Sum tit kunnu lesa her og her, so ynskja bæði tey stóru amerikansku venjarafeløgini, ASCA (American Swimming Coaches Association) og CSCAA (College Swimming Coaches Association of America), bann móti hesum nýggju draktunum, tí at tær forbróta seg móti reglunum hjá FINA, við at hjálpa svimjarunum at flóta betur, og við at betra um útinningarevnini.
Category: Kapping
FS-stevnan flutt eitt vet
Vertirnir hava avgjørt at flyta stevnuna eitt sindur, so at neyðugt ikki verður hjá nøkrum at yvirnátta heiman í frá. Nú er upphitingin tí fyrst kl 12:30, og kappingin kl 13:30, nú leygardagin 4. oktober. Tilmeldingarfílan er viðfest.
SuSvim vann SuSvim-stevnuna
Sum kunnugt kappaðust yngstu bólkarnir í Vági í vikuskiftinum, eina viku seinkað vegna trupulleikar við Smyrli. Úrslitið varð at SuSvim vann flest gullheiðursmerki, við FS sum nummar tvey og Ægir sum nummar trý. Mest vinnandi svimjarar vóru Jóhann Heðinsson og Óluva Jacobsen úr FS.
Continue reading SuSvim vann SuSvim-stevnuna
EM 2010 verður í Budapest
Budapest vann kappingina við Rom og Moskva, um at sleppa at fyriskipa evropeisku meistarastevnuna á langbana í 2010. EM var eisini í Budapest í 2010, og eftir øllum at døma gekk tað tá so mikið væl, at tey nú longu fáa stevnuna aftur í 2010. Les mti.hu
FS fingið 40 metrar hyl ?!?
Total sensatión her á fsvim.com: Hylin hava vit funnið í Fuglafirði, so nú er bara at seta hita á soleiðis at vit kunnu venja á einum 40m longum hyli. Ja, sig so tað. Hann líkur kanska ikki alheims krøv, men tvær geilir á 40 m so tað er ikki at forkasta.
Um NJM 2008 í Södertälje
NJM verður sum kunnugt í Södertälje í Svøríki tann 6. og 7. desember, fyri gentur føddar 1993-1994 og dreingir føddir 1991-1992. Sjálv innbjóðingin finst sum Word-skjal her á heimasíðuni hjá Södertälje Simsällskap, www.sss.se, og kann eisini lesast sum HTML-skjal her á stevnuheimasíðuni. Svomið verður í ‘Sydpoolen’, sum tit kunnu lesa um og síggja á heimasíðuni www.sydpoolen.se. Føroysku kravtíðirnar síggjast her á ssf.fo.
SuSvim bjóðar til kapping nú leygardagin
Talan er um stevnuna sum skuldi verða síðsta leygardag, men sum varð útsett vegna trupulleikar við Smyrli. Til ber at melda til av nýggjum, ella bara brúka somu tilmeldingar sum seinast. Lesið annars tíðindini her á knassi.net.
Innbjóðing til Føroya Banka stevnu í Fuglafirði
Sum tit kunnu lesa í viðfesta skrivi, so verður árliga FS stevnan í Fuglafirði tann 4. oktober, fyri bólkar 2 og 3. Kappingin koyrir sum ein ‘opin’ kapping, men úrslitini verða bólkað. Sum nakað nýtt verður møguligt at keypa døgverða í steðginum fyri 40 kr, men tá má boðast frá áðrenn mánadagin 29. september. Tilmeldingarfreistin er annars mikudagin 1. oktober kl 23.
Norðurlendskar kravtíðir til NJM 2008
Til stuttleikar ein samanbering av kravtíðunum til NJM 2008, so frætt sum eg havi dugað at funnið tær á netinum. Norðmenn siga seg brúka meðaltal av triðbestu tíð á trimum teimum seinastu NJM. Danir brúka nakað sum minnir um tað sum norðmenn gera, meðan íslendingar brúka eitt millumting millum norsk/donsku kravtíðirnar og tær føroysku. Havi ikki funnið tær svensku enn, og dugi ikki at finna runt á finsku ella estisku heimasíðunum.
Continue reading Norðurlendskar kravtíðir til NJM 2008
Hollywood stjørnur skaffaðu milliónir til sjúk børn, við at gjøgnumføra eitt triathlon
Nautica Malibu Triathlon í Los Angeles er nokk tað triathlon sum tú skalt luttaka í, um tú vilt møta veruligum ‘celebrities’, og enntá hava møguliga at smyrja tey av. Í ár luttóku m.a. Jennifer Lopez, Matthew McConaughey og Anna Kournikova, og skaffaðu í hesum sambandi $950,000 til Children’s Hospital of Los Angeles. J-Lo brúkti 2 tímar, 23 minuttir og 38 sekund, um at svimja 800 metrar, súkkla 29 km og renna 6,4 km; men hon hevur gott nokk eisini nýliga átt tvíburðar.