Estin Rejn Haljand er fastur fúsur at greina kappingar fyri evropeiska svimjisambandið LEN, og hevur tískil eisini nú greiningarnar frá EJM í Beograd klárar her á heimasíðuni www.swim.ee. Tíverri bara frá finalum og semifinalum, og tíverri ikki frá teinum longri enn 400 metrar. Men splitt-tíðir, frekvensur og armtakslongd frá teimum 400 frí hjá Páli eru so har, at samanbera við kappingarneytarnar. Continue reading Kappingargreining frá teimum 400 í Beograd
Category: Kapping
Norðurlendska meistarastevnan fyri Masters
Funnin á www.simma.nu, og viðfest her niðanfyri. Kappast verður í 25 metra hyli á Hafnafirði í Íslandi tann 3.-4. oktober, í aldursbólkunum 25-29 ár, 30-34 ár, 35-39 ár, osfr. Freistin at melda til rættstundis er 15. september, men man kann tó fyri eykagjald melda til heilt fram til 25. september. Har eru heiðursmerki og innivist, buss-samband og ball. Nakar sum torir?
ÍSF spyr: “Ert tú dopaður?”
Ítróttarsamband Føroya minnir her á, at føroysk ítróttarfólk kunnu koma út fyri at skula dopingtestast í frítíðini, undir venjing og í kappingum, og at eisini vit tí mugu ansa eftir altíð at hava neyðuga TUE-loyvi, um vit taka heilivág fyri astma, allergi, sukursjúku, hjartatrupuleikar ella annað. Neyðugu umsóknarbløðini kunnu fáast hjá ÍSF, og har ber eisini til at spyrja, á tlf. 312606 ella 282331, um tit ivast í nøkrum.
Jú, ’12. maður’ var fullmannað eisini til landsdystin Serbia-Føroyar
Sí mynd 4 í myndafrásøgnini “Serbia-Føroyar”, á www.portal.fo. Og skundið tykkum, áðrenn teir rætta feilin ð:-D
Birita 32.11 í 50 rygg
Á evsta degi av gamla bólkabýtinum, og í minst møguligu, lógligu kapping, gjørdi rituvíksgentan Birita Debes tað sum vit í FLOT høvdu droymt um longu væl áðrenn FM. Nevniliga at svimja 50 rygg undir 32.89, sum var føroyska bólkametið hjá Elspu Mørkøre í bólki 3, sett fyri Skeggjar á føroysku unglingameistarastevnuni í 2004. Ein grein sum av øllum má metast millum sterkastu kort hjá Elspu, og tískil nakað sum Birita kann vera veruliga stolt av.
Schoeman sett heimsmet í 50 frí (á stuttbana)
Fyrst var hann í gjárkvøldið bara éin hundraðpart frá heimsmetinum hjá kroatiska Duje Draganja, sum var 20.81 frá HM í Manchester í vár, og síðani buldraði suðurafrikanski Roland Schoeman metið niður í dag, til 20.64, á suðurafrikansku stutthyljameistarastevnuni. Lesið SwimInfo
So byrja paraolympisku leikirnir
Sum tit kunnu lesa á sportal.fo, so skal svimjarin Heidi Andreasen bera Merkið inn á olympiska leikvøllin í morgin, tá ið paraolympisku leikirnir verða settir. DR1 fer at senda hvørt kvøld klokkan 20.50 frá OL fyri rørslutarnaði, og hartil ber til at fylgja við ‘live’ á internetinum, allatíð á paralympicsport.tv.
“Í Føroyum virða skúlar ikki ítróttina”
Áhugaverd grein her í Norðlýsinum í dag, har tað m.a. stendur:
Men nú KÍ hópurin skuldi av stað til Litava – var ikki møguligt at fáa allar leikararnar við.
M.a royndi leiðslan í KÍ at skriva til miðnámsskúlar har heitt var á skúlaleiðslurnar um at ávísir leikarar kundu fáa loyvi at umboða Føroyar – uttan at hetta ávirkaði fráverðu prosenti.
Men svarið var noktandi.
Skúlaleiðslan gjørdi greitt at eingin avtala var millum ÍSF og Mentanarmálaráði um slíka fráverðu og tí vóru ítróttarfólkini roknaði sum fráverða – skulk.
Øv, eg helt annars at alt hetta broyttist, nú miðnámsskúlarnir bjóða bæði ítróttarbreyt og 4 ára lestur. Continue reading “Í Føroyum virða skúlar ikki ítróttina”
SSF kalendarin fyri 2008/2009
Svimjinevnd SSF hevur nú sent út ein kalendara fyri svimjiárið 2008/2009, sum eg tí viðfesti her niðanfyri. Størstu stevnur hjá føroyingum í ár verða:
- í oktober: danska stutthyljameistarakappingin (“DMK”) og Køge Open
- í november: Klaksvík National
- í desember: norðurlendska juniormeistarakappingin (“NJM”) og evropeiska stutthyljameistarakappingin (“EKM”)
- í januar: Ægir International í Reykjavík
- í apríl: danska meistarakappingin og juniormeistarakappingin á langbana (“DM/DMJ”), føroyska smáunglingameistarakappingin (“SUM”), umframt úttøkukappingin til Oyggjaleikir
- í mei: føroyska meistarakapping (“FM”)
- í juni: danska árgangsmeistarakappingin (“DÅM”) og Oyggjaleikir (juni/juli)
- í juli: evropeiska juniormeistarakappingin í Prag (“EJM”) og heimsmeistarakappingin í Rom (“HM”, juli/august)
- í august: norðurlendska ungdómsmeistarakappingin (“NUM”)
Hartil havi eg hoyrt graml um onkra stóra stevnu afturat, sum møguliga er í umbúna 🙂 Continue reading SSF kalendarin fyri 2008/2009
Innbjóðing til Ægir stevnu
Innbjóðing til Ægir kapping 13-14 sep. bólkur 1 og eldri. (eftir nýggju skipan)
Tilmeldingar fílan verður send í næstum, um 1-2 dagar
Feløgini verða at møta við trimum hjálparfólkum.
Elin Matras verður yvirdómari
Heiðursmerkir verða ikki latin.
Seinasta at melda til er mikudagin 10-09-08 Kl. 23
Vónandi bera tit yvir við mær, at innbjóðingin kemur so seint.
Við heilsen
Ægir
Símun Akursmørk