Avstralska Libby Trickett (fødd Lenton) hevur í morgun við tíðini 23.97 sett nýtt langbana heimsmet í 50 frí hjá kvinnum, og er harvið fyrsta kvinna undir 24 sekund í 50 metra hyli. Harvið eru átta heimsmet sett á avstralsku úttøkumeistarastevnuni til olympisku leikir; tvey fleiri enn á teirri annars framúrskarandi evropeisku meistarastevnuni. Lesið her á SwimNews.
Category: Kapping
Pál Joensen svimur 1500 frí á DHM í morgun
Tað er kapping nr 7 á Danske HoldMesterskaber í morgun, og Pál skal svimja í riðli 3 av 4. Til ber at fylgja við ‘live’ her á livetiming.se. Pál vinnur mest sannlíkt teir 1500, av tí at Mads Glæsner ikki svimur; men tað sæst ikki á skránni, við tað at feløgini sjáldan melda til við tilmeldingartíðum á DHM. Danska juniormetið (hjá Glæsner) er 14:50.72, og seniormetið 14:45.16 Continue reading Pál Joensen svimur 1500 frí á DHM í morgun
Enn eitt heimsmet í 50 frí til Eamon Sullivan
Hann svimur nú 21.28 í 50 frí á langbana, har hann í gjár ‘bara’ svam 21.41 og Alain Bernard sunnudagin setti heimsmet við 21.50. Alexander Popov átti metið á 21.64 frá 1. juni 2000, áðrenn Sullivan byrjaði við 21.56 tann 17. februar í ár, eftir síðani desember 2006 at hava havt eina bestu tíð á 22.00. Øll metini hjá Sullivan og Bernard eru sett í nýggju Speedo LZR Racer draktini. Lesið her á SwimNews.
Continue reading Enn eitt heimsmet í 50 frí til Eamon Sullivan
Startlistin til Susvim stevnuna komin
Sí viðfestu fílu og á www.susvim.com. Pál Joensen er upptikin av Danske HoldMesterskaber í Danmark, men restin møtir rættiliga væl upp úr Susvim, FS, HS, FLOT og Reka.
2 heimsmet sett í Avstralia í dag
Libby Trickett (fyrr Lenton) hevur sett langbana heimsmet í 100 frí hjá kvinnum við tíðini 52.88, og Eamon Sullivan hevur sett heimsmet í 50 frí hjá monnum við tíðini 21.41. Harvið eru nú 6 heimsmet sett á avstralsku úttøkustevnuni til OL, ella líka so nógv sum á evropeisku meistarastevnuni tilsamans. Lesið her og her á Swimnews.
Video av teimum 50 hjá Sullivan
Og av teimum 100 hjá Trickett
Kanada sett bann ímóti nýggju Speedo draktunum
Kanadiska svimjisambandið hevur sett bann ímóti nýtslu av hesum nýggju Speedo LZR Racer draktunum á kanadisku úttøkustevnuni til olympisku leikir; fyrst og fremst tí at øll ikki hava møguleika at skaffa sær eina til stevnuna, men eftir øllum at døma eisini tí at tær eru so dýrar. Í Bretlandi hava tey trupulleikar av at landsliðssvimjarar hava fingið draktir, meðan onnur ikki kunnu náa at fáa eina áðrenn teirra úttøkustevnu. Og amerikanska NCAA ætlar eisini at forbjóða draktunum, til hon er tøk hjá øllum. Continue reading Kanada sett bann ímóti nýggju Speedo draktunum
Stefan Nystrand um EM finaluna í 100 frí
YouTube brúkarin simma123456 hevur verið raskur at ‘videoblogga’ frá EM í Eindhoven. Á videoini her niðanfyri hoyra vit samrøðu við Stefan Nystrand, meðan hann fær massagu eftir at hava vunnið silvur í 100 frí. Eftir øllum at døma var tað mest tað at fáa bank við 9 tíggjundapørtum, sum gjørdi at hann og Magnini sóu so ónøgdir út á heiðursmerkjaplattinum.
Pál Joensen til Danmarkar at kappast fyri Aalborg Svømmeklub
Sum tit kunnu lesa her av susvim.com, so fer Pál Joensen nú um vikuskiftið til Danmarkar at kappast fyri Aalborg Svømmeklub, á donsku meistarastevnuni fyri lið. Pál skal kappast í 200, 400 og 1500 frí, 200 firvald, umframt í stafettunum 4×100 og 4×200 frí. Kappingin er liður í samstarvi millum SuSvim og Aalborg Svømmeklub, og fyrireiking til HM í apríl.
Susvim ávarar um at Pál skal kappast ímóti sterkum svimjarum júst afturkomnir frá EM í Eindhoven; men man Pál ikki hava ein kjans allíkavæl, síðani hann varð nummar tvey á donsku stutthyljameistarastevnuni í heyst, bara aftanfyri Mads Glæsner sum nú stríðist við smittandi livrabruna?
Tit kunnu síggja skránna her av susvim.com, ella fara her á heimasíðuna hjá danska svimjisambandinum. Har er óivað okkurt á heimasíðuni hjá vertsfelagnum eisini, www.ksk.dk (Køge Svømmeklub). Og so ætla tey sær at brúka ‘Live Timing’ eisini, sum tit kunnu síggja her.
6 heimsmet, 18 evropeisk og 279 tjóðarmet
Sum tit kunnu lesa í viðfesta tíðindaskrivi frá evropeiska svimjisambandinum LEN, so varð evropeiska meistarastevnan í ár á ongan hátt bara ein stevna í skugganum av HM og OL. Tey 42 luttakandi londini settu nevniliga 18 evropeisk met, 6 heimsmet og 279 tjóðarmet, sum er rættiliga nógv meira enn tey 7 evropeisku metini og 4 heimsmetini á fyrra EM í Budapest í 2006.
Russland ‘vann’ stevnuna við 12 gullheiðursmerki, 7 silvur og 6 bronsu, við Italia sum nummar tvey (5-7-9) og Frankaríki sum nummar trý (5-4-3). Besti íðkari varð spanska Gemma Mengual, ið sum tann fyrsta nakrantíð vann øll fýra tey møguligu gullheiðursmerkini í synkronssvimjing, og síðani hálendska Marleen Veldhuis, ið vann 3 gullheiðursmerki í svimjing (50, 100 og 4×100 frí).
Her er solo serian hjá Gemmu Mengual
Éitt heimsmet eftir frá fyrru øld
Øll tey gomlu eru farin, undantikið teir 800 frí hjá Janet Evans frá 20. august 1989, tá ið hon svam 8:16.22. Men man tað ikki fara áðrenn vit vita av? Lesið her á SwimInfo.