Sum tit eisini kunnu lesa her á susvim.com, so bjóðar Suðuroyar Svimjifelag til stevnu nú vist nokk komandi vikuskifti. Kappingin er serliga ætlað teimum sum hava møguleika at klára kravtíð til HM í Manchester og FM. Lesið annars her niðanfyri. Continue reading Innbjóðing til Susvim stevnu
Category: Kapping
Nýggjur úrslitalisti frá Ægir stevnuni
Viðfesti úrslitalisti skuldi verið rættari enn tann fyrri, og hartil fylgir nú RE-fílan við til tykkara WinGrodan tilmeldingardátugrunnar. Eg skal fara at telja saman heiðursmerki rættiliga skjótt. Kanska ikki í kvøld, men skjótt 🙂
PopSci um nýggju Speedo LZR Racer draktirnar
Popular Science hevur eina rættiliga áhugaverda grein her á popsci.com, um nýggju svimjidraktirnar hjá Speedo. Eftir øllum at døma vórðu hesar draktir brúktar, tá ið Eamon Sullivan herfyri setti heimsmet í 50 frí, Natalie Coughlin í 100 rygg og Kirsty Coventry í 200 rygg.
Continue reading PopSci um nýggju Speedo LZR Racer draktirnar
2 heimsmet til Japan í dag
Japanska Reiko Nakamura hevur sett heimsmet í 200 rygg, og Yuko Nakanishi í 200 firvald, tá ið tær í dag svumu ávikavist 2:03.24 og 2:03.12 á japansku stutthyljameistarastevnuni í Tokyo. Tær fingu hvør sínar 2 milliónir yen (umleið 93.000 krónur) frá sponsorinum av stevnuni, fyri at seta hesi heimsmet. Kosuke Kitajima var eisini heilt nær at seta heimsmet í 100 bringu, tá ið hann svam fyrst 57.89 í innleiðandi og síðani 57.62 í finaluni (heimsmetið er 57.47). Lesið her á SwimInfo.
Fyrsta ungdóms-OL verður í Singapore í 2010
Singapore vann á Moskva, og harvið verða fyrstu olympisku leikir fyri ungdómar í Singapore ár 2010. Eg má viðganga at eg havi ikki hoyrt um ungdóms-OL fyrr enn nú, men eftir øllum at døma er hetta ein ætlan hjá altjóða olympisku nevndini IOC at røkka betri út til tey ungu eisini. Lesið her á SwimNews.
Nýtt evropeiskt met í 100 rygg hjá kvinnum
Russiska Anastasia Zueva svam fyri fyrst ferð undir minuttin í 100 rygg á langbana í gjár, tá ið hon á stevnu í Russlandi tók evropeiska metið hjá Laure Manaudou á 59.87 við tíðini 59.64. Harvið er hon triðskjótasta kvinna nakrantíð, og einans ein av fýra sum hava svomið undir minuttin í 50m hyli. Lesið her á SwimInfo.
Myndir frá Ægir stevnuni
Mínar myndir frá Ægir stevnuni kunnu síggjast her á Flickr.com.
Eg var tíverri ikki til staðar tá ið ‘old boys’ svumu, men Reidar hevur lukkutíð myndir av tí her á susvim.com.
Hendan er frá tá ið Søren enn hevði ein kjans …
Og hendan er prógv um at hann faktiskt kom á mál, hóast óndar tungur vilja vera við at tað ikki var so …
(Forrestin flott av Símuni at heppa uppá hann.)
Innbjóðing til HS stevnu 1. mars 2008
Havnar Svimjifelag bjóðar nú til svimjistevnu 1. mars í høllini í Gundadali, fyri bólkar 1 og 2. Viðfest niðanfyri er innbjóðing og kappingarfíla, og gev gætur at innbjóðingin skal vera inni í seinasta lagi hósdagin 28. februar kl 20.00.
Fleiri úrslit úr Klaksvík
Viðfestur er ein næstan fullfíggjaður úrslitalisti frá Ægir stevnuni í vikuskiftinum. Møguliga fullkomiliga fullfíggjaður, við tað at eg ikki veit um tað er ein feilur at masters kappingin væntar, ella um tað er fyri at spara onkran av gubbunum (les: Sørin :-). Hartil eri eg ikki 100% vísur í at úrslitalistin hjá teimum yngstru er heilt rættur enn, men vit fáa væl at síggja.
(Partvís) tíðindi frá Ægir stevnuni
Sum kunnugt var stór svimjistevna í Klaksvík í vikuskiftinum, við svimjarum líka úr yngstu bólkum upp til ‘old boys’. Tíverri vóru onkrir trupulleikar við úrslitunum sunnudag, umframt at eg heldur ikki havi kunnað fingið fatur á úrslitalistanum frá ‘masters’ kappingini leygardag. Hendan frásøgn tekur tí fyrst og fremst saman um viðfesta úrslitalista, frá svimjingini leygardag, tá ið svimjarar í bólki 3 og eldri kappaðust.
