Flogfarið til Zagreb er fyribils seinkað í 50 minuttir, og tað verður tí fyrst kl 18:10 týska tíð at vit flúgva víðari. Annars eru øll við gott mót – har vóru onkrar droyar konur í flúgvaranum sum ikki vildu lovað okkum at spæla Yatzi, men annars er alt heilt hampuliga ókey. Eg havi fyribils sent onkrar videoir upp á svimjing.blip.tv, av tí at her eru ávísir trupulleikar við at senda til Kyte frá fartelefonini (les: aalt for drúgv mannagongd til at keypa internet her í Frankfurt).
Category: Kapping
Brúk fyri at koma í samband við EM-landsliðið?
Offisiella kontakt-telefonnummarið er 597559, hjá okkum sum eru til EM í Kroatia. Og tað er so undirritaði Rókur sum svarar, við tað at eg sum kunnugt eri ferðaleiðari á túrinum. Umhugsið tó vinarliga, um tit kunnu noyðast við at senda eitt SMS fyrst, við tað at tað kostar nógv at brúka føroyska telefon í Kroatia.
Úrslit og hagtøl frá NJM 2008
Her eru offisiellu úrslitalistarnir frá NJM 2008, og hagtalsfíla at lesa inn í WinGrodan. Sum tit kanska hava lisið her á SwimNews.dk, so varð tað í ár Danmark sum ‘vann’ NJM, og tað eru tey óivað ógvuliga stolt av. Tað plagar jú at vera Svøríki sum fer við tí mesta.
So eru vit á veg
Fyrsta innslag í ‘videodagbókini’ hjá mær, frá túrinum til Rijeka og EM 2008:
Continue reading So eru vit á veg
3 heimsmet sett í vikuskiftinum
Franska stutthyljameistarakappingin hevur verið í vikuskiftinum, og har svumu tey bara avbera skjótt. Fyrst svam Coralie Balmy leygardagin 200 frí í tíðini 1:53.18, har metið hjá avstralsku Libby Lenton frá 2005 var 1:53.29. So svam Amaury Leveaux 50 firvald í tíðini 22.29, har metið hjá Matt Jaukovic frá World Cup í Sydney í heyst var 22.50. Og so svam Alain Bernard 100 frí í tíðini 45.69 (50 metra splitt 21.71), har metið hjá Stefan Nystrand frá World Cup í Berlin í 2007 var 45.83. Skjótir franskmenn, sum sikkurt allir vera í Rijeka nú um nakrar dagar.
Tíðindaskriv frá SSF ísv NJM
Soljóðandi skriv er fingið frá Svimjisambandi Føroya. Orsaka at eg ikki havi skrivað so nógv sjálvur, enn, men her er nokk so hektiskt, upp undir fráferð til EM í Kroatia…
Svimjarar til Norðurlenska Junior Meistarakapping
Leygardagin og sunnudagin var NJM í Södertälje i Svøríki. Svimisambandið sendið hesuferð 2 svimjarar, Hildur á Fløttu úr Fuglafjarðar Svimjifelag og Helena Strøm Sævarsdóttir úr Suðuroyar Svimjifelag. Landsliðsvenjari var Petur Heðin á Fløtti, og leiðari Maud Poulsen úr Svimjisambandinum.
Í stuttari viðmerking sigur Petur Heðin á Fløtti at NJM sum altíð er ein stór avbjóðing fyri okkara svimjarar, serstakliga tí at kappingarstøðið er so høgt. Tær báðar Helena og Hildur hava nú roynt seg í altjóða kapping, og hetta fær eina góða ávirkan. Nakrar persónligar tíðir vórðu betraðar, men føroysku svimjararnar vóru ikki á sigurspallinum
Svimjisambandið fer í januar 2009 at leggja kravtíðir til NJM í 2009 og 2010, og í hesum sambandi fer at verða úttikið eitt NJM-bruttolið av fyrsta- og annað-ársjuniorum.
Liðið til NJM kemur aftur til Føroyar sunnukvøldið 7. Desember.
—-
Heilsan
Jon Hestoy
Svimjisamband Føroya
Talentlandslið úttikið til Reykjavik International 2008
Talentlandsliðslega hevur verið í Klaksvík í vikuskiftinum, og í hesum sambandi tóku teir báðir venjararnir, Rúni Gaardbo og Johan Martin Poulsen, út fylgjandi svimjarar, at fara fyri Svimjisamband Føroya til Reykjavik International 2008 í januar:
- Frá HS: Bjørg Seloy, Dagmar M. Winther og Magnus Jákupsson
- Frá Ægir: Monika Biskopstø, Cecilia Eysturdal og Bjarni M. Petersen
- Frá FS: Hildur á Fløtti og Poula Ø. Mohr
- Frá FLOT: Astrið Foldarskarð og Birita Debes
- Frá SuSvim: Katarina S. Lamhauge, Jón Hofgaard og Helena Sævarsdóttir
(Talentlandsliðið 2008. Á myndini vænta Hildur á Fløtti og Helena Sævarsdóttir, ið sum kunnugt eru til NJM í Södertälje í løtuni)
Continue reading Talentlandslið úttikið til Reykjavik International 2008
Minnast tit Beograd?
Ein klassikari frá 2008, lyftur fram á forsíðuna nú tað gongur væl aftur í 2011. Koyr á Magnus! 🙂
Eg kundi ikki lata vera, nú farið verður til Kroatia, at tríva í aftur alt tað góða úr Beograd. So her er ein ‘montaga’ hjá Jón Briani Hvidtfeldt og Rás2, tilsett myndir hjá mær og av susvim.com, harav nógvar eru tiknar av serbiska fotografinum Andrea Ilic, umframt onkur einstøk av góðum fólki í danska svimjifelagnum Sigma NS. Takk fyri gott samstarv í Serbia 🙂
So eru tey í gongd í Södertälje
Norðurlendska juniormeistarastevnan byrjaði í morgun, og fyrstu úrslitini eru tí longu at finna her á livetiming.se. Tað sær út til at Helena hevur onkrar trupulleikar, tí hon hon svam rættiliga langt frá sínum tilmeldingartíðum í 50 rygg og 100 frí, meðan Hildur hinvegin betraði seg við 2½ sekundi í 200 firvald.
Her eru úrslitini til nú:
Kapping | Grein | Seeding | Svimjari | Tilm.tíð | Úrslit | Tíð |
---|---|---|---|---|---|---|
1 | 50 rygg | 9 | Helena Strøm Sævarsdóttir | 32.82 | 9 | 33.85 |
5 | 100 frí | 12 | Helena Strøm Sævarsdóttir | 1:03.73 | 13 | 1:07.14 |
7 | 200 firvald | 7 | Hildur á Fløtti | 2:35.16 | 7 | 2:32.82 |
Her eru tær báðar Helena og Hldur á Klaksvík National, farna vikuskifti:
Randall Bal sett heimsmet í 50 rygg
Hesu ferð á langbana, við tíðini 24.33, har bretski Liam Tancock fyrr í ár svam 24.47. Les til dømis á SwimNews.dk.