Kári J. á Høvdanum byrjaði ballið við at betra sítt egna føroyska met í 200 rygg frá 2:06.44 til 2:05.13. Síðani betraði Pál Joensen um sítt met í 200 blandað frá til 2:11.33 til 2:08.85. Og at enda betraði eisini Malan Vitalis Bærendsen um sítt met í 50 bringu frá 34.94 til 34.74. Jóhann Heðinsson setti sum nevnt bólkamet í 50 firvald, og Bjarni M. Petersen svam sum sætti svimjari í 100 frí seg til eina silvurnál við tíðini 57.91. Støðið er høgt 🙂 Continue reading 3 føroysk met og Susvim hølvar alt av
Category: Kapping
FM køkurin hjá FS
Tey úr Fuglafjarðar Svimjifelag hava ordiliga rigga seg til við skrúvum og spaghettisós á kantinum. Hetta er forrestin aðru ferð at Sonni fær sær (veit ikki nær hann gavst við at eta, men hann svam so 100 frí seinni).
Eitt ógvuliga stutt brot úr høllini
Meðan vit bíða eftir at Jóhan Martin gevur mær nakrar myndir at leggja á netið, kunna tit síggja hetta, hiðani eg siti.
Starturin á 50 firvald hjá kvinnum.
FM 2008 skotið í gongd
Livetiming riggar OK, og svimjararnir svimja bara heilt skjótt. Jóhann Heðinsson úr Fuglafjarðar Svimjifelag hevur sett nýtt bólkamet í 50 frí við tíðini 30,14 sekund (tað er bólkur 3, dreingir føddir 1995-96). Vit leggja myndir upp her á Flickr tá ið tað yvirhøvur ber til. Continue reading FM 2008 skotið í gongd
FM í svimjing beinleiðis á Rás 1 um vikuskiftið
Tíðindaskriv frá Svimjisambandinum um FM í svimjing:
Í sambandi við árligu føroyameistarastevnuna í svimjing, sum verður í Tórshavn um vikuskiftið, hevur
Svimjisambandið gjørt av at royna framleiðslu og beinleiðis sending av øllum finalum í sjónvarpi.Samstarvsavtala er gjørd við Televarpið, R2Net og Rás 2.
Kappast verður eftir hesi skrá:
- Fríggjadag 16. mai: Innleiðandi riðlar frá kl 13:30 og finalur frá kl 18:00
- Leygardag 17. mai: Innleiðandi riðlar frá kl 09:30 og finalur frá kl 16:30
- Sunnudag 18. mai: Innleiðandi riðlar frá kl 08:30 og finalur frá kl 15:30
Finalurnar verða vístar beinleiðis á Rás 1 hjá Televarpinum, hvønn dag, og byrjað verður fríggjadagin kl
17:45.Vegna Svimjisambandið
Palli Ziskason
Continue reading FM í svimjing beinleiðis á Rás 1 um vikuskiftið
LiveTiming sendir ‘LIVE’ frá høllini alt vikuskiftið
Minnist til at tit kunnu fylgja við úrslitunum ‘LIVE’ frá Føroysku Meistarastevnuni í Gundadali í vikuskiftinum, við at fara her á Livetiming.se. Og haldið annars eygu við hesa heimasíðuna og susvim.com, tí har verður óivað eisini okkurt í leypi av stevnuni.
Continue reading LiveTiming sendir ‘LIVE’ frá høllini alt vikuskiftið
Rættaður startlisti til FM 2008
Viðfestur er rættaður startlisti til Føroysku Meistarastevnuna 2008. Feløgini verða biðin um at eftirkanna hann væl og virðiliga og senda møguligar rættingar til Svend Åge skjótast gjørligt, tí tað verður ov seint á tekniska fundinum í morgin.
Fyribils startlistin til FM 2008 klárur
Viðfestur her niðanfyri er fyribils startlistin til Føroysku Meistarastevnuna 2008, sum verður nú fríggjadag til sunnudag 16.-18. mai 2008. Vit kunnu skjótt staðfesta at hóast samlaða luttøkan er rættiliga stór, so er hon so gott sum púra uttan teir ‘jokarar’ av útlendskum og/ella fyrrverandi svimjarum sum vit annaðhvørt vónaðu ella stúrdu fóru at melda til. Í øllum førum hvat einstaklingakappingum viðvíkur. Continue reading Fyribils startlistin til FM 2008 klárur
Nystrand bloggar frá Bergen Swim Festival
Svenska svimjistjørnan Stefan Nystrand skrivar her á bloggu síni um tað góða veðrið og ta stóru svimjistevnu sum er í Bergen her í vikuskiftinum. Hann luttekur á Bergen Swim Festival, sum eg eisini royndi at lokka føroyingar til fyri umleið einum ári síðani. Continue reading Nystrand bloggar frá Bergen Swim Festival
Stór gøla, Hackett er feitur
Éitt er at hann ikki kláraði at svimja við teimum 10 skjótastu á heimsmeistarastevnuni í 10 km havsvimjing seinasta sunnudag, og enntá varð kolldømdur fyri at órógva ein annan svimjara, og harvið misti kjansin fyri at luttaka í havsvimjing á OL. Men tá ið hann hartil kom upp og sá út sum ein hálvfeitur mastersvimjari; tá var rok í Avstralia. So mikið, at hann mátti stilla upp til ‘photoshoot’ í svimjibuksum í Melbourne nakrar dagar seinni.