Hetta kunngjørdi hann á “Australian Swimmer of the Year Awards” í Sydney í kvøld. Orsøkin er at kroppurin ikki longur orkar tað nógvu hørðu venjingina, og faktiskt ikki hevur gjørt tað leingi. Í staðin fer hann kanska upp í lokal-politikk í Avstralia, ella møguliga at arbeiða innan bankavinnuna. Craig Lord hevur eina longri grein her á SwimNews, har størstu løturnar hjá Hackett verða nevndar.
Category: Kapping
Kjak á swim.dk um donsku metini hjá Pál
Tað er (kanska ikki ónáttúrligt) fallið onkrum dana fyri bróstið, at Pál nú kundi seta danskt met á DM, uttan t.d. eisini hava hava sett langhyljamet á EJM. Onkur har heldur eisini, at so burdi Danmark sloppið at brúkt Pál t.d. í stafettum á altjóða stevnum, nú hann er danskur methavari. Jón Bjarnason svarar ymiskum, og sigur m.a. at hann helst ikki sá at Pál fór til fleiri Danmarks-meistaraheiti. Lesið her á swim.dk.
Nýtt heimsmet í 50 rygg
Avstralski Robert Hurley setti nýtt stutthylja-heimsmet í 50 rygg í dag, tá ið hann á FINA World Cup stevnuni i Sydney svam teinin uppá 23.24 sekund. Gamlað metið var 23.27, sum týski Thomas Rupprath svam í 2004. Lesið Swimnews.
Pál luttók í 100 blandað stafett
Pál og ‘Aalborg Herrer 1’ blivu nr 8 í 100 blandað stafettini. Pál svam teir síðstu 100 frí uppá 50.82 sekund.
Pál millum bestu seniorar í Evropa
Sum tit kanska hoyrdu í ítróttartíðindunum í kvøld, so segði Jón Bjarnason í gjár, at tíðin hjá Pál í 1500 frí var tann fimtbesta tíðin sum var svomin av nøkrum evropea í ár.
Eg dugi ikki at finna akkurát hasa styrkismetingina á netinum, men um vit hyggja at www.swimrankings.net, so er tað heilt greitt at Pál er væl við í kappingini. Ja, fyri sæsongina 2009 er støðan so mikið góð, at hann kemur at standa á einum fyrstaplássi á styrkismetingarlistanum, tá ið vit samanbera við hansara 3:45.21 í 400 frí.
Men men, akkurat tann listin er kanska i so ungur enn, á listanum fyri 2008 verður plaseringin umleið eitt 22. pláss.
Elspa Mørkøre vann gull í 50 rygg, gull í 4×100 frí og silvur í 100 blandað
Elspa livdi upp til favoritt rolluna í kvøld, tá hon við tíðini 27.99 vann gull í 50 rygg. Í 100 blandað fekk Elspa silvur við tíðini 1:03.05. Jeanette Ottesen úr Kvik Kastrup vann gull og setti met við tíðini 1:01.21. Og at enda fingu ‘:-) Wes Damer’ úr West Swim gull í 4 x 100 frí stafettini. Tíðin hjá teimum var 3:45.01. Tíðin hjá Elspu var 55.18.
Malan bleiv nr 13 í 50 bringu
Kári bleiv nr 7 í 50 rygg
Tíðin hjá Kára í finaluni var 26.78. Matthias Gydesen (Allerød) vann við tíðini 24.97. Bronsutíðin hjá Tim Jensen (MK 31) var 25.82. Frederik Wørmer gjørdist nr 4 (26.18).
Mona bleiv nr 11 í 800 frí
Mona Simonsen bleiv nr 11 í 800 frí við tíðini 9:12.71. Vinnaratíðin hjá Lotte Friis, sum hevur vunnið eina rúgvu fyri Allerød, var 8:31.41.
Pál vann gull í 400 frí – og enn eitt junior met !
Pál Joensen var suverenur í 400 frí finaluni. Við tíðini 3:45.21 var hann væl frammanfyri nr 2, Anders Lie úr Farum, ið kom á mál við tíðini 3:52.93. Tíðin hjá Páli er samstundis nýtt danskt junior met.