Franski Alain Bernard hevur tikið heimsmetið hjá Pieter van der Hoogenband í 100 frí á langbana. Nýggja heimsmetið er 47.60, har gamla hjá Hoogenband frá 2000 var 47.84. Og Bernard hevur enntá eina roynd til góðar afturat, við tað at hetta var í semifinaluni á evropameistarastevnuni í Eindhoven. Lesið her á SwimInfo.
Category: Kapping
Manaudou sett evropeiskt met í 100 rygg
Franska Laure Manaudou svam í gjár teinin í tíðini 59.50, tá ið tey svumu semifinaluna í Eindhoven 2008. Í dag fær hon so møguleika at gerast fyrsta kvinna sum verður tríggjar ferðir evropameistari í somu grein. Lesið her á SwimNews og her á SwimInfo.
Evropeiskt met til Alexander Dale Oen
Bæði norski Alexander Dale Oen og franski Hugues Duboscq fóru undir minuttin í 100 bringu á langbana í dag, tá ið Alexander svam 59.76 og Duboscq 59.78. Norðmaðurin setti harvið fyrsta evropeiska met hjá einum norðmanni nakrantíð , og varð eisini fyrsti norski mannligi evropameistari (Irene Dalby varð evropameistari í 1991). Russiski Roman Sludnov átti gamla metið á 59.95, sum hann setti í 2001. Lesið her á SwimNews.
(eingin video at finna enn, men her er ein prát við hann eftir 200 bringu…)
Nýtt heimsmet í 4×100 frí hjá kvinnum
Hálendsku Inge Dekker, Ranomi Kormowidjojo, Femke Heemskerk og Marleen Veldhuis hava við tíðini 3:33.62 sett nýtt langbana heimsmet í 4×100 frí hjá kvinnum, á evropameistarastevnuni í Eindhoven í gjár. Hetta var ein betring uppá næstan 2 sekund, í mun til gamla metið á 3:35.22 frá 2006, sum týskarar áttu. Lesið her á SwimInfo.
Eg havi ikki funnið nakra videobrot enn av hálendsku gentunum, men her er Stefan Nystrand eftir at svensku mennirnir vunnu gull í somu grein:
OK, nú (20. mars) havi eg funnið eina italska video. Fantastiska flott
Tíðindaskriv frá Ægir
Svimjikappingin ´Klaksvík National 2008´ fór sera væl eydnað aftur um bak og tað fyrsta, sum varð sligið fast, eftir at ´lok´ varð lagt á… varð at HON VERÐUR AFTUR.
FS vann (so syngjandi) Klaksvík National 2008
Fuglafjarðar Svimjifelag vann klárt flestu heiðursmerki á Klaksvík National 2008 í gjár, serliga tí at tey eiga Jóhann Heðinsson, Hildur á Fløtti og svimjarar í eldru bólkunum. 17 gullheiðursmerki har nr 2 fekk 4 og nr 3 fingu 3. Birita Debes úr FLOT setti seg hin vegin tungt á kappingina hjá gentum í nummar 3, við at vinna gull í teimum trimum greinum sum hon luttók í.
Continue reading FS vann (so syngjandi) Klaksvík National 2008
Perfektionistar
Stuttligt at síggja hvussu venjarar og svimjarar ganga upp í tað við lív og sál.
Fuglafjarðar Svimjifelag
Ægir og FLOT
Myndir frá Klaksvík National 2008
So er umleið 300 myndir at finna her á Flickr. Nógvar av teimum eru heilt ørvísi enn tær plaga, tí at eg persónliga var upptikin av at hjálpa Johan Martini við onkrum ørum projekti, og tað tí fyri ein stóran part vóru onnur sum tóku myndirnar.
Stórsligin Ægir stevna
Klaksvík National 2008 var so sannliga eitt stórt upplivilsi. Alt tað vanliga var upp á pláss, og hartil bjóðaði Klaksvíkar Býrað til døgverða, vit hoyrdu Jógvan við Keldu fortelja frá svimjing í Klaksvík upp í gjøgnum søguna, og finaluparturin varð tað heilt stóra gallashowið. Ljós og ljóð, og replay í slow motion á stórskíggja. Ókeypis frukt og gávukort og steyp til svimjarar.
Eg skal fara at skriva meira, telja upp heiðursmerkja og vísa til allar tær myndir og videoir sum eg havi frá stevnuni; men beint nú mugu tit noyðast við úrslitalista og RE-fílu (viðfest). Continue reading Stórsligin Ægir stevna
Dagskrá og startlisti til Klaksvík National 2008
Viðfestur er startlistin til Klaksvík National 2008, umframt ein dagskrá fyri dagin. Sum nakað heilt nýtt, skipar Ægir fyri døgverða og øðrum millum innleiðandi og finalu, og hartil verða gávukekkar latnir nummar 1, 2 og 3 í hvørjari kapping.
Update: Kjakið fór rættiliga nógv av sporinum her, haldi eg, og eg havi tí bara púra sløkt fyri viðmerkingunum. So følir vónandi eingin seg meira raktan enn annar 🙂 Continue reading Dagskrá og startlisti til Klaksvík National 2008