Hygga síggj, har er stroyming, sí SuperLive á livetiming.se
Finaluparturin nú seinnapartin er frá k 16:00, føroyska tíð
Beinleiðis stroyming frá NM/NJM 2021
Category: Kapping
Upp og niður, næsta dag á NM/NJM 2021
Tað gekk eitt sindur upp og niður hjá føroysku svimjarunum, hendan næsta dagin við innleiðandi riðlum á Norðurlendsku Meistarastevnuni og JuniorMeistarastevnuni 2021, sum er í Upplands Väsby í Svøríki.
Elisabeth skjótast í innleiðandi 100 rygg
Elisabeth Erlendsdóttir koyrir á har eysturi í Upplands Väsby – í morgun var hon skjótast av øllum teimum 25 sum luttóku í innleiðandi 100 metra ryggsvimjing, har næstskjótasti juniorur var Vilma Leppähaara úr Finnlandi við 1:02.34, og skjótasti juniorur Veronika Olem úr Estlandi við 1:01.99. Sí úrslitalistan her
Elisabeth 28.63 og juniormet í 50 rygg
Elisabeth Erlendsdóttir setti fyri løtu síðani flott nýtt føroyskt juniormet í 50 metra ryggsvimjing á stuttgeil, tá ið hon í finaluni á Norðurlendsku JuniorMeistarastevnuni 2021 í Upplands Väsby í Svøríki svam teinin uppá 28.63 sekund.
Fín byrjan uppá NM/NJM 2021
So byrjaði Norðurlendska Meistarastevnan og JuniorMeistarastevnan 2021 í Upplands Väsby, við innleiðandi riðlum nú fyrrapartin. Føroyingarnir høvdu ein heldur harðan ferðadag í gjár, men eru glaðir um síni avrik ´í morgun, har fleiri svumu bestu tíðir, og onnur vóru nær við.
Elisabeth Erlendsdóttir megnaði at svimja seg víðari í finalu í 50 metra ryggsvimjing, og hartil verður liðsvimjingin hjá kvinnum 4×200 metra frísvimjing við í finalu eisini.
So er tað NM og NJM 2021
Í morgin ári fara 9 føroyskir svimjarar av landinum við Atlantic, til Danmarkar og síðani víðari til Upplands Väsby í Svøríki, at royna seg á Norðurlendsku Meistarastevnuni og JuniorMeistarastevnuni 2021.
Startlistin sæst her á livetiming.se, sum bendir á harða kapping, tó so við onkrum møguleika fyri at koma upp í millum tey bestu.
Úrslit frá SuSvim Open 27. og 28. november 2021
Suðuroyar Svimjifelag skipar nú í vikuskiftinum fyri svimjistevnuni SuSvim Open á langgeil í Páls Høll í Vági. Ein fullfíggjaður úrslitalisti sær her á LiveTiming.se, ið leingist so hvørt sum tey kappast. Sí eisini https://livetiming.se/results.php?cid=6261
Shymanovich 55.28 og nýtt heimsmet í 100 bringu
Hvítarussiski Ilya Shymanovich setti í gjár nýtt heimsmet í 100 metra bringusvimjing á stuttgeil, tá ið hann á ISL-stevnu í Eindhoven nú fríggjadagin svam teinin uppá 55.28 sekund. Hetta er aðri ferð at hann setur heimsmet á hesum teini, nú í november, har hitt fyrra var 55.32 frá ISL-stevnu hin 19. november.
Næsta HM á stuttgeil verður í Kazan 17. til 22. desember 2022
Altjóða svimjisambandið FINA kunngjørdi í gjár dagfestingarnar fyri HeimsMeistarastevnuna á stuttgeil 2022, at verða hin 17. til 22. desember. Sjálvur býurin varð longu avgjørdur í 2017, at verða Kazan í Tatarstan í Russlandi.
Úttøka til NM/NJM 2021
Starvsnevnd SSF hevur í kvøld samtykt at taka út fylgjandi svimjarar til Norðurlendsku Meistarastevnuna og JuniorMeistarastevnuna 2021, sum verður í Upplands Väsby í Svøríki hin 3. til 5. desember 2021: