Category: Kapping
Skráin fyri HS-stevnuna 8-9 nov 2008
Viðfest er skráin fyri HS-stevnuna í morgin og ovurmorgin. Byrjað verður við upphiting í morgin kl 08:00, og kappast verður so fram til og við kapping nr 12, tá ið steðgur verður í umleið ein tíma, og byrjað so verður aftur við fyrst ein tíma upphiting, og síðani kapping fram til og við kapping nr 24.
Síðani verður hugnaløta við døgverða og undirhaldi tá leygarkvøldið, í sambandi við at Havnar Svimjifelag fyllir 70 ár, og farið verður so aftur undir upphitingar sunnudagin kl 13. Seinastu kappingar verða svomnar frá kl 14 sunnudagin, til liðugt er við kapping nr 36.
Sí eisini innbjóðing til HS-stevnuna, sum varð løgd her á heimasíðuna fyri viku síðani.
Upptakt til teir 1500 í Stockholmi
Tað verða mest sannlíkt teir fýra Mads Glæsner úr Danmark, Oussama Mellouli úr Tunesia, Robert Margalis úr USA og Pál Joensen úr Føroyum, sum skulu kappast um heiðursmerkini á World Cup í Stockholmi, mikudagin 12. november 2008. Eg havi her niðanfyri funnið splitt-tíðir hjá hesum fýra av www.swimrankings.net (og nú 10. november av www.omegatiming.com), til okkum at kunna samanbera við, tá ið hesir bresta saman.
Nøkur met:
- Føroyskt met: 14:49.34 (Pál Joensen, FAR, Kolding 25. okt. 2008)
- Danskt met: 14:45.16 (Mads Glæsner, DEN, Greve 27. okt. 2007)
- Norðurlendskt met: 14:45.16 (Mads Glæsner, DEN, Greve 27. okt. 2007)
- Evropeiskt met: 14:16.13 (Yury Prilukov, RUS, Helsinki 9. des. 2006)
- Heimsmet: 14:10.10 (Grant Hackett, AUS, Perth 7. aug. 2001)
Startlistin til HS stevnuna klárur
Vit síggja at teir báðir Pál og Kári fara eftir øllum møguligum ‘skeivum’, so sum stutt crawl og firvald, bringu og blandað, sikkurt tí at báðir longu eru úttiknir til EKM. Meðan tey sum mangla tíðir, týðiligvís fara beinleiðis eftir teimum. Yvirhøvur er luttøkan góð, ella so mikið góð sum hon nú kann verða, eftir fráfallið síðani Rhodos.
Fara at royna at streama frá stevnuni í vikuskiftinum
Bara so tit vita tað, so ætla Bartal og eg at royna at streama frá stevnuni í vikuskiftinum, sum liður í ætlanunum hjá SSF at fáa sett í lag webcast frá øllum svimjistevnum. Vit fara partvís at royna okkum við eini ‘stabilitets-test’, har ein telda fer at senda ‘live’ netvarp frá so nógv av stevnuni sum gjørligt, við éinum webkamera sum á FM. Og so við eini aðrari teldu royna at gera meira avanserað ting, sum at skifta millum kamera, vísa í ‘slow motion’ og ‘mixa’. Hitt fyrra verður koyrt her á svimjing.com, í tann mun sum tað riggar 🙂
Og stevnan verður áhugaverd, við tað at hon er evstamark fyri at klára kravtíðir til evropeisku meistarastevnuna og norðurlendsku juniormeistarastevnuna í desember. Vit hoyrdu í 3-2 mánakvøldið, at onkur vil royna at klára kravtíðina til EM, og onnur fara eisini at royna at klára kravtíðirnar til NJM. Onkur triði er heilt nær kravtíðunum til Oyggjaleikir, og Pál fer møguliga aftur at fara eftir metunum í bringu, um ikki tað forstýrar fyrireikingarnar til World Cup í Stockholm í næstu viku.
Størsta forðing fyri at vit kunnu streama frá stevnuni, er at vit ikki eru 110% vísir í at neyðuga internet er í høllini. Annars verður streamað, í tann mun sum teldurnar tola hitan!
Pál møguliga til Stockholm at kappast ímóti Glæsner og Mellouli
Sum tit kanska hoyrdu í Útvarpinum fyri løtu síðani, so verður arbeitt við at fáa Pál til Svøríkis at kappast í næstu viku, á árligu World Cup stevnuni í Stockholmi. Ein ógvuliga áhugaverd kapping, har t.d. Mads Glæsner og OL-gullvinnarin Oussama Mellouli longu eru tilmeldaðir í 1500 frí.
Her síggja vit Mellouli vinna gull í 800 frí á OL í Beijing í august HM í Melbourne í fjør. Hann varð seinni dømdur at missa gullið, vegna doping (sí gomul tíðindi her á svimjing.com):
Continue reading Pál møguliga til Stockholm at kappast ímóti Glæsner og Mellouli
Nú koma teir nýggju startskamlarnir
Sum tit kunnu lesa um og síggja á www.simma.nu og www.eriksdalsbadet.se, so verður tað á World Cup stevnuni í Stockholm í næstu viku, at teir nýggju FINA góðkendu startskamlarnir við trackstart-beinstúttu fyri fyrstu ferð nakrantíð verða brúktir í altjóða kapping. Framleiðararnir siga at hesir nýggju skamlar fara at kunna betra um tíðirnar við umleið tveimum tíggjundapørtum, í mun til vanligar skamlar, men tað krevur sjálvsagt at svimjarin venur seg við at brúka teir. Leggið til merkis, at man kann flyta hasa stúttuna aftur og fram, alt eftir hvat ið passar einum best.
Frálíkt evniskvøld um føroyskan úrvalsítrótt
Eg haldi at serliga vit innan svimjing kunnu fegnast um tiltakið í gjár, har tað veruliga varð varpað ljós á tørvin á einum úrvalsumhvørvi í Føroyum, og fólk sum heild vóru við uppá at fáa okkurt at henda skjótt. Politikararnir vóru nógv minni avvísandi enn eg væntaði at teir fóru at vera, og restin var jú í denn grad jalig fyri at fáa okkurt at henda, við svimjingini sum ein náttúrligur partur av útvalsumhvørvinum.
Continue reading Frálíkt evniskvøld um føroyskan úrvalsítrótt
Danska svimjisambandið vil seta forboð ímóti ‘superdraktum’
Sí www.svoem.dk og swimnews.dk. Forboðið skal galda fyri teir yngru svimjararnar, sum í ár eru gentur føddar í 1995 og seinni, og dreingir føddir í 1993 og seinni. Danska svimjisambandið sigur at orsøkin er partvís svimjiteknisk og partvís økonomisk:
Svømmeteknisk hensyn: Dansk Svømmeunion ønsker, at de yngste svømmere skal lære at svømme hurtigt, have den rigtige kropsposition i vandet og derved svømme teknisk korrekt uden brug af den nyeste teknologi.
Økonomisk hensyn: Det er for Dansk Svømmeunion vigtigt, at alle forældre kan være med rent økonomisk, når svømmerne er helt små, og at dansk svømning således fastholder flest mulige talenter, uden at økonomien skal lægge en dæmper på opbakningen fra forældrene.
Loynidómurin aftanfyri danska OL-succés er vísind og test
Tað sigur Lars Sørensen, elitechef hjá danska svimjisambandinum, og toppsvimjarin Jeanette Ottesen gevur honum rætt. Danir innførdu eina skipan fyri fimm árum síðani við testum og mátingum av svimjarum innan økini skaðafyribyrging, fysiologi og teknikk, har m.a. 100.000 krónur verða brúktar hvørt ár til at fáa estiska Rejn Haljand til Danmarkar at filma og eftirmeta teknikkin hjá dønum, og aðrir fysiologar regluliga máta hvussu nógva mjólkasýru svimjararnir skapa, so hvørt sum teir skipa skjótari og skjótari.
Triði parturin er ‘fysiologisk screening’, sum gongur út uppá regluliga at hyggja at hvørjum einstaka úrvalssvimjara, til at meta um ein skaði er á veg, og í so fall seta tiltøk í verk longu áðrenn skaðin uppstendur. Alt í alt er hetta ein skipan sum danir sjálvir halda hava hjálpt teimum nógv, og serliga Rejn Haljand fær rós frá Jeanette Ottesen. “Den mand er et geni”.
Lesið spn.dk