fremmandar umstøður og ymiskt sum kanska órógvaði eisini. Serliga fyrstu dagarnar vóru heldur drúgvir, vegna longu ferðina og trupulleikar at fáa eitt ávíst korona-app at rigga.
Vegna SSF
Rókur
Um alt gongur sum ætlað, so fer føroyska HM-landsliðið úr Vágum í morgin ári kl 08:45, til Danmarkar og so víðari til Sameindu Arabisku Emiratini, har vit væntandi lenda í Dubai kl 23:45. HMS 2021 byrjar hósmorgunin 16. desember.
Góðu tit øll
Svimjinevnd SSF hevur í samráð við koronuráðgevingina avgjørt at útseta ABMS 2021 (2), so at eingin stevna verður í Klaksvík nú í vikuskiftinum.
Vegna svimjinevnd SSF
Rókur
Nú leygardagin hin 11. desember skipar Svimjisamband Føroya fyri AldursBólkaMeistaraStevnu nummar tvey í ár, í Svimjihøllini í Klaksvík. Hetta sum liður í at fáa tvey árlig ABMS, eins og tvey JM og tvey FM, har hetta nú sum ein roynd verður bara éin dag.
Startlistin sæst her á LiveTiming.se
Nú er føroyska svimjilandsliðið á veg heim aftur úr Svøríki, og eru tey heilt væl nøgd. Vit vistu at kappingin fór at verða hørð, men svumu okkara tó í heilum skjótari enn sínar bestu tíðir, og annars ofta nær teimum.
Elisabeth Erlendsdóttir vann silvur í 50 rygg við nýggjum juniormeti, og hartil bronsu í 100 rygg, og fleiri fingu hartil roynt seg í finalu.
Elisabeth Erlendsdóttir svam seg fyri løtu síðani til flott bronsuheiðursmerki á Norðurlendsku JuniorMeistarastevnuni 2021, tá ið hon í finaluni í 200 metra ryggsvimjing svam teinin uppá 2:14.29. Hetta er næsta heiðursmerki sum hon vinnur á hesi stevnu, har hitt fyrra var silvur í 100 metra rygg í gjár.
Sí úrslitalistan her. Splitt-tíðirnar siga sína egnu søgu, at hon var nr 6 aftaná fyrstu 50 metrarnar, og enn nr 6 aftaná 100 metrar, áðrenn hon dró seg fram til eitt 4. pláss aftaná 150 metrar, og so spurtaði til bronsuna, seinastu 25.
Elisabeth er úr Havnar Svimjifelag
Síðstu innleiðandi riðlar vórðu avgreiddir nú í morgun á Norðurlendsku Meistarastevnuni og JuniorMeistarastevnuni 2021, har Elisabeth Erlendsdóttir megnaði at koma víðari til juniorfinaluna í 200 rygg, og Ronja Ró í Dímun til seniorfinaluna í 100 frí.
Hartil skal føroyska kvinnustafettin í 4×100 frí eisini royna seg, tá ið síðstu finalur verða avgreiddar, seinnapartin.
Sviar stroyma beinleiðis frá finalunum frá kl 15 í dag, her á livetiming.se
Elisabeth Erlendsdóttir hevur júst svomið seg til óføra flott silvur á NJM 2021 í Upplands Väsby í Svøríki! Hon var éin hundraðpart frá gullinum.
Super !
