Category: Kapping

Svenska meistarastevnan á stuttgeil avlýst vegna korona

Svenska svimjisambandið kunngjørdi í dag, at tey noyðast at avlýsa svensku meistarastevnuna og juniormeistarastevnuna á stuttgeil 2020, sum skuldi verða í Helsingborg hin 11. til 15. november, vegna íkomnu støðuna við koronasmittu.

 – Vi har haft tät dialog med både RF, arrangörsklubben och arrangörsstaden, men i dagsläget finns det tyvärr ingen möjlighet för att genomföra tävlingen. Det är en utmanade tid för oss alla och vi behöver hjälpas åt att hålla i och hålla ut för att minska smittspridningen. Jag har full förståelse för att det innebär en besvikelse för våra idrottare och föreningar när förutsättningar förändras med kort varsel, och jag lider verkligen med dem, men detta är tyvärr den verklighet vi lever i just nu, säger Förbundschef Mikael Jansson.

Image courtesy of Jsdo1980/Wikmedia Commons, CC BY-SA 3.0

Emre Sakçı 25.50 og evropeiskt met í 50 bringu

Turkiski Emre Sakçı setti fyrradagin nýtt evropeiskt met í 50 metra bringusvimjing á stuttgeil, tá ið hann í ISL-dysti í Budapest svam hendan teinin uppá 25.50 sekund.

Hann er fyrsti turki sum hevur sett evropeiskt met í kappsvimjing, eins og hann í fjør var fyrsti turkiski svimjari nakrantíð at taka silvurheiðursmerki á EM.

Russiski Vladimir Morozov átti nú farna evropametið á 25.51 sekund, frá nevnda EM á stuttgeil í Glasgow í fjør.

Tomoe Hvas 51.72 og norskt og norðurlendskt met í 100 blandað

Norski Tomoe Zenimoto Hvas setti í gjár nýtt norskt og norðurlendskt met í 100 metra blandaðari svimjing á stuttgeil, tá ið hann í dysti í ISL-stevnurøðini í Budapest svam teinin uppá 51.72 sekund. Hann átti sjálvur metini á 52.00 sekund, frá EM á stuttgeil í Glasgow í fjør.

Anton Sveinn McKee 56.30 og norðurlendskt met í 100 bringu

Íslendski Anton Sveinn McKee setti í dag stórt nýtt íslendskt og norðurlendskt met í 100 metra bringusvimjing á stuttgeil, tá ið hann í dysti í ISL-stevnurøðini í Budapest vann kappingina í 100 bringu við tíðini 56.30. Anton Sveinn McKee átti sjálvur hesi nú farnu met á 56.79, frá EM á stuttgeil í Glasgow í fjør.

Anton Sveinn McKee 2:01.73 og norðurlendskt met í 200 bringu

Íslendski Anton Sveinn McKee setti í dag nýtt íslendskt og norðurlendskt met í 200 metra bringusvimjing á stuttgeil, tá ið hann í einum av dystunum í ISL-stevnurøðini í Budapest vann kappingina í 200 bringu við tíðini 2:01.73.

Svenski Erik Persson átti norðurlendska metið á 2:02.80, frá EM á stuttgeil í Glasgow í fjør. Anton Sveinn McKee átti íslendska metið á 2:02.94, frá hesi somu stevnu.

Jeanette Ottesen úr ISL-bobluni til at kunna vera saman við dóttrini

Hetta veit SwimSwam at siga – Upprunaliga var ætlanin at Jeanette Ottesen skuldi kunna vera saman við dóttrini og manninum í ISL-bobluni í Budapest; men av tí at har er vøkstur av koronasmittu i Budapest, so hava tey verið noydd at minka um bobluna.

Tómir hyljar í Reykjavík

Ein sera flott video her, av svimjihyljunum í Reykjavík sum nú standa tómir. Sí mbl.is

Allir svimjihyljar hava verið stongdir í tvær vikur í íslendska høvðsstaðarøkinum, síðani hin 7. oktober 2020, vegna støðuna við koronu.

Tað er Reykjavík, Hafnarfjørður, Kópavágur, Mosfellsbær og Garðabær.

Continue reading Tómir hyljar í Reykjavík

Týska meistarastevnan avlýst vegna korona

Týska svimjisambandið ætlaði at hava sína meistarastevnu (á langgeil) í Berlin frá 29. oktober til 1. november 2020, men kunngjørdi so í gjár at hon má avlýsast, vegna støðuna við korona. Hon skuldi annars verða eitt tekin um nýggja byrjan, og ein afturvendan til soleiðis sum tað plagar at vera; men verður nú ikki hildin at vera ráðilig hóast leiðreglur frá sambandinum um frástøðu og reinføri osfr.

Pellegrini koronasjúk, avlýsir ISL-luttøku í Budapest

Italska svimjidrotningin Federica Pellegrini kunngjørdi í gjárkvøldið, at hon er testað positiv fyri COVID-19, og at hon tí ikki kann ferðast við liði sínum til ISL-stevnuna í Budapest. Hon kendi seg illa aftaná venjing mikudagin, við pínu umframt at hon hevði eyman háls, og fór tí at testa seg.

Les t.d. Swimming World

Kristof Milak ikki klárur til ISL, veikur av koronasjúku

Ungarski Kristof Milak tók heimsmetið frá Michael Phelps í 200 firvald á HM í fjør, og skuldi eftir røttum luttikið í stevnurøðini hjá International Swimming League í Budapest sum byrjar nú í vikuskiftinum – men er enn so veikur aftaná koronasjúku í september, at hann ikki ein gang kann venja enn.

The 20-year-old, who crushed Michael Phelps’ 200 fly world record en-route to gold at the World Championships in Gwangju in July 2019, was diagnosed with coronavirus at the end of September, according to Hungarian media.

His coach Attila Selmeci told InfoRadio that Milak had been “feverish and weakened” and was so fatigued he did not leave his apartment for 10 days.

So too had he been mentally worn out by quarantine and lost a significant amount of muscle.

Les Swimming World