Starvsnevnd SSF hevur samtykt viðfestu úttøkuskipan til komandi Norðurlendsku Meistarastevnu fyri Ung, sum verður í Klaipėda í Litava frá 10. til 11. juli 2021.
Gevið gætur, at hendan ferðin bara verður gjøgnumførd í tann mun sum koronastøðan loyvir tí, har serliga almennu ferðatilmælini eru avgerandi.
Vegna starvsnevnd SSF
Rókur
Tað er aðalfundur í danska svimjisambandinum í morgin, har eitt høvuðsevni er uppskot um misálit frá 26 feløgum á sitandi starvsnevnd, og annars kampval um allar postar í starvsnevndini.
Sitandi formaður hevur longu langt síðani fráboðað, at hann fer frá, og nú í dag hava so svimjararnir á ‘det Nationale TræningsCenter’ skrivað eitt opið bræv til feløgini, um at tey so í øllum førum ikki hava álit á sitandi starvsnevnd.
Sí eisini Jyllands-Posten, Ekstra Bladet, DR og TV2
Tilfar um aðalfundin sæst her á heimasíðuni hjá Dansk Svømmeunion, har víst verður til eisini valfundir hin 15. og 19. apríl, har hesi ymisku sum stilla upp fingu forklárað seg.
Continue reading Svimjararnir á NTC heita nú á feløgini um at fella sitandi nevnd í Dansk SvømmeunionSignhild Joensen royndi seg í kvøld í A-finaluni í 200 metra ryggsvimjing á Danish Open 2021, og varð har nr 4 við tíðini 2:18.62. Sí úrslitalistan her
Signhild eigur sjálv føroyska metið á 2:14.01, frá Danish Open í 2017.
Hervið er Danish Open avgreitt fyri Signhild Joensen á hesum sinni, og er næsta avbjóðing hjá henni EM í Budapest í mai mánaða.
Signhild Joensen royndi seg nú fyrrapartin í innleiðandi 200 metra ryggsvimjing á Danish Open 2021, og svam seg har til A-finaluna við tíðini 2:20.20, sum var sættbesta tíð millum tær 13 luttakandi. Signhild eigur sjálv føroyska metið á 2:14.01, frá Danish Open í 2017. Sí úrslitalistan her
Signhild Joensen royndi seg í gjárkvøldið í A-finaluni í 50 metra ryggsvimjing á Danish Open 2021, og svam seg har til eitt sættapláss við tíðini 29.68. Hetta var 12 hundraðpartar av einum sekundi betri enn hennara innleiðandi tíð á 29.80 sekund, og bara 14 hundraðpartar av einum sekundi frá hennara føroyska met á 29.54, frá Evropameistarastevnuni í Glasgow í 2018. Sí úrslitalistan her
FINA hevur í morgun kunngjørt búmerkið til HM á stuttgeil 2021, sum eftir ætlan verður í Abu Dhabi í Sameindu Arabisku Emiratunum hin 16. til 21. desember 2021. Búmerkið ímyndar ein svimjara, bygdur upp við perlum, til at minna aftur á hetta aldargamla starvið har um leiðir, sum var at kava eftir perlum. Sí FINA
Signhild Joensen svam seg í dag víðari til A-finalu á Danish Open 2021, tá ið hon í 50 metra ryggsvimjing við tíðini 29.80 svam seg til eitt fyribils 6. pláss millum tær 21 luttakandi.
Signhild eigur føroyska metið á 29.54, frá Evropameistarastevnuni í Glasgow í 2018. Tíðin í morgun var hennara 7. besta nakrantíð, og 12. ferð at hon er farin undir 30 sekund í 50 metra ryggsvimjing á langgeil.
Finalan verður einaferð seinni í dag.
Signhild Joensen royndi seg í kvøld í A-finaluni í 100 metra ryggsvimjing á Danish Open 2021, og varð har nr 6 við tíðini 1:03.58. Sí úrslitalistan her
Hetta var eitt vet spakuligari enn hennara 1:03.54 frá innleiðandi riðlunum fyrr í dag, men enn ein klassatíð hjá henni.
Signhild eigur føroyska metið á 1:03.01, har tær báðar tíðirnar í dag eru hennara 11. og 12. bestu nakrantíð.
Næstskjótasta føroyska kvinna nakrantíð, er Elisabeth Erlendsdóttir úr Havnar Svimjifelag, sum í Vági nú í apríl svam 1:05.60.
Her eru úrslitini frá svimjistevnuni fyri okkara yngstu aldursbólkar 1 til 4, sum Havnar Svimjifelag skipaði fyri í Svimjihøllini í Gundadali, í dag leygardagin hin 17. apríl.
Gevið gætur, at 25m-kappingarnar vórðu skipaðar sum stuttleikakappingar, ið tí ikki geva FINA-góðkend úrslit. Hinar longru vóru skipaðar sambært reglunum, og eru tí eisini at finna her á SwimRankings
Signhild Joensen svam seg í dag víðari til A-finalu á Danish Open 2021, tá ið hon í 100 metra ryggsvimjing við tíðini 1:03.54 svam seg til eitt fyribils 6. pláss millum tær 25 luttakandi. Sí úrslitalistan her
1:03.54 er 11. besta tíð sum Signhild nakrantíð hevur svomið, har tær bestu er hennara føroyska met á 1:03.01, sum hon fyrst setti á Bergen Swim Festival 2018, og síðani svam ájavnt við á Bergen Swim Festival í 2019.
Finalan er nú einaferð seinnapartin – Tað er drúgt at fylgja við, og óivað eisini at luttaka, nú tey mugu tøma høllina fyri svimjarar millum hvørja kappingargrein, og spritta av og so framvegis.
