Hetta avdúkaði Pernille Blume sjálv á instagram, at hon nú í eina tíð hevur verið sjúk við korona, og at tað er gingið eitt sindur upp og niður við hesum. Hon hevur ikki kunnað vant hesa tíðina, og er í løtuni í Danmark; men vónar at skjótt kunna fara aftur til Fraklands og venjingina. Sí t.d. Ekstra Bladet og TV2
Category: Kapping
Rikako Ikee klár til OL tvey ár aftaná staðfest blóðkrabbamein
Japanska Rikako Ikee kvalifiseraði seg í gjár til Olympisku Leikir í Tokyo, bara tvey ár aftaná at hon fekk staðfest blóðkrabbamein. Hetta tá ið hon varð japanskur meistari í 100 metra firvald, uttanfyri OL-kravtíðina til hesa grein sum einstaklingur, men tó gott nokk til at kvalifisera seg til liðsvimjingina í 4×100 blandað.
Continue reading Rikako Ikee klár til OL tvey ár aftaná staðfest blóðkrabbameinOL-fyriskiparar og FINA fundast um ætlaðu avlýsingar av OL-úttøkustevnum í Tokyo
Fyriskipararnir av Olympisku Leikum fara sambært Reuters at fundast við altjóða svimjisambandið FINA í hesari vikuni, nú FINA sum skilst umhugsar at avlýsa ætlaðu OL-úttøkustevnur í Tokyo í vippulopi, kunstsvimjing og havsvimjing.
Á heimasíðu FINA stendur stutt um hetta, at “The decision of re-allocating the FINA Olympic Qualifiers planned in Japan is under review. An announcement will be made next week.”
Continue reading OL-fyriskiparar og FINA fundast um ætlaðu avlýsingar av OL-úttøkustevnum í TokyoInnbjóðing til HS-stevnu 17. apríl 2021
Her er innbjóðing til svimjistevnu fyri okkara yngstu aldursbólkar 1 til 4, sum Havnar Svimjifelag skipar fyri í Svimjihøllini í Gundadali hin 17. apríl 2021.
Startlisti til SuSvim Open 10 – 11. apríl 2021
Her eru startlistarnir til svimjistevnuna “SuSvim Open” sum Suðuroyar Svimjifelag skipar fyri í Páls Høll í Vági hin 10. og 11. apríl 2021. Hetta vikuskiftið er síðsti kjansur at kvalifisera seg til EM í Budapest í mai mánaða, umframt at hendan stevnan í Vági er hin fyrsta nakrantíð har føroyingar kunnu royna eftir OL-úttøku.
Continue reading Startlisti til SuSvim Open 10 – 11. apríl 2021Íslendska meistarastevnan útsett, EM-hópurin tí fyribils valdur út í frá undanfarnum stevnum
Nú íslendsku korona-avmarkingarnar vórðu herdar aftur hin 25. mars, so hava tey verið noydd til at útseta íslendsku meistarastevnuna, sum skuldi vera hin 9. til 11. apríl, til vónandi at kunna í staðin verða hin 22. til 25. apríl.
Hetta byrjar tó at vera so mikið nær sjálvum EM, at tey hava valt at taka út ein hóp út í frá úrslitum svomin á stevnum í februar og mars, upp á tað at tey so ikki svimja spakuligari enn 1.5% frá EM-kravinum á komandi íslendsku meistarastevnuni.
Lesið her á sundsamband.is
Pellegrini italskur meistari í 200 frí fyri 16. ferð síðani 2004
Hetta er rættiliga einastandandi – italska Federica Pellegrini kvalifiseraði seg í dag til sítt fimta OL, tá hon fyri 16. ferð varð italskur meistari í 200 frí, rættiliga yvirbevísandi eisini við tíðini 1:56.69 frammanfyri Margherita Panziera sum svam 1:59.13.
Hon vann sítt fyrsta italska meistaraheiti í greinini sum 15 ára gomul í 2004, og hevur verið ósigrað har líka síðani, líka við undantaki av 2008 tá ið hon ikki luttók á hesi stevnu, og í 2018 tá ið hon ikki luttók í 200 frí.
Klárt at melda til FINA dómaraskeiðið 2021
Her er tilmeldingarskjalið í sambandi við FINA dómaraskeiðið á netinum in 7. til 9. mai 2021, sum SSF og FINA skipa fyri undir leiðslu av altjóða yvirdómaranum Jens-Christian Iversen.
Sí viðfestu skrá, vit vóna at síggja millum 20 og 30 av okkara trúføstu dómarum á hesum skeiði, sum ikki vóru á tilsvarandi skeiði í 2019.
Continue reading Klárt at melda til FINA dómaraskeiðið 2021Eru reglurnar í svimjing ov strangar til børn?
Eitt áhugavert kjak er nú í Svøríki, um tað er neyðugt at hava líka strangar kappingarreglur til børn sum vaksin, tá ið tað kemur til svimjiteknikk og -klæðir.
Continue reading Eru reglurnar í svimjing ov strangar til børn?Noyddir at svimja tvær ferðir umaftur um finalupláss
Eitt rættiliga vanligt í kappsvimjing er, at um tveir svimjarar fáa somu tíð sum røkkur til síðsta pláss í finalu, so fáa teir møguleika at royna umaftur. Tað sum tó ikki hendir ofta, er at teir tá aftur fáa somu tíð í umsvimjingini … og tí mugu royna eina ferð afturat.
Continue reading Noyddir at svimja tvær ferðir umaftur um finalupláss