Hvør sín svimjitjóð, men vit kenna tey bæði…
Category: Kapping
Pal the Pirat
Har má verða onkur svenskur sjónvarpsteknari sum hevur reyð oyru nú, eftir at Pál Joensen skiftivís var undir bretskum og avstralskum hentleikaflaggi, og eina løtu enntá flaggaði við svarta sjórænaramerkinum.
Elspa nr 4 í 200 rygg
Hon svam 2:08.73, og sostatt væl skjótari enn tilmeldingartíðin á 2:12.58. Í 50 rygg gekk ikki heilt so væl, við tað at hon svam 28.27 og gjørdist nr 7, har tilmeldingartíðin var 27.99. Men man ikki 200 rygg hava ligið í bakhøvdinum, tá ið hon svam 50?
Pál nr 4 í 400 frí
Eingin kundi røra Mellouli, og Glæsner var tíverri alt ov væl fyri, so saman við Biedermann fingu teir trýst Pál aftur á fjórðaplássið. Glæsner fór nokk eftir danska metinum hjá Jacob Carstensen á 3:42.08, men náddi tað ikki við sínum 3:42.79. Pál setti hinvegin føroyskt met við meira enn einum sekundi (3:44.07, har metið var 3:45.21). Mellouli, well hann setti persónligt met við 3:38.42, har hann fyrr hevði svomið 3:40.49. Sí annars úrslitalistan her.
Vanderburgh fyrsti maður undir 26 í 50 bringu
Suðurafrikanski Cameron van der Burgh gjørdist júst nú fyrsta menniskja nakrantíð undir 26 sekund í 50 metra bringusvimjing, tá ið hann setti heimsmet við tíðini 25.94. Hann setti sum kunnugt eisini heimsmet í bæði 50 og 100 bringu í vikuskiftinum, so sum tey siga í FINA streamingini: “3 World Records in as many days!”
Nú verður tað, føroyingar í trimum World Cup finalum !!
Elspa svimur 50 rygg kl 18:52, Pál 400 frí kl 19:16, og so aftur Elspa 200 rygg kl 19:47. Alt føroyska tíð.
TRÝST HER TIL AT SÍGGJA FINALURNAR ‘LIVE’ Á INTERNETINUM
(krevur møguliga Internet Explorer, útgáva 5.5 ella nýggjari)
Til ber eisini at fylgja við splitt-tíðunum ‘live’ her á omegatiming.com
Og um tit tilfeldigvís síggja SVT24, so senda tey tað eisini.
Ein upptakt finst her, har eg havi listað upp hvussu favorittarnir hava splittað sína bestu tíð, tá einaferð.
Continue reading Nú verður tað, føroyingar í trimum World Cup finalum !!
Pál triðbestu tíð í innleiðandi 400 frí
Glæsner legði út sum eitt lokomotiv í fyrsta riðli, men Pál hevði fyrimun av at liggja undir liðini á Mellouli, í næsta riðli. Pál er sostatt styrkismettur sum nr 3 í finaluni í 400 frí í kvøld. Og nú Elspa kom í finaluna í 50 rygg, so merkir tað at tveir føroyingar fara at svimja ‘live’ í kvøld, á SVT24 og sum webcast, frá kl 18:00 føroyska tíð, umframt sum ‘live timing’ á omegatiming.com.
Her er startlistin til teir 50 rygg hjá Elspu, og her er hann til teir 400 hjá Páli. Elspa liggur bara eina geil frá Sanju Jovanovic úr Kroatia, sum eigur heimsmetið í 50 rygg, og Pál sleppur aftur at svimja undir liðini á Mellouli, sum hevði bestu tíð í morgun.
Her eru splitt-tíðirnar hjá Páli frá í morgun:
Elspa er eisini í Stockholm
Hon skal svimja 50 rygg nú um eina lítla løtu, í riðli 1, eftir at mennirnir her hava svomið 100 rygg. Hon hevur tilmeldingartíð 27.99, og liggur til eitt sættapláss.
Upptakt til teir 400 í Stockholm
Pál luttekur í innleiðandi 400 frí á World Cup stevnuni í Stockholm í morgun, og klárar vónandi tá at gerast millum 8 teir skjótastu, sum er kravið til at sleppa í finaluna í kvøld. Hann hevur sum er sjeyndbestu tilmeldingartíð. Fylgjast kann við innleiðandi riðlunum á www.omegatiming.com frá kl 09:00 føroyska tíð, og finalan verður hartil sjónvarpað av SVT24 og streamað ‘live’ frá kl 18:00 føroyska tíð. Neyðugt er at brúka Internet Explorer, til at kunna síggja streamingina.
Nøkur met:
- Føroyskt met: 3:45.21 (Pál Joensen, FAR, Kolding 26. okt. 2008)
- Danskt met: 3:42.08 (Jacob Carstensen, DEN, Sheffield 14. mar. 1998)
- Norðurlendskt met: 3:40.81 (Anders Holmertz, SWE, Paris 4. feb. 1990)
- Evropeiskt met: 3:37.35 (Yury Prilukov, RUS, Manchester 11. apr. 2008)
- Heimsmet: 3:34.58 (Grant Hackett, AUS, Sydney 18. jul. 2002)
8 teir bestu:
| Nr | Navn | Tjóð | Føddur | 100m | 200m | 300m | 400m | Stað og dagfesting |
|---|---|---|---|---|---|---|---|---|
| 1 | Paul Biedermann | GER | 1986 | 53.50 | 1:48.66 | 2:43.40 | 3:38.22 | Berlin 17. nov. 2007 |
| 2 | Robert Hurley | AUS | 1986 | 53.05 | 1:48.99 | 2:45.42 | 3:42.50 | Melbourne 22. sep. 2008 |
| 3 | Oussama Mellouli | TUN | 1984 | ? | ? | ? | 3:43.33* | ? |
| 4 | Robert Margalis | USA | 1982 | ? | ? | ? | 3:44.15* | ? |
| 5 | Nicolas Frost | AUS | 1986 | 53.02 | 1:50.23 | 2:47.65 | 3:44.44 | Melbourne 31. aug. 2007 |
| 6 | Mads Glæsner | DEN | 1988 | ? | ? | ? | 3:44.98* | ? |
| 7 | Pál Joensen | FAR | 1990 | 53.71 | 1:51.00 | 2:48.55 | 3:45.21 | Kolding 26. okt. 2008 |
| 8 | Christoffer Vikström | SWE | 1987 | 54.65 | 1:53.81 | 2:53.45 | 3:52.72 | Jönköping 24. nov. 2007 |
*Mellouli hevur svomið 3:40.49 í Sydney tann 25. oktober 2008
*Margalis hevur svomið 3:42.22 í Shanghai tann 7. apríl 2006
*Glæsner hevur svomið 3:44.91 í Debrecen tann 13. desember 2007
| 3 | Oussama Mellouli | TUN | 1984 | 25.59 | 53.35 | 1:50.18 | 3:40.49 |
Sydney 25. okt. 2008 |
| 4 | Robert Margalis | USA | 1982 | 26.08 | 54.01 | 1:50.46 | 3:43.22 |
Shanghai 7. apr. 2006 |
| 6 | Mads Glæsner | DEN | 1988 | 26.50 | 55.02 | 1:52.03 | 3:44.91 | Debrecen 13. des. 2007 |
Onnur áhugaverd føroysk met:
Heilsan úr Stockholm
Jón og Pál heilsa úr Stockholm, at hylurin har yviri er “fábulaktigur”, og at Pál annars er væl fyri. Har eru 20 kamera á botninum av hylinum, sum verða brúkt til backup video døming. Tað vil siga, at um dómararnir eru í iva, so kunnu teir velja at hyggja at videounum. Hotellið er super, maturin fantastiskur, og sviiar fittur sum altíð. Les eisini á susvim.com
