Kapping – Page 55 – svimjing.com

Bartal 53.07 í 100 frí á EJM 2021

Bartal Erlingsson Eidesgaard svam í morgun sína fyrstu kapping á Evropeisku Juniormeistarastevnuni í Róm, sum var 100 metra frísvimjing. Og tað gekk heilt væl – hann setti persónligt met við tíðini 53.07 sekund, har hansara besta tíð til nú var 54.02 sekund frá FM í Vági í fjør. Sí úrslitalistan her

Tíðin rakk til eitt 65. pláss millum teir 85 luttakandi, har hansara styrkismeting áðrenn kappingina var at verða nr 80 av 95. Altso nøkur pláss uppeftir, eisini hóast teir vóru færri sum luttóku enn upprunaliga tilmeldað.

Bartal í Róm, Panagiotis Christou eigur myndina

Bartal er nú hin næstskjótasti føroyski svimjarin nakrantíð í hesari greinini, aftanfyri bara Magnus Jákupsson. Áðrenn í morgun var hann hin 7. skjótasti, men fór hann nú upp um Óla Mortensen, Alva Hjelm, Heðin L. Olsen, Pál Joensen og Rók Trygvason.

David Popovici 47.56 og nýtt juniorheimsmet í 100 frí

Rumenski David Popovici setti í dag nýtt juniorheimsmet í 100 metra frísvimjing á langgeil, tá ið hann á evropeisku juniormeistarstevnuni í Róm svam hendan tein uppá 47.56 sekund, sum fyrsti svimjari í liðsvimjingini hjá Rumenia í 4×100 frí.

David POPOVICI ROU swimming, nuoto LEN European Junior Swimming Championships 2021 Rome 2176 Stadio Del Nuoto Foro Italico Photo Giorgio Scala / Deepbluemedia / Insidefoto

Metstór luttøka á EJM 2021

Evropeiska svimjisambandið LEN skrivar her um metstóra luttøku á Evropeisku Juniormeistarastevnuni í kappsvimjing 2021, nú tey eru eini 566 svimjarar úr 48 londum sum eru tilmeldaði, har samlaða talið av limalondum í LEN er 52. Úr Føroyum eru tey sum kunnugt Elisabeth Erlendsdóttir og Bartal Erlingsson Eidesgaard, bæði úr Havnar Svimjifelag, sum fara at luttaka hesar dagarnar í Róm í Italia.

Sum skilst ætlar LEN at stroyma frá øllum EJM, uttan at tað skal kosta okkum nakað, annaðhvørt á All Aquatics ella her á DailyMotion

Luttakaralistar til NMU 2021

Nú nærkast til Norðurlendsku Meistarastevnuna fyri Ung 2021, har eisini tveir føroyskir svimjarar fara at luttaka. Fyriskipararnir í Litava hava júst sent okkum hetta leinki til luttakaralistarnar, sum benda á eina rættiliga sterka kapping, sum tær báðar Lea og Jóhanna fáa í Klaipeda.

Photo courtesy of Mantas Volungevicius, CC BY 2.0

Oyggjaleikirnir á Orkney verða 12. til 18. juli í 2025

Fyriskipararnir av Oyggjaleikum á Orkney-oyggjunum í 2025, kunngjørdu nú fyrrapartin her á Facebook, at leikirnir tá verða hin 12. til 18. juli.

Photo courtesy of Delaina Haslam, CC BY 2.0

Luttakaralistar til FML & JML 2021

Her eru luttakaralistarnir til FøroyaMeistarastevnuna og JuniorMeistarastevnuna í kappsvimjing á Langgeil 2021, sum Svimjisamband Føroya og Suðuroyar Svimjifelag skipa fyri í Páls Høll í Vági hin 9. til 11. juli 2021, nú sum partur av eisini Føroyaleikum 2021.

SSF-FmJm2021-Luttakaralistar.pdf Download

SSF-FmJm2021-Luttakaralistar-Aldursbyttir.pdf Download

Beinta og Ásbjørg dystast um gullið á FM 2016

So nærkast EJM 2021 í Róm

Evropeiska svimjisambandið LEN skipar nú hin 6. til 11. juli 2021 fyri Evropeisku JuniorMeistarastevnuni í kappsvimjing á langgeil 2021, í samstarvi við italska svimjisambandið FIN, í Róm í Italia. Fyri Føroyar luttaka Elisabeth Erlendsdóttir og Bartal Erlingsson Eidesgaard, bæði úr Havnar Svimjifelag.

Bartal, Panos og Elisabeth í Svimjihøllini í Gundadali

Beinleiðis frá AMÍ 2021

Aldursflokkameistaramót Íslands er nú í vikuskiftinum í Akureyri, við beinleiðis sjónvarping á YouTube-rásini hjá Sundsambandi Íslands. Har er mær vitandi eingin føroysk luttøka – men fyri tað er tað stuttligt at fylgja við 🙂

Gregorio Paltrinieri smittaður við mononukleosu

AP skrivar her, at italski Gregorio Paltrinieri hevur fingið staðfest mononukleosu, nú bara 1 mánaða áðrenn hann eftir ætlan skal verja sítt OL-meistaraheiti í 1500 metra frísvimjing. Tí luttekur hann heldur ikki á Sette Colli stevnuni í Rom nú í vikuskiftinum, í vón um at koma fyri seg til OL í Tokyo.

Mononukleosa er kanska betri kend sum ‘mussisjúka’ (kyssesyge á donskum, kissing disease á enskum), og er (so vítt eg veit) ikki nøkur serliga vandamikil sjúka, tó so at tann sjúki vera eymur og troyttur í vikur og kanska mánaðir.

Her er ein video við Paltrinieri frá í september 2020, nakað aftaná at hann hevði svomið heimsins næstskjótastu tíð yvirhøvur, í 1500 frí.

Úttøka til NMU 2021 í Klaipėda, Litava

Svimjisambandið hevur givið fylgjandi svimjarum tilboð um úttøku til Norðurlendsku Meistarastevnuna fyri Ung 2021, sum verður í Klaipėda í Litava hin 10. og 11. juli 2021:

Lea Osberg Højsted (2008, Ægir)
Róa Trygvadóttir (2008, Ægir)
Jóhanna Ólavsdóttir (2007, FS)
Heini M. Askham (2006, Ægir)

Aftaná fund við foreldrini um møguligar avbjóðingar av korona og so framvegis, hava Lea og Jóhanna valt at takka ja, meðan Róa og Heini heldur fara til FM/JM og Føroyaleikir.

Ferðaleiðarar verða eitt foreldur hjá hvørjum svimjara, meðan venjarin verður nýggi landsliðsvenjarin, Kristian Martin Joensen.

Landsliðið fer úr Føroyum fríggjadagin hin 9. juli, og er aftur mánadagin hin 12. juli.

Við fyrivarni fyri støðuni við korona, sjálvsagt.