Viðfestu eru úrslitalisti og hagtalsfíla frá HS stevnuni í vikuskiftinum. Eg havi ikki havt stundir at telja heiðursmerki saman enn, og nái tað mest sannlíkt heldur ikki í kvøld (skal venja FLOT). Men tað kemur, innan alt ov leingi 🙂
Category: Kapping
Shaila kláraði eisini kravtíðina til EM á stuttbana
OK, ein smuttari hjá mær, í øllum hurlivasanum. Sum tit fara at hoyra nú um eina løtu í 3-2, og sum vit eisini hava fingið váttað frá nýggja svimjisambandsforsetanum Jon Hestoy, so kláraði Shaila millum Garðarnar at kvalifisera seg til EM í Rijeka í desember mánaða, á HS stevnuni í vikuskiftinum. Tey verða tí fýra sum fara: Shaila, Mona, Kári og Pál.
So vítt eg dugi at síggja, so kláraði Shaila kravtíðina við at svimja 26.79 í 50 frí, tá ið suðuroyargenturnar svumu 4×50 frí, har kravtíðin til EM er 26.87 sekund.
Fleiri myndir frá HS-stevnuni
Nú verða síðstu myndir hjá mær frá HS-stevnuni sendar upp her á Flickr. Her niðanfyri eru tað heiðursmerkjavinnararnir í 50 frí… ei undir at SuSvim vann so nógv, tí tey vóru opinbart tvær ella tveir sum svumu, hvørja ferð 😉
Nýtt heimsmet í 100 bringu
Suðurafrikanski Cameron van der Burgh setti stuttbana heimsmet fyrst í 50 bringu í gjár, og síðani aftur í 100 bringu í dag, tá ið hann nú svam teinin í tíðini 56.88. Ein sundursorling av heimsmetinum hjá Ed Moses frá 2002, sum var 57.47. Les SwimInfo
So fór metið hjá Høgna
Lítið visti Høgni T. Hansen, tá ið hann vann gull í 200 bringu á Oyggjaleikum á Isle of Wight við tíðini 2:24.71, at hetta føroyska metið fór at standa í yvir 15½ ár. Men tað gjørdi tað, til í dag tann 9. november kl umleið hálvgum fimm, tá ið Pál Joensen svam teinin í tíðini 2:22.49.
Mellouli 14:34.31 í Moskva
Sí úrslitalista sum PDF-fíla, her á omegatiming.com. Til nú hevur hann ‘bara’ svomið 14:54.73 í ár, tann 18. oktober á World Cup stevnuni í Durban. Men kanska var tað tí at hann bleiv rætt pressaður hesu ferð, av russiska Vitally Romanovich, sum nú í Moskva svam teir 1500 í tíðini 14:40.46. Romanovic luttekur ikki í Stockholm; men tað er væl heilt greitt at Mellouli fyri tað er klárur favorittur at vinna gullið, nú Pál skal yvir at svimja ímóti honum.
Myndir frá HS-stevnuni
Sendi myndir upp her á Flickr, frá HS stevnuni í Havn. Har koma so fleiri, so hvørt sum vit taka tær, og hava stundir at senda upp.
Uppvísing á hugnaløtuni hjá HS
Her eru nakrir fimleikarar sum vístu okkum lop av vippu, í leypi av hugnaløtuni hjá HS, nú eftir stevnupartin leygardag.
Pál setti føroyskt met í 100 frí
Pál Joensen setti í kvøld nýtt føroyskt met í 100 frí í stuttum hyli, tá ið hann á HS stevnuni svam teinin í tíðini 52.21. Gamla metið var 52.30, sum Pál svam á SuSvim stevnu í januar 2008.
Nýtt heimsmet í 50 bringu
Suðurafrikanski Cameron van der Burgh hevur á World Cup stevnuni í Moskva í dag sett nýtt heimsmet í 50 metra bringusvimjing á stuttbana, við tíðini 26.08. Gamla metið hjá ukrainska Oleg Lisogor var 26.17. Lesið SwimInfo